الناس اللي في الشارع دي مانزلتش تموت عشان مرسي عشان اللي لسة مش فاهم ... 1-** الناس دي نزلت عشان ماتلقيش نفسك لابس قضية ماتعرفش عنها حاجه لمجرد انك ضايقت الظابط اللى ساكن قدامك في ركنة عربيته او اتلككت لك ممثلة او راقصة لان شكلك انت او زوجتك المحجبة مش عاجبها ..فالظابط او اى حد قانونى صاحبها عايز يرضيها فيلبسك قضية 2-** الناس دي نزلت عشان ما يوقفكش امين شرطة في كمين ويبتزك ويتريق عليك قدام عيالك و يديك على وشك و انت موطى فى الارض مذلول 3-**الناس دي نزلت عشان يبقى من حقك تنزل و تنتخب و انت مطمن من نزاهة الانتخابات و تختار مجلس شعب ومجلس شورى وتكتب دستورك وتختار رئيسك بحرية و تقول لأ او تقول نعم ...انت حر 4-** الناس دى نازلة عشان تتعلم كويس و يتعلم اولادنا كويس ومتلاقيش حد فصلك من الكلية ولا حد منعك من دخول الكلية عشان ليك رأى ولو جايب امتياز و تستاهل تبقى معيد مايرجعوكش ورا علشان ابن الدكتور اللى جايب مقبول ياخد مكانك 5-** الناس دي نزلت عشان ماتلاقيش البوكس واقفلك على باب الجامع بيلم اللي خارج من صلاة الفجر او تلاقى نفسك مضطر علشان تعتكف فى الجامع لازم تسجل بياناتك فى امن الدولة عشان تاخد تصرح بالاعتكاف 6-** الناس دي نزلت عشان ماتلاقيش باب شقتك بيتكسر بعد نص الليل وعصابة من امن الدلة داخلة تاخدك انت ومراتك وعيالك وابوك وامك عشان لقوا اسم شبه اسمك في اجندة واحد قبضوا عليه علشان نازل يصلى الفجر 7-** الناس دي نازلة عشان يبقالنا دولة مستقلة مش بيحركها عشرين رتبة لحم كتافهم من فلوس المعونة و لا بيحركها دول بترشى حكامها عشان يبقوا خدامها و يجرونا معاهم 8-** الناس دي نازلة عشان كرامة ومروءة وشرف وحاجات كتير اتحرمنا منها اجيال كتير 9-** الناس دي نازلة عشان دولة مبارك رجعت تحكم تاني على ضهور الدبابات ...رجعت فى شكل واضح (ما ترد انت يا حسين) او فى شكل مختفى من ورا ناس عاملينهم واجهة و هم بيحركوهم ضد بلدنا و لصالح اعدائنا 10-**الناس دى نازلة علشان عارفة ان البرادعى رايح و بيروح و هيروح لاعدائنا... اسرائيل و خطتهم اللى بيشغلوه على اساسها نسف قوة جيشنا و تفريقنا و الدليل اليوم اللى اتعين فيه نائب رئيس عمل زيارة هو و بعض قيادات الجيش لاسرائيل و بعدها اتضرب اتوبيس العمال فى سيناء 11-** الناس دي نازلة عشاني وعشانك وعشان ولادنا يعيشوا في بلد حر مستقل قوي وشعبه له ارادة محترمة ### مش عاجبك الإخوان .. مش عاجبك الاسلاميين ... اللى هم انا و انت و اى حد وسطى فى اسلامه ...انزل لوحدك ، اهتف بمبادئك ، واللي زيك هينزل معاك ### لو مش هاتقدر تنزل معاهم على الاقل ما تكونش اداة تشويه ولا تكرر ما تسمعه فى قنوات الفساد و العار فضائيات الضرار التابعة لعهد مبارك و ذيوله (( حاول تبقى انسان حقيقى يهمك بلدك و اهلك مش بس يهمك نفسك ))
Posted on: Wed, 17 Jul 2013 02:36:59 +0000
Trending Topics
Recently Viewed Topics
© 2015