ye Aaj se 17 saal pahle ki ghatna hai jo MP ke ek chote se ganv(village) me ghati thi.baat Amavasya k din ki hai 3baje k karib ek aurat ki achanak maut ho gai thi,saam tak sabhi ganv k ristedaar-aas pados k log ghar me jama ho gai the.Antim sanskaar ki taiyari lagbhag puri ho chuki thi bas uske bete k aane ka intejar ho raha tha.Beta pas k sahar me hi chota sa job karta tha, uska intjaar karte karte der ho gai thi saam teji se dhal rahi thi andhera hone ko tha. Ganv k bade- bujurg log paresan lag rahe the kyoki ganv me antim sankar raat k pahle pura kar lene ki pratha ti par bete k pahuchne me der ho rahi thi. Suraj puri tarah se doob gaya tha charo taraf andhere ne pair jama liye the, uparse amavasya ki kali raat charo taraf ghana kala andhera. Tabhi raat k 8:30 k karib beta ghar pahucha antim darsan karne k baad raat k karib 9 baje ristedar aur bade-bujurg aurat ka antim sanskaar k liye ghat ki or chal diye . Raste me ghana andhera chaya hua tha upar se jungli rasta, jungle se siyaro k rone ki aawaj aa rahi thi. Ghat tak pahuchte-pahuchte 10 baj gai the. Vaha pahuch kar pandit ne kuch anushthan karne k baad sav(deadbody) ko nadi me pravahit karne ko kaha. Aurat ke bete aur kuch logo ne sav ke saath matko me ret bharkar bandh diya aur nadi k beech me leja kar chod diya, gud-gud ki aavaj karte hue vo nadi me doob gaya. vo log nadi se baahar nikle to ek ajeeb cheej dekhi ki vo sav bahata hua kinare ki or aa gaya hai. Kuch log sav ko lekar nadi me fhir gai or sav beech nadi me chod kar vaapas aaye par sav fir se tairkar kinare ko aa gaya. Ab sabhi logo ko dar lagne laga ki kya ho raha hai ve jab jab vaisa karte vo tairkar kinare ko aa jata. Charo taraf ulluo or siyaron ki aawaj gunj rahi thi. Ghabra kar logo ne pandit ki or dekha usne kuch mantra padhe,to ulluo or siyaron ki rone aawaje tej ho gai or achanak se sab sant ho gai is baar vo nadi me doob gaya. logo ne rahat ki sans li,raat ke 12baj chuke the wo log ganv ki taraf chalne lage ,tabhi bagal ki jhadi k piche unhe ek daravni aawaj sunai di jo kisi aurat ke rone ki lag rahi thi, aur vo tej hoti ja,rahi thi jaise vo paas aa rahi ho, tabhi achanak khule balo wali ek parchai jo bhayank lag rahi thi samne aa gai. Logo ke to pasine chut gai aur dhadkane tej ho gai. Vo kali parchai unke paas tak pahuch gai thi, kuch bujurgo or pandit ne tej aawaj me hanuman chalisa padna suru kar diya,vo jor se chikhi or vapas andhere me gum ho gai. Tabhi joro ki barish hone lagi sabhi log ek ped ke niche kadhe ho kar hanuman chalisa padhte rahe jab tak ki subah na ho gai. Us din ke baad ganv k log ab kabhi bhi raat k samay ab antim sanskaar k liya nadi ke ghaat ki or nahi jate.
Posted on: Sun, 21 Jul 2013 02:13:36 +0000
Trending Topics
Recently Viewed Topics
© 2015