الجزء الخامس : المهم وهو في المكتب تاعو جاه واحد الشيخ يبكيلو ويطلب المساعدة تاعو هاد الشيخ رب عائلة فقيرة عندو بنتو عندها ورم خبيث في دماغها وتحتاج لعملية جراحية في فرنسا وكي جاو زواولة وماعندهمش مصاريف العلاج راح خوها وزدم على فيلا تاع ناس مرفهين باش يسرق ويسلك ختو مي حكموه لابوليس وداروه رهن الحبس المؤقت حتى يفوت للشرع فبعد ماكان الشيخ يخمم في بنتو اللي راح تموت ولى يخمم في وليدو اللي راح يدخل للحبس قضية تافهة وساهلة بالنسبة لفريد اللي قبل يترافع فيها باسكو غاضو الشيخ وولادو وكيما كان الحال طلب من المحكمة تعطي لوليد الشيخ البراءة للظروف القاهرة اللي خلات المتهم يسرق وخدا البراءة وخلاصت القضية بعد ماخلاصت القضية قرر فريد يروح للسبيطار يشوف بنت الشيخ ويطمأن على صحتها دخل للسبيطار فشاف الشيخ ومرتو فرحانين كي شافوه راحو عندو يشكرو فيه كي سلك وليدهم من الحبس .... بعد ماسلم عليهم عرف من الشيخ انو بنتو فقدت عينيها بسبب الورم الخبيث لانو جا في منطقة حساسة في الدماغ غاضتو بنت الشيخ وقرر يعاونهم راح يشوفها لقاها ناريمان حبيبتو اللي حوس عليها كامل ومالقاهاش لقاها ناريمان مدبالة وعيانة وأثر فيها المرض بزاف قريب ماطاحتلو الدمعة فريد سورتو كي قاعد يهدر معاها وهي تقولو أنا نعرف هاد الصوت شكون نتا فريد ناض وماقدرش يكمل الهدرة مع ناريمان وراح حكم الشيخ وحدو وقالو انو مستعد يعاونو باش يدي بنتو لفرنسا باش تتعالج لكن بشرط ...... 25 = الجزء السادس و الأخير
Posted on: Mon, 26 Aug 2013 20:21:33 +0000
Trending Topics
Recently Viewed Topics
© 2015