برشة ناس وأكثرية الناس كيف تسمع بالحمامات ، مخها ياقف عند الكاليبسو والباشا ونيكي بيتش ووتيل نهرواس وسميرة كلوب .. ناس فيبالها إلي احنا ما عندناش حوم شعبية .. نعيشو عالدناوو والكرواسون متع المستر بين ونسكنو في جنان الحمامات عالبحر الناس لكل ولكلنا نملكو الميكانيك وشقانس .. ما يعرفوش إلي احنا كيفنا kiifhom تربينا علقدر والحشمة والرجولية .. تربينا في حوم نلعبو الكورة بشلاكة بوصبع ويدينا تلقشت مالبيس والزربوت .. ما خمموش في شكون يسربي فالسياح وإللي يجيو يصيفوا عندنا .. هاذوكم والدين وخواتنا.. إلي بوه طباخ في وتيل واللي بوه يبيع فالزرابي واللي خوه سرفور في بواتة .. ما يعرفوش إلي احنا بعنا المشموم فالصغرة للسياح باش نعاونو والدينا على مصاريف المدرسة ، تعلمنا الولغة واحنا صغار نهار كامل هاربين ملحاكم والأمن السياحي في أزقة لمدينة العربي والضحكة الممزوجة بالفجعة كيف تسمع فال-XT تشخر وراك والبوليس يتحلف فيك .. تحية خاصة لولاد الحمامات جملة .. ابداها مالحوانت مسقط رأسي للنبكة وين تربيت وكبرت وتعلمت وفقت .. تحية لولاد لقدادة والبلاد العربي ، الجبلي و-LAGAAR .. النبكة وواد النحل .. سيدي معمر وحومة السوق .. واد الفار والخروبة
Posted on: Wed, 09 Oct 2013 17:50:18 +0000
Trending Topics
Recently Viewed Topics
© 2015