Yokwe komoj ilo rainin, Nov. 10, 2013….Juon in bar katak ej iwoj non kom kajojo non ami bar bok ien ko ami im ekkatak jen Jeje Ko Rekwojarjar…..Anij ippami! Text : Jerbal 18:6-11 V-6 Ke rar jumae im ba nan ko renana nae, ear bikbikir bunal jen nuknuk ko an, kakollen an ellotan, im ba non ir, “Elane kom naj jako, kom make naj bok eddro, im ejamin na! Jen kio im ilok inaj etal non ibben ri ailin ko.” V-7 Innem ear emmakit jen ir im ilok im jokwe ilo mweo imon juon armij etan Titius Justus, ej ri ailin ko ak ej kabun non Anij; mweo imon ar bed wot irurin imon jar eo an ri Jew ro. V-8 Ri tel eo an imon jar eo etan Crispus, ear tomak ilo Iroij, e im aolepen ri mweo imon; im ebar lon armij ilo Corinth rar ronjake nan eo im tomak, im baptais. V-9 Innem ilo juon bon Paul ear lo juon vision. Iroij ear ba none, “Kown jab mijak ak kwon konono wot, im jab ebbwer, V-10 bwe ij bed ibbam. Ejjelok en enaj maron kokkure yuk, bwe elon ian ri jikin kwelok in rej ao.” V-11 Innem Paul ear bed ijo iumin juon yio jimottan, im katakin armij kin nan in Anij. Title: “KWALOK WOT” (JAB BWIJRAK / JAB EBBWER) Kemlele: Eon kein rej kwalok bwe Paul ej kab jeblaaktok jen an kar kwalok ilo Athen – Botap ….. ear jab lab tobrak ijo. Ear itok non Corinth bwe en kwalok ie. - Ien eo moktata Gospel eo ej kab drelon tok. (Splendid City) - Elap an lon armij rar jumae, elaptata ri Jew ro mottan - Corinth ear juon jikin ebunbun kin o Mweie - jerammon o Schools - meletlet o Temple - jab tomak ..Ke ear kwalok, armij ro rar kanuij in kabin buruier, elaptata ri Jew ro ilo Corinth. Ke ej kwalok kin at in Jesus, ri Jew ro rar lukkun - Kariabe - Kwalok nan in blaspheme ..Kin men kein ak jumae kein, jemaron lo ta kar enjake eo an Paul ilo an kwalok non armij ro ilo Corinth.. Bwe ear wor an ebbwer, mijak, lelnon. V-9 Innem ilo juon bon Paul ear lo juon vision. Iorij ear ba none, “Kwon jab mijak ak kwon konono wot, im jab ebbwer.” ..Jemaron in lo bwe ear ebbwer – bolen kinke - Elap jumae - Edrik tobrak - Ear lukkun kotmane ak kejatdrikdrik bwe enaj kar lon ri ukwelok ..Ejjab menin wot ak ilo V-5 ej kwalok bwe Paul ear lap an kanooj jolok ien ko an, maron ko an, im money ko an, bwe en kwalok kin Kraist im jerbal in lomor eo an, ak Ri Jew rein mottan rar jab eoron e, ak rar likit e bwe en aer menin kajirere im bar men ko jet. Kin menin ear ebbwer, bolen ear ba, “emoj ij jeblak.” Ear ellotan. V-6 Ke rar jumae im ba nan ko renana nae, ear bikbikir bunal jen nuknuk ko an, kakollen an ellotn, im ba non ir, “Elane kom naj jako, kom make naj bok eddro, im ejamin na! Jen kio im ilok inaj etal non ibben ri ailin ko.” ..Ikonan ba non kom bwe – - Ebbwer ejjab uaak eo - Ellotan im jeblak ejjab uaak eo - Resign ejjab uaak eo ..Uaak eo, eneo ej “Kraist” wot, Period. Christ wot ebed uaak otemjej ippen. E wot, ebar ejjelok. ..Koban lo ippen – - Lio ippam - Leo ippam - Deacon ro am - Ri kaki ro am ..Ak Jesus wot. Ne ewor am aban, kir non Jesus. Ien otemjej ebojak in jiban. Lale ta eo ear kommae non Paul – V-9 Innem ilo juon bon Paul ear lo juon vision. Iroij ear ba none, “Kwon jab mijak ak kwon konono wot, im jab ebbwer, V-10 bwe ij bed ibbam. Ejjelok en enaj maron kokkure yuk, bwe elon ian ri jikin kwelok in rej ao.” 1. Kwon jab mijak. Ear lelok non e kajur. 