بسم الله الرحمن الرحيم وبه نستعين آخى العزيز اختى العزيزة سوف أتناول في هذا المشروع كل ما يتعلق بطائر السمان وهدفي من هذا الموضوع هو مساعدة كل من يحتاج المساعدة في إنشاء مشروع ذوى جدوى اقتصاديه من أعضاء المنتدى وتناولي للموضوع سيكون مدعم بالصور لكل كبيره وصغيره تتم داخل المفرخة او عنبر السمان وذالك تسهيلا على من لا يعلم عن طائر السمان حتى يتاح لك في النهاية إقامة هذا المشروع بإذن الله وأتمنى من الله تعالى ان يوفقني فى خدمة أعضاء المنتدى وكل من يحتاج المساعدة وكل ما أتمناه ممن يستفيد من هذا الموضوع أن يترك رد او تعليق او استفسار المهم يترك انطباعه عن هذا الموضوع . أولا:- طائر السمان مذكور فى القرأن الكريم باسم طائر السلوى سورة البقرة الآية: (57) ، وسورة الأعراف الآية: (160)، وسورة طه آية: (80) اذن طائر ذكر فى القرآن الكريم اكيد ربنا انعم علينا بيه بس هو كيفية الاستفادة من هذا الطائر نبذه بسيطة عن طائر السلوى (السمان) هو طائر صغير الحجم يستخدم فى إنتاج البيض واللحم ويمكن ان يساهم بشكل كبير فى حل مشاكل كثيره ظهرت فى مجتمعنا حيث ان هذا الطائر يمكن ان يعوضنا عن اللحوم ويمكن ان يكون سببا فى حل مشكلة البطالة حيث انه لا يحتاج إنشاء مشروع الى تكاليف عاليه ولاكن اقل التكاليف وهذا ما سوف نراه فيما بعد . وعموما طائر السمان لحمه خالى من الكولسترول واخيرا كل ما اتمناه ان ينتشر هذا المشروع الذى نتعاملت معه عن قرب لكثر من 4 سنين ولمست مدى اهمية هذا المشروع . الاهمية الاقتصادية 1 - دورة راس المال سريعه حيث يتم البيع فى 45 يوم وكمية العلف المستهلكه فى حدود 450 الى 500 جرام ويصل الوزن الى 150-180 جرام فى نهاية ال 45 يوم واقل . 2- طبعا قلة التكاليف 3- مصدر للبروتين الحيوانى 4- انتاجه عالى من البيض يصل الى 250-300 بيضه 5- مدة التفريخ تصل الى 16 الى 17 يوم 6- يتحمل الظروف لا يتحملها اى طائر وعن تجربه 7- طائر السمان النضج الجنسى مبكر اقل من 45 يوم مميزات بيض و لحم السمان يمتاز لحم طائر السمان بأنه طرى ناعم خالي من الكولسترول سهل الطهي مستساغ ويتميز بيضه بمزاق البيض البلدى المربى فى المنازل ليس به اى رائحه ونلاحظ ان نسبة الصفار مرتفعه كما ان الانتاج الغزي يميزه . انواع طائر السمان يوجد نوع يسمى امريكى وياباني واسترالي وافضل الانواع من وجهة نظرى من حيث انتاج البيض واللحم هو السمان الياباني طيب علشان نبدا مشروع اول الخطوات هنعمل ايه اولا- المكان طبعا لو مشروع صغير انا مش هتكلم عن الحجات القياسيه لا انا هتكلم لو حد عاوز يربى ويعمل مشروع صغير او كبير يعنى لو عندك مثلا مكان 50 متر مربع هنصمم عليه المشروع لان السمان المتر المربع بيكفى حوالى 50 طائر من عمر يوم حتى عمر التسويق اللى هو 45 يوم كده المكان طبعا بعدين هنقسم المكان . ثانيا - مصدر السمان اى مصدر موثوق به ممكن نجيب بيض او سمان عمر 45 يوم يبيض على طول طيب انا برشح طبعا ان تجيب بيض لان سعر البيضه 35 قرش يعنى الف بيضه ب 350 جنيه طيب لو حبيت تجيبه سمان طبعا الإلف يكلفك 5000 الف جنيه لو عمر 50 يوم بس طبعا دى ليها مميزات ودى ليها مميزات . نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي بعد ما جبنا البيض او السمان هنعتبر اننا جبنا البيض هيبقى محتاجين مفرخه طيب سعر المفرخه يتراوح مابين 1800 ال 8000 جنيه طيب خلينا فى 1800 ودى صورتها نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي دى زى ما انتو شيفين فى الصوره بتشيل 7 ادرج سمان الدرج