انا و المحترم حدثت معي دخلت المحاضرة مبكرا علي غير عادتي فلم يمر منها الا عشرة دقائق وكالعادة في كليتي لم يمتلئ من المدرج الا اربع بنشات تركت الخامس وجلست في السادس لوحدي دقيقة ودخل طالب ليجلس بجواري مباشرة بالرغم ان البنش يكفي عشرة تعجبت منه سلمت عليه بابتسامة طالب يبدو عليه علامات الادب والاحترام سألني انت سلفي _ اه وحازمون كمان هو:معلش انا مش متضبط عشان عملت دماغ امبارح _دماغ !! _اه يضع يده في جيبه ليثبت لي صحة كلامة انا :خلاص خلاص طب ليه بس كدا في حاجة مزعلاك ؟ _ كذا حاجة والله بس في حاجة هحكيها لك بعد المحاضرة انتهت المحاضرة ونزلنا سويا نتمشي في المجمع انا :اتفضل احكي (وكانت المفاجئة) _ ابويا الله يرحمه مش عايز اذمه كان قافل عليا اوي ومكنش ليا اصحاب فأنا لغاية دلوقتي حاسس ان انا محترم وانا نفسي ابقي صايع نفسي وعملت كل حاجة عشان احس ان انا صايع شربت سجاير وشربت و مخدرات بس برضو حاسس ان انا محترم و اي حد يشوفني يقولي انت محترم مش عارف اعمل اه عشان ابقي صايع نفسي ابقي زي الناس واصاحب بنات عايز ابقي صايع واعرف اتعارك وكاد ان ينهار وهو يحكي انا :ليه بس كدا انتا ماشاء الله شكلك صايع وطبعا اخذت انصحه لكن يبدو انها كانت بلا فائدة المهم: يا ربي هل اصبح المحترم منبوذ الي هذا الدرجة! ما هذا المجتمع الذي يجعل الشخص يتمني ان يغير شخصيته للاسوء ! اي نجاح ذلك الذي نجح فيه الغرب في تدمير العقول ! {حتى لو دخلو فى جحر ضب لدخلتم فيه }
Posted on: Tue, 26 Nov 2013 16:30:42 +0000
Recently Viewed Topics
© 2015