الاخوان ومحبيهم واللي بيحترموهم منزلين دعوات في كل الانترنت لدعوة الناس لسحب فلوسها من البنوك بدعوى ان الاقتصاد المصري في خطر! أولا: الكلام ده كلام فارغ، الحالة الاقتصادية للبنوك المصرية قوية وسياسة البنك المركزي المصري آمنة جدا فيما يتعلق بمدخرات المصريين. ده أيام ازمة 2008 المالية محصلش في البنوك المصرية اي مشكلة في الوقت اللي انهارت فيها مؤسسات مالية امريكيا وخليجية. ثانيا: الاخوان في خطة ابليسية عايزين يعملوا حاجة اسمها Bank Run ودي نظرية حقيرة معروفة دوليا فكرتها ان سحب عدد كبير من الناس لارصدتهم البنكية في لحظة واحدة بيعمل مشكلة سيولة عند البنوك وممكن يبقى سبب في إن البنوك تعلن افلاسها. ثالثا: يا حقير انت وهو: لو هتحصل كارثة اقتصادية في مصر قيمة الجنيه هتنهار ووقتها مش هتفرق الفلوس في جيبك ولا تحت البلاطة ولا في البنك. حذروا الناس! وأي حد تعرفه تشوفه بيعمل كده ويدعو الناس لسحب فلوسها من البنوك عرفه انه اللي بيعمله ده مالوش اسم تاني غير: "خيانة للوطن".
Posted on: Mon, 05 Aug 2013 00:30:36 +0000
Trending Topics
Recently Viewed Topics
© 2015