بيشيل 175 يعنى فى حدود 1200بيضه وممكن نضاعفهم لو حطين درجين فوق بعض زى اللى فى الصوره طيب فى مشكله ان المفقس بتاعها صغير دى ولا مشكله ولا حاجه بسيطه جدااااا ليها حل بسيط قوووى هندخل البيض فى السيتر (الحاضنه ) على دفعات معلش انا بكلم باللغه العاميه علشان كلامى يكون واضح شويه هو السيتر اللى هو الجزء اللى فوق فى المفرخه اللى بنحط فى البيض لمده 15 يوم والهاتشر هو الجزء السفلى اللى فى المفرخه يعنى الهاتشر عيب المفرخات دى ايه ان الهاتشر والسيتر مع بعض بس زى ما قلنا هندخل على دفعات طيب هندخل كل 3 ايام 500 يعنى خلال 12 يوم هندخل 2000 ننزل 500 الاولى فى الهاتشر وبعد كده ندخل غيرهم فى السيتر وهكذا واللى مش هيستوعب النقطه دى انا على استعداد انى اشرحها له اذن راس المال المطلوب حاليا 350 جنيه بيض + 1800جنيه مفرخه + 150 جنيه عربيه هتجيب المفرخه كده الاجمالى 2300 جنيه مصري طبعا عندنا المفرخة وعندنا البيض طبعا حرارة تحضين السمان 37.7 هزود الماء فى المفرخه وشغلها قبل ما احط البيض بيوم على اقل تقدير بعد زالك يتم تجميع البيض و انتخاب البيض دى صوره لرص البيض وانتخابه نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي ده فيديو مجمع طيب لو عندنا البيض فى مبرده لازم درجة حرارة المبرده متزدشى عن 15 درجه مئويه والنخزين لمدة 6 الى 7 ايام ولما نخرج البيض من المبرده هنسيبه فى درجة حرارة الغرفه لمدة 8 سعات حتى يكتسب البيض درجة حرارة الغرفه . يتم رص البيض فى الادرج حيث تكون الناحية المدببة الى اسفل والعريضة الى اعلي يتم وضع البيض فى المفرخه . ************************************************** ***************** الان يجب تجهيز المكان او العنبر لاستقبال السمان عمر يوم من المفرخه اولا يجب تجهيز غرفه ولو تكن 2 متر مربع او 3 متر مربع حسب المتوفر وتكون مجهزه ب عدد 5 اطباق بلاستيك سعر الطبق لايتعدى 4 جنيه عدد 5 ساقيات مياه لتر سعر الواحده 5 جنيه تقريبا يتم طبعا تطهير الغرفه بالماء السخان مره ثم بالفنيك ونتركها تجف ثم نرش جير حى على الارضيه وبعد ذالك يتم فرش التبن ويفضل التبن مع السمان وانا لاافضل النشاره عموما يمكن تطهير الغرفه باستخدام ( 30 سم فورمالين +17.5 جرام برمنجنات بوتاسيوم + 50 سم ماء ) لمدة ساعه طبعا لو عملت كده ميكنشى موجود فى الغرفه اى شئ من الادوات التى سوف تستخدم يعنى ( السقايات + العلفات ....الخ ) انتهينا من التطهير هنجط فى السقيات ماء وسكر يعنى كل سقايه حوالى معلقتين سكر او 10 جرام للتر ده فى اول 4 سعات وده علشان نتلاشى ظهور السالمونيلا والايكولاى علشان طبعا السمان يستهلك البروتين اللى موجود فى كيس المح ومن المهم فى اول 4 سعات انك تدخل بنفسك وتعمل على تحريك السمان حتى يستهلك البروتين الموجود فى كيس المح . انا بحضن عموما على مضاد حيوى ثنائى الغرض معوى وتنفسى وفى امثله كتيير بس اهم حاجه يكون معوى وتنفسى ( ايفتريل – انروسين .....الخ ) زى ما قلت اى حاجه معوى وتنفسى ده لمدة 3-4 ايام بعد كده انا بحط فيتامين وانا بكلم عن تجربتى الشخصيه و بحط فيتامين اد3ه بس ياريت اجيب نوع كويس فى 130 جنيه وفى ب 17 جنيه سائل نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي انا بجيب من اللى سعره 26 جنيه الحمد الله شغال كويس بحط سم للسقايه اللى هى لتر طبعا ملحوظه :- يتم وضع ظلط فى الساقايه بس مش من جوه طبعا بعدما يتم قلبها يتم وضع ظلط على الاجناب علشان السمان بيكون صغير وعلشان ميغرقشى . ************************************************** ***** طبعا العلف من عمر يوم الى ال 45 يوم ده طبعا علف تسمين غير البياض اولا التسمين :- انا هعملها لل 100 كيلو 60 ذره + 28 صويا +10 مركزات تسمين + 2 كيلو زيت صويا + نص كيلو املاح وفيتامينات + ممكن تحط مضاد كوكسديا وممكن لا انا بصراحه مش بحط بس لو حبيت تحط هيوكن 200 جرام للطن يعنى ال 100 كيلو 20 جرام + 2 كيلو ثنائى فسفات الكالسيوم + ملح طعام حتحط 2 كيس الكيس 350 جرام مش فاكر حاجه تانى لو لفتكرت هبقى اعدلها ثانيا البياض :- لل 100 كبلو 65 ذره + 22 صويا 10 مركزات بياض + نص كيلو املاح وفيتامينات + مضاد للكوكسديا ضرورى ( امبورال – امبورليم – فيتاكوكس ) ممكن فى العلف او الماء طبعا 20 جرام لل100 او 200 للطن +2 كيلو ثنائى الفسفات + 2 كيس ملح طعام + نص كيلو بريمكس بياض ده بالضافه اننا هنحط اد3ه على فترات مش باستمرار طبعا العلف ممكن تجهزه فى مجرشه افضل بس ليا ملاحظه بسيطه لازم المكونات الصغيره زى الاملاح المعدنيه والفيتمينات ومضاد الكوكسديا والثنائى وملح الطعام والبريمكس وغيره يتم خلطهم مع 10 كيلو علف خلط جيد يدوى لمده طويله وبعد كده يتم اضافتهم على باقى العلف ويتم التقليب . نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي ************************************************** **** كده العلف موجود والسمان غرفة التحضين طبعا هنزودها بدفايه يدويه بتشتغل بالكهرباء ودى مش هتكلف 10 جنيه انا بعملها على اديا + شعله غا ز انبوبه كبيره طبعا درجة حرارة التحضين لا تزيد عن 36 الى 37 وطبعا هتعرف ان السمان متاقلم مع درجة الحراره او لا عن طريق الانتشار يعنى لو منتشر هيبقى كويس لو متجمع على الدفايه هيبقى درجة الحراره قليله والعكس صحيح وده هنشوفه من الفديو والصور طبعا طبعا الاضاءه علشان مش انسى اول ثلاث ايام انا بشغلها على طول لاكن بعد كده بفضل اخفض فيها لحد متوصل ل 14 ساعه طبعا السمان هيفضل فى غرفة التحضبن حتى عمر 15 يوم طبعا فى تربيه ارضيه وفى تربيه فى بطاريات طلعا التربيه الارضيه تكاليفها اقل ولاكن مشاكلها كتييره ولاكن التربيه فى بطايات تكاليفها اعلى ولاكن مشاكلها اقل طبعا فى بطاريات للسمان عمر يوم حتى 15 وفى بطاريات من عمر التسمين حتى البيع وفى بطاريات للبياض . طيب انا هتكلم عن بعض المشاكل التحضين فى من 3 الى 4 مشاكل ممكن يوجهونا وهما 1- ارتفاع نسبة النافق وده ناتج من عدم التحضين على مضاد حيوى قووووى او انه يكون فى مشاكل فى ماكينة التفريخ يعنى الماكينه تكون حامله للامراض فتنتقل الامراض من الماكينه الى البيضه وهكذا الاهمال يعنى ان المسئول عن المكان لا يهتم برفع النافق اول باول مما يؤدى الى نقر السمان فيه وانتشار الامراض . 2- ان ترتفع درجة الحراره او العكس مما يؤدى الى فقدان الشهيه 3- العلف غير جيد يؤدى الى مشاكل لا حصر لها ومنها ضعف عام للطيور كساح اوزان غير قياسيه بنهاية الدوره زيادة النافق . 4- ادخال اعمار مختلفه 5- عدم التطهير اول باول حيث ان الدورات سريعه مما يؤدى الى انتشار الامراض 6- عدم تغيير المياه مما يؤدى الى ارتفاع درجة حرارتها وتؤثر على الطائر 7- لابد من وضع سلك شبك واسع من عمر 5 ايام حتى 15 يوم لان طائر السمان له عاده سيئه وهى عادة ( النكش ) مما يؤدى الى فقد فى العلف ************************************************** ********* ننتقل الى غرفة التسمين يجب الا تقل درجة الحراره عن 25 درجه مئويه وبعد عمر 21 يوم درجة حرارة الغرفه هتكون مناسبه طبعا يتم تقديم نفس