msg: انا فتاة في مقتبل العمر كما يقولون طالبة في كلّيّة الكشفة والهمّ والميزيرية يعني طول العام الدراسي وانا مشتاقة لايام العطلة اللذيذة هذه السنة ... طلّت علينا العطلة مع حلول الشهر الكريم يعني عيّدنا من صيام الدراسة فدخلنا لنصوم الشهر الكريم حتّى الآن لابأس مشكلتي ,,,, وجّدوا بابيي موشواغ اصدقائي راح نغيضكم _____ شقيقتي ستتزوج بعد العيد يعني ضركا راهي غير مع صوالح العرس توجّــــد وامّي تموت على الشوفات يعني لازم العرس يكون على التمام راهي توجّد معاها عندي شقيقان ( الواحد فيهم فيه 10 ) الصغير يجيب 2 ولاد خالتي كامل الفاكونس ( قدّو - 10 سنوات - ممّا يعني الشهر الفضيل والشياطن موجودين !) والكبير ( يجيب 2 ولاد خالاتي وحدخرين قدو تاني ونفس العقلية المتسلّطة 18سنة ) جدّتي كبيرة والصّحّة والعقل بداووا يروحو ( جدّتي تجي كل شهر رمضان تفوتوا معانا ) ومانحكيلكمش على لي زيميغري اللي زعما راهم في ديارهم بصّح يجو غير يفطروا ويسّهرو - يروحو يرقدو في ديارهم يعني ماكاش ديرونجمون ) يعني بغيت نقول ,,,, الصباح نّوض بكري ( ماما واختي يروحو يشريووا صوالح العرس ) ( خاوتي وولاد خالاتي يكونوا راقدين -رحمة ربي - ) المهمّ ... نّوض نخمّل نسيّق نغسل الماعن تاع السحور ( ملاحظة مانتسحرش برك نغسل الماعن ) نطيّب الحريرة ( وفي كلّ الوقت جدتي تقولي : يا بنتي انتِ شكون ؟ يا بنتي جيبيلي هاديك الحاجة ,,, قلبيني على جنبي اليمين ... يا بنتي انتي شكون ؟ تعاود تحكيلي على عزّ شبابها وطفولتها ( كلّ مرّة فارسيون جديدة __ جدّتي تدير الميزاجور للذكريات تاعها __ ) عاود يا بنتي انتي شكون ؟ ,,,,,,,, المهمّ نصلّي الظهر نجي نبدا نقرا شوية قرآن باش كاش مانايكيليبري الميزان تاع السيئات هايا ينوضوا خويا الصغير وولاد خالتي واحد فيهم ما صايم تبّا لهم جميعا هايا يفّطـــروا وتَغسِلُ الغرسونة الاواني عاود تجيهم يلعبوا غميضة يجروا في الدار وووووو المهمّ يجي العصر ولازم نّوض نطيّب ( اه اختي وماما يكونوا جاوو مي لاهيين مع صوالح العرس ) من العصر للمغرب والغرسونة واقفة في الكوزينة يأذّن ينوضوا الكبار ( خويا الكبير وولاد خالاتي ) هادوك الجماعة يرقدوا من الــGـــول للـــGـــول هايا ويكريتيكيووا هادي خصها هادي الطابلة ماشي كاملة ( مانقولكمش لا سويت خاطر عندي الصرف مانخافش على روحي هنا ههه ) مبعد نغسل الماعن ونسيّق ( الجماعة التّائبة كامل يروحوا يشفعوا ) نبقى غير انا وجدتي والبزاوز جدتي تعاودلي فارسيون جديدة تاع الذكريات (( اليوم بلاطو بيض جيت نحطّوا في الفريجيدار عيطتلي جدتي باش تحكيلي الفارسيون الجديدة تاعها الجينيريك كان يطلع هايا جبت البلاطوا تاع البيض في الارض بقاووا 5 حبّات ,,, خويا جا يجري يستشفى كي شاف البيض في الارض حسبني كنت نلعب ونتقايس بيه هايا رفد ال5 حبات الباقيين وضربهم مع الارض برّدت فيه جنوني مي هو قاعد يضحك بارد القلب قالي فرصة لا تُعَوَّض دايما كنت نبغي نتقايس بالبيض شكرا لانّك حققت حلمي !!! المهمّ هاديك الروينة تاع البيض والريحة (غدوا مُحال نصوم على حساب الشوفة ) لمّيت كلش ورحت نسمع الفارسيون الجديدة تاع المسلسل اليومي )) مبعّد قاع هاد الشي نقول نروح نكوناكتي شوية نشدّ البيسي ! يجوا خويا وولاد خالاتي قاع يكونكتيووا ببورطابلاتهم وانا نشدّ ( بيّونة ) مانشدش الويفي شكرا لحسن الاصغاء والمتابعة اللي عندهم بلاصة فارغة في ليفري د فامي تاعهم يقولولي نجي عندهم ونخلّصهم واجرهم على الله تنفع فيا الصدقة شكرا شكرا قلبي راه يوجعني Hrouf Ezzin
Posted on: Tue, 23 Jul 2013 23:47:39 +0000
Trending Topics
Recently Viewed Topics
© 2015