2. Jab ebbwer – wonmanlok wot. “Inaj bed ippam.” Kinke enin kallimur eo an. 3. Ejjelok en enaj kokkure eok. Elane Anij ej rejtake kij, won emaron jumaik kij? Ejjelok. 4. “Bwe elon ian ri jikin kwelok in rej ao.” Ejjab iet, elap an lon. Eon in ejjab ba eiet, ak jet ak jejjo, ak elon, ijjab jela won – juon ran jenaj jela ne Anij enaj boktok ir. Example: ___________, elon armij ro an Anij ilo ____________, ejjab iiet. Elon im ebojak in lewoj ir non eok. ..Ikonan kakememej kij bwe men kein rar walok non Paul renaj bar walok non kij. Ri Jew ro rar lelok iman mejen Judge Gallio im na ruon – kin aolepen men ko ear kommoni, ak Gallio ear lelnon. Ear makoko in ekajete case eo. Ear mijak. Ri jerbal ro an Kraist, komij jab oktak – armij rej lelnon, rej mijak – rej mijak kinke elon iaad jebonbon ke? Jaab, bwe mol eo elon wot iaad reuidrik – ak kinke Giant eo ilo kij. Ne Anij ej rejtak ij, won emaron jumaik kij? Ejjelok. ..Anij ej rejtak aolep ro rej kwalok kin gospel eo an. Kwalok kin gospel eo an ej jerbal eo elap tata rainin. Kinke gospel eo ej kepoje ak karel tok elon an ro rejanin jela kin lomor eo an. ..Jej bed ijin, kinke jej bokake nan in jiron eo an Jesus ke ear ba, “Komin ilok non ippen armij otemjej ijoko jabdrewot im koman bwe ren ri kalora, baptaisi ir ilo etan Jema, Najin, im Jitob Kwojarjar. ..Kwalok wot, en jab bwijrak. Juon in wewein kwalok – kajedede nan eo. Eklesia eo moktata ear bed ilo Jerusalem. Elon ian ri eklesia ro im ri jilok ro rar makoko in emakit jen Jerusalem. Ke ear bin burueir, Anij ear lelok menin kaentan ko. Kom jela ta unin an Anij kar lelok menin entan? Kinke ren jebloklok non jikin ko jet kin nan eo. Nan eo ear jab non ri Jerusalem wot, ear jab non ri America wot, ear jab non ri Ebon wot, ear jab non ri Delap wot, ri Uliga, ak ri Jenrok. Kejemlok: Kwo maron bwijrak jen jerbal ko am, kwo maron bwijrak jen kotobar ko am, kwo maron in bwijrak jen konan ko am im men ko jet, ak BWIJRAK jen kwalok non juon eo eaikwiji Jesus, ejjab aikwij in bwijrak. Ne ear bwijrak kwalok wot etto kijwoj eo jej na etaier ri jerammon bwe jejla Jesus im ewor ad kejatdrikdrik kin naj ilju eo ad ejerammon, jen ke kar bed ijin rainin? Kemejmej bwe elane jenaj bwijrak jen ad kwalok kin nan eo ak kin news eo emmon, innem jej kabwijrak mour an armij non tokelik eo aer. Kwo maron ke kabwijrak mour an juon eo najim ak juon eo ejitinburu ibbem? Ak ro jet? Ijela ke kwo ban wot im ban. Kin menin jab bwijrak in kwalok kin nan eo ej boktok mour!!
Posted on: Sat, 09 Nov 2013 20:54:40 +0000
Trending Topics
Recently Viewed Topics
© 2015