علف التسمين مع مرعاة زيادة العلفات وزيادة السقايات ووضع السقيات على طوب او لو التربيه فى بطاريات لا نحتاج الى ذالك طبعا يتم قياس اوزان السمان اولا باول هنستخدم قيتامين اد3ه خلا هذه المده ( 25 يوم ) حوالى مرتين يعنى 6 ايام فقط كما يمكن تربية السمان المخصص للتسمين فى بطاريات وده جدول بيوضح استهلاك العلف من عمر يوم حتى عمر اسبوع ويصل وزن السمان الى 180 جرام نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي وطبعا دى صور لعملية ذبح واعداد السمان نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي ************************************************** ********* ننتقل الى غرفة البياض طبعا غرفة البياض نسبة الذكور الى الاناث لابد ان تكون ذكر الى 2 انثى وده افضل او التربيه فى بطاريات ذكر لانثى طبعا هنستخدم علف البياض طيب تمييز الجنس فى السمان انا عملت حاجه بسيطه وسهله جدااا جدااا مش كلام لا بالصور والفيديو هنتكلم الاول وبعدين نشوف الصور والفيديو اولا فى طريقتين الاولى عن طريق بسيطه وهى ان الذكر يتميز بان الريش الذى يوجد فى صدره يميزه اللون البنى المحمر اما الانثى فيميزها ان الريش ابيض به نقط سوداء ولاكن عن تجربه هذ القاعده ليست ثابته الثانيه وهى الطريقه اليابانيه وهى من ادق الطرق المتبعه حيث يقلب الطائر على ظهره وتفحص فتحة المخرج حيث يتميز الذكر عن الانثى بوجود غده تسمى كلوكا ام الانثى فلا يوجد بها الغده ويتم التمييز فى عمر اسبوعين نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي كده عرفنا الفرق بين الذكر والانثى يتم جمع البيض اول باول يعنى كل يوم ده فيديو للتربيه الارضيه ودى فيديوهات للتربيه فى بطاريات طيب زى ما شفنا التربيه فى بطاريات والتربيه الارضيه نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي اخر حاجه موضوع جمع البيض طبعا مفيش اسهل منه يتم اختيار البيض الصالح للتفريخ الخالى من الكسور ذو حجم طبيعى لابد ان يكون نظيف يصل وزن البيضه الى 9 جرام تقريبا ووزن الكتكوت عمر يوم حوالى 6 جرام ************************************************* اخيرا يستهلك الطائر البياض فى حدود 40 الى 50 جرام علف يوميا من الاسبوع التاسع واعلى فترة انتاج للسمان تستمر لمدة 7 شهور اخيرا اتمنى ان يكون وفقنى الله وعذرا ان نسيت اى شئ مهندس ياسر حنيدق 0108385995 رد بسيط يساوى عندى كتيير ( بقالى اكتر من 50 يوم بصور وبجمع وبرفع وبجهز فى الموضوع فعلا تعبت هتسيب رد مش لازم كلمة شكر حتى لو هتعارض انا متقبل ) بانتظار ردودكم وتعليقاتكم واستفساراتكم https://facebook/groups/404883662964640/ شارك الموضوع لاصدقائك Share on print Share on email Share on facebook Share on twitter شركة خير بلدنا للتوريدات كتكوت ( ابيض - ساسو جيل اول - سمان - ط مولار ومسكوفى ) بيض مخصب 01008385995 https://facebook/groups/404883662964640/ رد مع اقتباس رد مع اقتباس 2010-06-04 11:43 PM #2 وزير سابق وزير سابق غير متواجد حالياً الاعضاء تاريخ التسجيل Jun 2010 المشاركات 7 رد: الموضوع الكامل عن السمان لمحبي المشاريع الصغيرة موثق (( فيديو وصور )) الموسوعة الزراعية المعرض الزراعي الفديوهات الزراعية اخبار الزراعة السيد المهندس المحترم / ياسر بك تحية طيبة و بعد لو اجزل كل المسلمين النصح لبعضهم البعض ، لقمنا من كبوتنا و لرجعنا خير أمة. رزقك الله النية الصالحة و بارك فيك و أعظم أجرك. و لي سؤال أنا اريد الاقتصاديات بالبلدي كده، يعني 