Zu-leh-sa khamthei/guithei in isum uh leh ihinkhua manpha tah bangjattah ang lamangsah tai? (Reference with a message by Dongzathawng at Zoveng on 18th Febuary 2013 condolence night ) Miten silhoi lou ahi chi athei phet un, ataimangsan ua, akilepsanjel ua, atawpna ah anuisat nalai uhi Silhoilou ahi chi thei na gehguh a bawl thou2 khu khelna lian tah ahi, tua mabang in mipil misiamten agen jel ma bang un Kheltheilou hindan/tawndan khu khangtouna dallianpen ahi chin ana gen jel uhi. Ei lah a kikheltheilou gen talou in kikhel sawmna lungtang jong ineithei sih ua, mite ua a itai vajua uhi, mite nuiasat leh jumpi khop hial in ihinkhua manpha tah te uh isuhsia jel uhi. Khovel a mihing nuamsah tah a piang leh khanglian hi vang ding ahi, mihausa ichi te jong gentheina leh hasatna khat chiatnei ding in ka gingta. Sum leh pai hau a Zudawnmi khat insung puidan leh zudawnlou a sumlehpai neikholou insung a ji-leh-tah puidan, ahatsatna/anopna kikhia mama hi. Innneu(talpahte zubu) sung a nikhat a deposit rs.20/- iseng thei bang un, izi sumbawm ahiei, personal bank account ahiei khat a deposit or saving bolthei jolei imailam a chimawh/beidong/poimawh chiang leh apangna umjolou ding ama? Ngaisut vawi..! Tuathamlou in iji-leh-tah/ inu-leh-pa/iunau-sanggamte leh i innsung uh nuamjosah ngei ding ahi, jong insah/inhangte simawh leh nuisat in i umnon sih ding uhi. Ei atate ding in: Inunte un agilsung ua, genthei leh hasahta a ha kuoh(9months) jen angna gentheipi ua, sisan naisan sua jen a tah(baby) ang nei un, ipankhiat jou ua ahasatna uh hun ding hileh jong ngaidan khat ahi. Hinan leh nu-le-pa itna khu Sialbang lian a,thupi mama hi. Noi tui in angna vaa(feed) ua, aneh tang uh iitlou in ei atate ding khual na’n sep-le-bawl, gentheina kho sahlou a, khanguolte lian tan ang tut uhi. Tua ingkhang let phet ua bang ding a nu-le-pate kijausah a,amittui uh luongsah ding eh? Bang jatvei inu-leh-pate kung a kipahthu igenkha ta uoi leh? Oleh! Nu leh pate ilunggimsah uh eite ding a kipah na’n ang tut jo ama? Tam hileh vang imailam uh bing ding hi. Adieh in numeite sang in pasallam te’n insung a nu-le-pate ilungkhamsah jodeu un thei ing. Chilpuoh laitah a lungtang khu damsung a nalungtang ding in gelvot sin, kum leh ha kikhel bang a khangtung chiang a lungsim second 1 leh 2 a kikhel jungjung ahi. Pilvang vai len imailam ding uh geljo vai; Igam leh nam kinepna ihi uhi. Insuang Nu leh Pate ding in: Jineithei a insuangthei ding a i umthei leh bang ding a i innsung nuamsah joulou a, kipahsah joulou ding eh? Bang ding a izi(wife) toh nita simsial a DRAMA bol jing ding eh? Theiding khat chu innsung a tate’n Inu/ Ipa kihoudan, umdan, asia hi in, ahoiloute jousia kila nuam ahi. Sil khat poupou imumun a, ijamun seng chiang in thanop na’n hing tut jel hi. Nu-leh-pate’n ithei ding khat chu Innsung( Family) kichi hi tate ding a siamjil kipatna ahi(informal education). Nu leh pate mundante jousia tate’n hing jui ngei ding hi. Tate limlang(mirror) khu nu le pate ahia, Nu-leh- pate limlang khu atate ma ahi. Zu-leh-sa/khamthei-guitheite jia a minua iphalou uh ithei leh bang ding a tawpsanlou a kibuol den ita uoi leh maw? “Zu leh Zou” chi min hing na chiamte ihi uh thei chiatding in ka gingta hi. Nangaisut khatai...? “Zu-leh-sa/Khamthei-guitheite” mipil/misaim a ineite uh hinkhua leh mihing hinkhua bangjat alamangtai? “Zu-leh-sa/Khamthei-guitheite” jia’n innsung a kitualou na’n bangjat vei ang tut tai? “Zu-leh-sa/Khamthei-guitheite” jia’n inu-ipa/iji-leh-tah/iunau-sanggamte mitui bangjatvei iluong sah khatai? “Zu-leh-sa/Khamthei-guitheite” jia’n igamsung uah meithai/tagah bangjat ang tut ei? Chi ei leh ei ki dong in kalsuan vai. Hinkhua kichi hi eichou a hilou ahi. Kingaisia’n panna bei kisah vawtsin, Pannanei ding leh mohpuohn lianpi nei ding a pasain in ang siam ahi chi thei jing vai. Munkhat ilawsap in jong, mudang a panna ding dang um veve ahi chi manghilsih vai. Gam leh nam lamkai te a ding in: ¬¬¬“Zu-leh-sa/Khamthei-guitheite” neh a lamkai kichi hi alamjang sih a, jong jatat na amu sih uhi. Zu sang in Pasian in ilah ua vaihing hawm henlan/ thuneipen in hingpang leh bang ding a mite simmawh leh namngiam a ki um ding ama? Lamkai kichi angsiangthou a, thudih a vai ang hawmchiang in anua juite jong kithalop in ma atal hungjung hi. Asiam tawp leh piltawp a kigen khat in ahinkhua khamthei-guithei ang neh chiang in min bangmalou in akoi hi. Pilvang vai! “Zu-leh-sa/Khamthei-guitheite” jia’n ZOUVONTAWI TUIBANG LUONGKHAWMLOU; “Zu-leh-sa/Khamthei-guitheite”jia’n TUUNNU ZOULEI NAUBANG AKAP. “Zu-leh-sa/Khamthei-guitheite” jia’n SIANMANG IN VAI HAWM NUAMLOU; “Zu-leh-sa/Khamthei-guitheite” jia’n APIANGMASAPEN PIANGNUKHIA BANG; “Zu-leh-sa/Khamthei-guitheite” Jia’n PIANNA ZOUEI PABANG ETLAWM THEILOU; “Zu-leh-sa/Khamthei-guitheite” tawpsan a, machiang suonkhom lei I ZOGAM loubang Tulsa, pahbang lun kia ngei ding hi. Nang ZOULEI IITLOU MAW??? Very interesting.......
Posted on: Wed, 22 Oct 2014 11:15:19 +0000
Trending Topics
Recently Viewed Topics
© 2015