الرسول كان يشرب من نفس البلاصة اللّي تشرب منها السيدة عائشة.. و كان يُرقد في حجرها و هِيَّ حائض و يقرى القرآن.. الرسول لمّا عمرو بن العاص سأله من أحب الناس إليك ؟ قال عائشة .. بمنتهى الوضوح و التحديد و بدون تردد. الرسول كان يدعي ربي و يقول اللهم إغفر لي فيما أملك ولا تؤاخذني فيما لا أملك و المقصود إنّو مهما حاول يعدل كان قلبو يميل ديما لعائشة. لمّا السيدة عائشة كسرت الصحن اللّي بعثتهولو السيّدة زينب.. ما تغشّشْ.. قال غارت أمكم (كان متفهم غيرتها و ردة فعلها) وقتها الناس الكل كانت تعرف بحب سيدنا محمد للسيدة عائشة .. و غيرتو عليها.. الرسول كان يقول خذوا دينكم عن هذه الحميراء .. يصفها بتورد الوجه! وقت الحادثة المشهورة اللّي تِهمُو فيها السيّدة عائشة.. ما ضربهاشي.. ما قالهاشي إنتِي طالق.. ما قالهاشي شد دار بوك .. هيَّ اللّي طلبت تمشي غادي و قعدت .. هو كي شافها قالها «أَمَّا بَعْدُ يَا عَائِشَةُ.. فَإِنَّهُ قَدْ بَلَغَنِي عَنْكِ كَذَا وَكَذَا ، فَإِنْ كُنْتِ بَرِيئَةً فَسَيُبَرِّئُكِ اللَّهُ ، وَإِنْ كُنْتِ أَلْمَمْتِ بِذَنْبٍ فَاسْتَغْفِرِي اللَّهَ وَتُوبِي إِلَيْهِ ؛ فَإِنَّ الْعَبْدَ إِذَا اعْتَرَفَ بِذَنْبٍ ثُمَّ تَابَ تَابَ اللَّهُ عَلَيْهِ» .. يا الله !! تِهمُوها في شرفها حاشاها.. و ردة فعل الرسول كانت إستغفري !! ديننا دين محبّة.. حِبُّوا بالنظافة.. حِبُّوا و ما تغدروش.. حِبها و إنويها في الحلال.. مرتك و أم صغارك.. حِبها و ما تلْعبشِي بيها.. حِبها و ما تِحشِمشي بيها.. حِبها و آقف معاها.. حِبها و كُون معاها راجل
Posted on: Mon, 18 Nov 2013 18:30:03 +0000
Trending Topics
Recently Viewed Topics
© 2015