1000 كتكوت يتكلف كم و يتباع بكم و الربح قد ايه، طبعا للتسمين ، و أفضل اماكن الشراء و البيع و لك مني كل احترام و تقدير مقدما رد مع اقتباس رد مع اقتباس 2010-06-04 11:55 PM #3 م ياسر حنيدق م ياسر حنيدق غير متواجد حالياً الاعضاء تاريخ التسجيل Aug 2009 المشاركات 300 رد: الموضوع الكامل عن السمان لمحبي المشاريع الصغيرة موثق (( فيديو وصور )) الموسوعة الزراعية المعرض الزراعي الفديوهات الزراعية اخبار الزراعة اخى العزيز هذا واجبى وشاكر لمرورك بالنسبه لمشروع 1000 تسمين مفرخه سعرها 1800 جنيه + 150 جنيه مصاريف الشحن ( المواصلات ) + 500 جنيه بيض سمان سعر البيضه 35 قرش حاليا + 100 جنيه علافات وسقايات + 50 جنيه مضاد حيوى وفيتامين + 10 جنيه دفايه + سعر انبوبه وشعله + تكلفة التبن وطبعا دى بسيطه جدااا لا تتعدى 25 جنيه طبعا المبنى انا مش هحسبه كل واحد ممكن ياقلم نفسه فى المكان اللى عنده والله اعرف ناس مربياه فى شقق وشغالين وبيكسبو وربنا بيرزق كله اهم حاجه النيه خير يعنى لو فى 3000 جنيه هتعمل المشروع ان شاء الله طبعا العائد المتوقع ان ال 1500 بيضه هيخرجو 1000 سمانه ان شاء الله انا بقدم المشيئه دائما وده نسبه ضعيف طبعا بس بنقول خليها على اسؤ الاحتمالات ونسبة النافق هتكون 10 % يعنى هيفضل 900 لو بعت على 45 يوم هتبيع ب 4 جنيه جمله طبعا هتبيع 600 وهتخلى 300 200 انثى و 100 ذكر وده القطيع بتاعك وهتكبره شويه شويه طيب ال 600 ب حدود 2400 جنيه يعنى يعتبر فلوسك رجعتلك فى 45 يوم موضوع التسويق ده من عند ربنا طبعا بس لازم الانسان يجتهد يعنى تشوف محلات بيع تشوف اى شخص يكون بيوزع اشوف مجزر محلات وربنا هيكرمك اخيرا سعيد بمرورك وبانتظار تعليقك شركة خير بلدنا للتوريدات كتكوت ( ابيض - ساسو جيل اول - سمان - ط مولار ومسكوفى ) بيض مخصب 01008385995 https://facebook/groups/404883662964640/ رد مع اقتباس رد مع اقتباس 2010-06-05 12:06 AM #4 وزير سابق وزير سابق غير متواجد حالياً الاعضاء تاريخ التسجيل Jun 2010 المشاركات 7 رد: الموضوع الكامل عن السمان لمحبي المشاريع الصغيرة موثق (( فيديو وصور )) الموسوعة الزراعية المعرض الزراعي الفديوهات الزراعية اخبار الزراعة تمام بس انا اسمع ان سعر البيع 3 جنيه فقط هل صحيح، و ان سعر الدفاية الدش 100 جنيه هل صحيح يا بشمهندس رد مع اقتباس رد مع اقتباس 2010-06-05 12:13 AM #5 م ياسر حنيدق م ياسر حنيدق غير متواجد حالياً الاعضاء تاريخ التسجيل Aug 2009 المشاركات 300 رد: الموضوع الكامل عن السمان لمحبي المشاريع الصغيرة موثق (( فيديو وصور )) الموسوعة الزراعية المعرض الزراعي الفديوهات الزراعية اخبار الزراعة هتبيع ب 3 جنيه ماااااااشى بس اقل سعر بيع حاليا موجود فى السوق وده صعب تلاقى حد يبعلك ب 3.75 قرش الا اذا كنت بتاخد منه كمياااات كبيره كل اسبوع ولاكن لو بعت ب 3 جنيه برده هتكسب 1800 جنيه فى 45 يوم وده مش وحش ابداااااا وكده يبقى انت بتضرب السوق وكل ما هتبيع اكتر هتكسب وشويه شويه هتاخد الخبره خبرة التربيه وخبرة التسويق . موضوع الدفايه والله ابسط منها ما فيش بص الشعله ب 22 جنيه والمحبس بيتباع جهاز ب 15 جنيه هصورهولك بس محبس غير الموجود فى السوق وافيز ب تص جنيه والطبق ب 20 جنيه يعنى 50 جنيه اعملها على اديك زى ما بقلك كده والله هتوفر 50 جنيه وبسيطه جداااااااااااااا منتظر اى استفسار ليك شركة خير بلدنا للتوريدات كتكوت ( ابيض - ساسو جيل اول - سمان - ط مولار ومسكوفى ) بيض مخصب 01008385995 https://facebook/groups/404883662964640/ رد مع اقتباس رد مع اقتباس 2010-06-05 12:25 AM #6 وزير سابق وزير سابق غير متواجد حالياً الاعضاء تاريخ التسجيل Jun 2010 المشاركات 7 رد: الموضوع الكامل عن السمان لمحبي المشاريع الصغيرة موثق (( فيديو وصور )) الموسوعة الزراعية المعرض الزراعي الفديوهات الزراعية اخبار الزراعة ارجو وضع الاسعار بالنسبة للكتاكيت و البيض و الامهات و شكرا جزيلا رد مع اقتباس رد مع اقتباس 2010-06-05 10:13 AM #7 مها صبرى مها صبرى غير متواجد حالياً الاعضاء تاريخ التسجيل Feb 2010 المشاركات 67 رد: الموضوع الكامل عن السمان لمحبي المشاريع الصغيرة موثق (( فيديو وصور )) الموسوعة الزراعية المعرض الزراعي الفديوهات الزراعية اخبار الزراعة اشكر المهندس ياسر حنديق على هذه المعلومات القيمة شركة المها للزراعات الحديثة زراعة الصوب - تحليل تربة -تحليل مياة ونبات اقامة مزارع عيش الغراب - والمزارع بدون تربة و اقامة مزارع الدواجن والسمان الاشراف عليها 0103928816 --33516975 mahamushroom@yahoo رد مع اقتباس رد مع اقتباس 2010-06-05 03:03 PM #8 أحمد مختار أحمد مختار غير متواجد حالياً صديق المنتدي تاريخ التسجيل Jun 2010 المشاركات 94 إرسال رسالة عبر Yahoo إلى أحمد مختار رد: الموضوع الكامل عن السمان لمحبي المشاريع الصغيرة موثق (( فيديو وصور )) الموسوعة الزراعية المعرض الزراعي الفديوهات الزراعية اخبار الزراعة جزاك الله خيرا على هذا الموضوع الجميل رد مع اقتباس رد مع اقتباس 2010-06-05 04:00 PM #9 م ياسر حنيدق م ياسر حنيدق غير متواجد حالياً الاعضاء تاريخ التسجيل Aug 2009 المشاركات 300 رد: الموضوع الكامل عن السمان لمحبي المشاريع الصغيرة موثق (( فيديو وصور )) الموسوعة الزراعية المعرض الزراعي الفديوهات الزراعية اخبار الزراعة اقتباس المشاركة الأصلية كتبت بواسطة وزير سابق مشاهدة المشاركة ارجو وضع الاسعار بالنسبة للكتاكيت و البيض و الامهات و شكرا جزيلا اسعاربيض السمان 35 قرش للبيضه اسعار الكتكوت عمر يوم 70 قرش المهات عمر 55 يوم من 5 الى 5.5 جنيه شركة خير بلدنا للتوريدات كتكوت ( ابيض - ساسو جيل اول - سمان - ط مولار ومسكوفى ) بيض مخصب 01008385995 https://facebook/groups/404883662964640/ رد مع اقتباس رد مع اقتباس 2010-06-05 04:04 PM #10 م ياسر حنيدق م ياسر حنيدق غير متواجد حالياً الاعضاء تاريخ التسجيل Aug 2009 المشاركات 300 رد: الموضوع الكامل عن السمان لمحبي المشاريع الصغيرة موثق (( فيديو وصور )) الموسوعة الزراعية المعرض الزراعي الفديوهات الزراعية اخبار الزراعة اقتباس المشاركة الأصلية كتبت بواسطة أحمد مختار مشاهدة المشاركة جزاك الله خيرا على هذا الموضوع الجميل شاكر مرورك اخ احمد شركة خير بلدنا للتوريدات كتكوت ( ابيض - ساسو جيل اول - سمان - ط مولار ومسكوفى ) بيض مخصب 01008385995 https://facebook/groups/404883662964640/ رد مع اقتباس رد مع اقتباس 2010-06-06 06:23 PM #11 محمدعيد محمدعيد غير متواجد حالياً مشرف منتدي الدواجن تاريخ التسجيل Aug 2008 المشاركات 133 رد: الموضوع الكامل عن السمان لمحبي المشاريع الصغيرة موثق (( فيديو وصور )) الموسوعة الزراعية المعرض الزراعي الفديوهات الزراعية اخبار الزراعة السلام عليكم ورحمة الله أرجو من السادة الأعضاء مراعاة الله فيما يكتبون فهناك ألاف الشباب يقراون مثل هذه الدراسات المشجعة للغاية ويتحمسون ولكن للأسف وعلى ارض الواقع لا يتحقق معظمها وهذا الموضوع به نقاط كثيرة خاطئة وان كان بعضها صحيحا