ZENG MAHSE A THAWHRIMNA AVANG A A TALENT ROPUI TAK CHU.. *********************** 16/10/2014 Keini chu kan kut leh ke a kim a, kan hmang thei a, kan duh kan khawih a kan kal a, mahse mi tamtak hian kan malsawm dawn hrelo in a ni lo zawngin kan hmang thin, kut piannalh tak leh tha pui pui neiin hringnun hrehawm takin kan hmang a,tangkai lo tak a nun nan kan hman avangin kan zahawmna zawng zawng pawh kan hlauh fo mai.Mi tamtak chuan an vanduaina chu malsawmna ah chantirin an la neihchhun te chu an hmang tangkai thin, Mizo zingah pawh tamtak kan awm ve tawh awm e. Tun a kan tarlan chak mai mai chu hetiang ang vanduaina tawng zing a mi, tunlai a tuipui ralram a a taksa ah Zeng natna tawk mahse a ka leh hmui hmang tangkai a themthiam lutuk tak mai,UK a road show a tel zak zak,mipui ten an en a, thiam an tih an hlut em em,Birmingham, Cardiff, London leh Bristol ah te pawh tour nei tur a la kal leh tur Paralysed artist Keith Jansz hi a ni.Keith Jansz hi kum 53 mi ni tawhin Finmere, Oxfordshire a cheng a ni, 1995 khan car accident avangin a nghawng a tliak hlauh mai a, a thi lo hram National Spinal Injuries Centre,Stoke khua a Mandeville Hospitalah enkawl a ni a, chumi hnu thlaruk ah a koki a tangin a zeng tan leh ta, a hman thiam lam a ban veilam a zawh zel a, a tan chuan eizawnna tur a awm ta lo a ni ber mai, wheel chair hmangin a nun chu a tan chho ta a ni, Mahse a beidawng duh hauh lo, a vanduaina a tang chuan a la hman theih chhun chu enge ni ang tih nasa ngaihtuah leh disabled artists biography te chhiar chho in an theihna te chu a takram a chantir tumin a practice chho ta a, a talent te chu organisation pakhat Mouth and Foot Painting Artists (MFPA) a pho ngam khawp in a in hlang kai ta thuai a, Kum 2000 khan MFPA chuan Keith chu Full member ah an la ve zui ta bawk. Kum tamtak a beih chhoh leh hnu in Kum 2009 ah Venice ah khawvel huap a exhibition ah a lemziah te chu phochhuah a ni ve ta a, Tah hian a thiamna chu mi ten an hmuh hmaih ta lo, eizawnna tling ah a hman chhoh tan theih phah ta, tichuan a bei zel a, 2014 a kai meuh chuan England ram ah a lar chiang ta hle mai, mi ten an bawh a, a lemziak an lei a an hlut tel bawk, Tour a neih pawh a hlawh tling lutuk,Ni liam ta mai pawh khan Road show Art for Everyone an tih ah a tel ve leh a, mipui an pungkhawm tamin an hlut kher mai, a hmabakah pawh England khawpui dang dang a sawmna chu a in chhawp ta nuk mai le.......................... Kut, ke famkimin piang in, eng mi pawh ni ila,Hmeltha ber pawh, Chak ber pawh, thei ber thin pawh, Khawvel a nih avang erawh chuan Vanduaina hian chhungtin mimal tin a fang thin, kan chan tur a kan ruat loh hi nikhat thilthu ah kan tan a pek theih a ni, chuvang chuan siamtu in talent min pek te hai chhuak zawng in nitin nung ila, Vanduai zawk te hmusit lo leh chapo lo in chhawmdawltu ni ila, Kan hma theuh ah chhiatna hmachhawn ve thei kan nihna te pawh hre ran in rilru hmang ang, Vanduaina in a awp beh mek pawh ni la, I tan hian engkawng emaw i dinkhawchhuah leh theihna a awm e, tang teh khai, tiang tak hian Hringnun hi i hmang ang u hmiang tiin kan belh e....HUN HMAN NUAM ZEL U..
Posted on: Thu, 16 Oct 2014 08:02:18 +0000
Trending Topics
Recently Viewed Topics
© 2015