þræl skondin ættfræði Rykjavíkur-Narrsins :D "Blogg Páls Vilhjálmssonar á mbl.is, tekið ófrjálsri hendi: "Sunnudagur, 22. september 2013 Gnarr-fólkið og Sjálfstæðisflokkurinn Jón Gnarr borgarstjóri og ætt hans er ofsótt kynslóð fram af kynslóð af Sjálfstæðisflokknum. Borgarstjóri rifjar upp hvernig kalda stríðið snerist um að koma Gnarr-fólkinu á kaldan klaka. Borgarstjóri segir Ég vil meina að Sjálfstæðisflokkurinn og aðallega ákveðnir menn innan hans hafi lagt pabba og skoðanabræður hans, í hálfgert einelti. Það að pabbi var „kommi“ en aðallega ekki í Sjálfstæðisflokknum hafði félagsleg- og efnahagsleg áhrif á fjölskyldu mína. Ég ber samt engan kala til Sjálfstæðisflokksins fyrir það. Svona voru bara tímarnir. Þegar nær kosningunum dregur má búast við að borgarstjóri rifji upp fleiri misgjörðir við Gnarr-fólkið í gegnum tíðina. Líklega var einhver forfaðir hans tekinn af lífi fyrir galdra á 17. öld og eflaust var Sjálfstæðisflokkurinn viðriðinn þau ósköp. Móðuharðindin á 18. öld setti Sjálfstæðisflokkurinn af stað til að skaprauna Gnarr-familíunni sem svalt heilu hungri og missti húsnæði sitt í Suðurlandsskjálftunum. Rétt fyrir kosningar verður Jón Gnarr búinn að finna það út að hann er afkomandi Dufþaks Gnarr þræls Hjörleifs sem var píndur að draga arðinn á sinum tíma en uxanum var hlíft. Dufþakur Gnarr gerði uppreisn með öðrum þrælum og myrtu þeir Hjörleif. Ingólfur elti þá uppi í Vestmannaeyjum og drap. Ingólfur var fyrsti sjálfstæði Íslendingurinn og því hlýtur Sjálfstæðisflokkurinn að vera ábyrgur fyrir drápi forföður Jóns Gnarr. Já, vesalings Gnarr-fólkið hefur mátt líða fyrir Sjálfstæðisflokkinn allt frá landnámsöld. Við hljótum að hafa þessa sorgarsögu í huga á kosningadag. Og láta tilfinningar okkar ráða atkvæðinu." :D
Posted on: Sun, 22 Sep 2013 12:52:20 +0000
Trending Topics
Recently Viewed Topics
© 2015