وسوف يتم سردها أولاماكينة التفريخ المشار إليها سعرها الحالي 3500ده لو هي إلى إلى بطلع النسبة المشار إليها في الموضوع إما بقى لو حنجيب مكن يدوى ودي ب1200فا دي تطلع من ال1500بيضة 750كتكوت على الأكثر لان التقليب والرطوبة يدوى أما بالنسبة لسعر بيع الكتكوت فهو لم يتعدى ال3.5جنيه وليس كما هو مشار أليه بسعر4جنيهات وتكلفة الكتكوت حتى البيع حوالي 2جنيه مقسمة إلى 60قرش كتكوت و نصف كيلو علف سعر الطن حوالي 2400يعنى الكتكوت حياكل ب120قرش ده غير طبعا تكاليف التدفئة وغيرة من التكاليف النثرية والى في الأخر بتوصل الكتكوت ل2جنيه وسعر بيعه في المتوسط 3جنيهات يعنى الألف كتكوت يكسبوا حوالي 700جنيه في الدورة ده لو نسبة النفوق حوالي 10فى الميه ووده المتوسط بتاعها أما بالنسبة أن البداية تكون ب3الاف لمشروع أمهات ومكنه وتسمين فده صعب جدا لأسباب أولا ثمن ال200ام حوالي 500جنيه ده لو متربيين عندك وال100ذكر ب250وقطيع التسمين بحوالى إلفين جنيه كما تم الإشارة إليه والمكنة برده تم توضيح موقفها أما بالنسبة لسعر البيع إلى حضرتك بتقول انه 4جنيه وجملة الجملة 3.75 أنا مستعد أورد اى كمية على 3جنيه أنا دخل دفعة أول شهر 7ومستعد أديلك اى كمية الرجاء من السادة الأعضاءان نتشارك الآراء الله الموف رد مع اقتباس رد مع اقتباس 2010-06-06 06:25 PM #12 محمدعيد محمدعيد غير متواجد حالياً مشرف منتدي الدواجن تاريخ التسجيل Aug 2008 المشاركات 133 رد: الموضوع الكامل عن السمان لمحبي المشاريع الصغيرة موثق (( فيديو وصور )) الموسوعة الزراعية المعرض الزراعي الفديوهات الزراعية اخبار الزراعة السلام عليكم ورحمة الله أرجو من السادة الأعضاء مراعاة الله فيما يكتبون فهناك ألاف الشباب يقراون مثل هذه الدراسات المشجعة للغاية ويتحمسون ولكن للأسف وعلى ارض الواقع لا يتحقق معظمها وهذا الموضوع به نقاط كثيرة خاطئة وان كان بعضها صحيحا وسوف يتم سردها أولاماكينة التفريخ المشار إليها سعرها الحالي 3500ده لو هي إلى إلى بطلع النسبة المشار إليها في الموضوع إما بقى لو حنجيب مكن يدوى ودي ب1200فا دي تطلع من ال1500بيضة 750كتكوت على الأكثر لان التقليب والرطوبة يدوى أما بالنسبة لسعر بيع الكتكوت فهو لم يتعدى ال3.5جنيه وليس كما هو مشار أليه بسعر4جنيهات وتكلفة الكتكوت حتى البيع حوالي 2جنيه مقسمة إلى 60قرش كتكوت و نصف كيلو علف سعر الطن حوالي 2400يعنى الكتكوت حياكل ب120قرش ده غير طبعا تكاليف التدفئة وغيرة من التكاليف النثرية والى في الأخر بتوصل الكتكوت ل2جنيه وسعر بيعه في المتوسط 3جنيهات يعنى الألف كتكوت يكسبوا حوالي 700جنيه في الدورة ده لو نسبة النفوق حوالي 10فى الميه ووده المتوسط بتاعها أما بالنسبة أن البداية تكون ب3الاف لمشروع أمهات ومكنه وتسمين فده صعب جدا لأسباب أولا ثمن ال200ام حوالي 500جنيه ده لو متربيين عندك وال100ذكر ب250وقطيع التسمين بحوالى إلفين جنيه كما تم الإشارة إليه والمكنة برده تم توضيح موقفها أما بالنسبة لسعر البيع إلى حضرتك بتقول انه 4جنيه وجملة الجملة 3.75 أنا مستعد أورد اى كمية على 3جنيه أنا دخل دفعة أول شهر 7ومستعد أديلك اى كمية الرجاء من السادة الأعضاءان نتشارك الآراء الله الموفق رد مع اقتباس رد مع اقتباس 2010-06-06 07:48 PM #13 فتى المرافعات فتى المرافعات غير متواجد حالياً الاعضاء تاريخ التسجيل Jun 2010 المشاركات 15 رد: الموضوع الكامل عن السمان لمحبي المشاريع الصغيرة موثق (( فيديو وصور )) الموسوعة الزراعية المعرض الزراعي الفديوهات الزراعية اخبار