mujhay Pakistan main shariat kay anay ka zarra barabar bhi khof nahin. taliban aur shariat kay modern interpreters kay literalism nay un say wo lachak aur ambiguity cheen li hy jo kisi sustainable nizam ko bananay aur chalanay kay liay zarori hoti hy. aur pakistan jaisa muashra jis ki itni partain aur tahain hn wahan aisa nizam dinon to kia ghanton bhi nahin chal sakta. mujhay takleef sirf yeh hy kay jo jabr is literalism ki ghanta bhur kamyabi kay liay kia jaay ga us kay khilaf mujhay aur mayray jaisay boht say logon ko bandoq uthani paray gi. Koi qalam choray ga kay alam uthaay koi ozar rakhay ga kay hathyar thamay aur jo tabdili is muashray kay bandoq uthanay walon main ayay gi wo is ka asal nuqsan hogi.
Posted on: Sun, 20 Apr 2014 19:04:51 +0000
Trending Topics
Recently Viewed Topics
© 2015