Zanni 16/8/2014 ni in TYF te in Leitung bup khangnote ni bawl cih thu kiza hi. Kamhau kimawlna innpi ah bawlung team guk kimawluh aa, muh nop mahmah hi. A kimawl Teamte in Pan myodaw( ပန္းျမိဳ႕ေတာ္) Shin Thit Nyay ( ရွင္ သစ္ေျမ) , Sakollam., Lengtong, Gawngmual khangno kipawlna, Lawibual cih bangte kimawl ngekngek in a khatna Pan myodaw ,a nih Shin Thit Nyay, a thumna Sakollam cih bangteng in gualzawh na hong ngah khia hi. Gualzawh na hun piakna ah Zogam leisung sumpiak encik kipawlna pan Pu Lian Tuang in khangnotawh kisai thugenna nei in Gualzawh na ngahte letsong piakna Pu Nung Sian Tuang in nei in lungdam koh thugen na zong nei in nuamtak in kizo thei suak hi. Inn pi dim in bawlung ki en aa muh nop kisa thei mahmah hi. Kamhau tualpi ah bawlung suih en lote in TBA hall ah Khangno nitawh kisai thugen na kinei aa tua mun ah thungai in pai uh hi. TBA hall ah sun nai 1 :00 in thugen na kinei aa lia Ni Ni in hun kem in Tedim hausa pa Pu Tin Myo Lat ( သင္မ်ဳီးလတ္) in thugen na nei in tua khitciang in Khangnoni tawh kisai Pu Tha Tuang ( Zogam leisung sumpiak encik kipawlna ) in gen hi. Tedim pan minam Palai a hi Pu kham Suan Mung in Khangno leh ngim na cih thulu tawh thugen hi. Pu Kam Lian Thang in zong khangnote thumah gen hi. Rev.Dr.Pau Kam in Khangnote thapiak na nei hi. Tua khitciang in TYF makai Pu Nung Sian Tuang in lungdam kohna thugen na nei hi nei hi. Thugen ding aa kisam Tedimte mipi palai Pu Pum Khan En vaituam hang in hong kihel thei lo hi. Thungai pen Kumpi Deparrment tuamtuam pan a zalianteng kihel hi kipawlna 21 kihel hi. Thugen na khitciang in Niangtui leh moh kinek kawmin thucin thutang kikum in nuam sa mahmah uh hi. TYF te in munnih ah hun thakhat in a bawl suak hi. Mailam ah zong ii zop toh zawhzawh na ding thungetna ah phawk ni. Shia Shian
Posted on: Sun, 17 Aug 2014 10:55:33 +0000
Trending Topics
Recently Viewed Topics
© 2015