استطاع المصريون التغلب على الحصار المفروض عليهم بالسخرية كعادتهم فقام احدهم بإنشاء هاشتاغ اكتشافات الحظر للكتابة عن اهم ما اكتشفوه في فترة بقائهم في المنزل في فترة الحظر بطريقة لم تخلو من السخرية: - القهوه بتجهز بعد دقيقتين و 32 ثانيه لو النار عاديه .. لو نار عاليه دقيقه و 13 ثانيه .. و لسه متأكده حالا من الموضوع دا - ان النمله وهي شايله حاجه بتمشي متر كل 24 ثانيه ولو ايديها فاضيه يبقي في 45 ثانيه :) - فيه 46 قناة اسمها test ملهاش اى تلاتين ﻻزمة فى الحياة ومش شغالة - كيلو اللبن يحتاج ل 12 دقيقه على درجه حراره 78 مئويه عشان يغلى - اكتشفت ان اخواتي كائنات طيبه ولطيفه وممكن الواحد يقعد معاهم :D" - أن إعلان اللي في قناة توكتوك سيما وقته بين 12 ساعة إلى 12 يوم - أتعرفت علي معظم جيراني من علي القهوة اللي قدام بيتي، و اللي فاتحه طول الليل و العمال اللي فيها مبيروحوش غير بعد الفجر - اي اغنيه في الايام ديه تتراوح مدتها ما بين 3 دقائق 7 ثواني و 6 دقائق 57 ثانيه - كنت فاكرة ان ليا3 اخوات اكتشفت ان هما بقو اربعة امى خلفت واحده كمان داخلة 1 ابتدائى السنه دى الصراحة اندهشت بس فيها شبه منى - الاقي ابويا واقف في البلكونه بيتكلم في viber عشان الصوت ميقطعش o.O ياحج ده مش شبكه اقف جمب الرواتر - اثبتت ان الحظر مفيد للأسرة المصرية و كان احسن فرصة للواحد عشان يتعرف كويس علي أبوه و أمه و إخواته اه - الصحاب مش صحاب الدراسة و الشغل بس لا فى صحاب المنطقة ف الشارع و الجيران ليهم حق عليك برضة :-) - كيس الشيبسي ابو 3 فيه اكتر من ابو 5 مش عارف ازاي - جيب القناة المصرية و شوف المذيعات و المذيعين ، ها شفتهم؟ اقلب بقا على المستقبل اللبنانية و شوف الفرق - لو خليت الحنفية تنقط نقطة نقطة و حتيط تحتها ازازة لتر فاضية هتلاقيها اتملت في ست ساعات - الاختلاف فى الراى داخل البيت الواحد يفسد الود وينهى على القضية - ان الخروج بالنهار وقت العصر بيكون احسن بكتير من بليل اه والله :D وخصوصا لو ساكن فى مدينة ساحلية وبتنزل على البحر - السيسى عرف يعمل إللى أمك وأبوك معرفوش يعملوه انه يرجعك البيت الساعة 9 - النوم في الوقت الي الناس كلها صاحية فية و الصحيان في الوقت الي الناس كلها نايمة فية دي حاجة وهمية جدا - برنامج teen cribs اللى على قناه MTV ده لو اتعمل منه نسخه مصرية هيبقى برعايه قناة موجة كوميدى وهنشوف عجايب تموت من الضحك
Posted on: Wed, 04 Sep 2013 15:27:43 +0000
Trending Topics
Recently Viewed Topics
© 2015