الزراعة السلام عليكم ورحمة الله وبركاته السيد المحترم /الاستاذ ياسر حنيدق بعد التحية لا ادرى ماذا اقول ولكنى استعطف فيك روح الصدق والشهامة كفاك ادعاءا وافتراءا على عقول الشباب ممن يدقون ابواب الحياة املا فى عيش رغد يا سيدى انا والحمد لله اعمل فى تربية السمان من 6 شهور مضت قضيتها بطولها وعرضها اتقلب بين نصائح هذا وارشادات هذا فما وجدت فيه خبره الا شيئا واحدا هو التدفئة وتفريعا من هذا المنطق السليم الذى اعلم يقينا لا يتزعزع ان الاعضاء يوافقونى عليه فانى سارد على ما جاء من اقوالك اقيد جماح خيالك وارتقى بموضوعاتك الى ساحات الواقع حيث يتسنى للناس ان تعرف الحقيقة واضحة جلية متمنيا للناس اجمعين دوام التوفيق يا سيدى انت تقول ان دورة السمان 45 يوما وان الطائر يستهلك حوالى 450 جرام علف وان وزنه يتراوح بين ال 150 و ال180وانى اعلنها صراحة امام الكافة كما اعلنتها سرا بينى وبينك عسى ان تعود ادراجك ولكن دون جدوى واقول ان طائر السمان يمكن تسويقه فى عمر 30 يوما وان ما جئت به من اوزان ما هو الا الوزن الطبيعى فى عمر يتراوح ما بين 25 الى 30 يوماولا اخفيك سرا ان احدا من ذوى الخبرة لو ركن الى هذة الاوزان فى هذا العمر لاحس بالخزى والعار ياسيدى الفاضل ان الاوزان الطبيعية تتراوح من 200 الى 250 اذا قمنا بالقياس بمعيار الشخص العادى فى فترة 35 يوم ثم اننى اطلب منك ان تشرح لى وللاعضاء ما معنى كلمة مضاد معوى تنفسى واذا تكلمنا على العلف فانى لا اخفيك سرا ان البادى المحبب 23 %قادر على اعطاء اوزان 250 جرام فى عمر 35 يوم والمجال لا يتسع الان لشرح فنيات التربية والتغذية ولكنى اطلب منك تحرى الصدق فى المعلومة اتقاء مرضات الله اما السؤال الذى يطرح نفسه فكيف يقبل عقلا ومنطقا ان 3 الاف جنيه تقيم مشروعا بما امليته من مواصفات اللهم الا اذا كان المشروع سوف يبنى نفسه على شهور اننى اذ اقول لك ذلك اطلب منك حين تتلو الاجابة ان تنزل بحديثك الى ارض الواقع حتى لا يتعلق الناس بحبل متهالك ثم ان الماكينة التى جئت بصورتها هى ماكينة من انتاج المكتب الفنى للدواجن موديل c10 sfdprojects.org.eg/produc...ProductID=9661 وهذا هو رابط الماكينة وخصائصها وقدرتها بالله عليك تراجع معلوماتك مع الجهة المصنعه من حيث السعر اللهم الا اذا كانت ماكينه عادية وهل يمكن لماكينة عادية ان تخرج لنا فى الواقع بهذه النسبه من الفقس التى تدعيها سيدى عذرا انت تقود الشباب الى دوامة حلم لا امل فى تحقيقة فرفقا بهم اعزك الله وانى احسبك والله لاتقدم موضوعا يقرا ويكانك تقدم اعلانا يتستر فى عباءة موضوع عن السمان ثم اسال نفسك اولا وانزل الى السوق ثانيا وتحرى الصدق ثالثا اى كتكوت هذا بعمر يوم واحد يباع ب 70 قرشا -------------------------------------------------------------------- الان حصحص الحق واسمح لى ان اقول لك بعضا من الحق والواقع تصحيحا للدراسه فى عقول الاعضاء ----------------------------------------------------------------------- الكتكوت عمر يوم سعره 55 قرش او 60 او 60 قرش يستهلك من 250 الى 300 جرام علففى دورة حوالى 30 الى 35 يوم السمان لا يحتاج الا مضاد حيوى فى فترة التحضين واقسم بالله انى استقبله على الامبيسيللين والنيومايسين وقد قمت ب دورتين متتاليتين دون ان اضع له مضاد حيوى فى الاستقبال فهو يتمتع بمناعه عالية اذا قمنا بحساب التكاليف نجد ان الفرخ يكلف حوالى 75 قرش علف + 60 قرش سعر الكتكوت = 135 قرش فلنقل 150 شاملة التدفئة والدواء اذا الزوج يكلف 3 جنيهات سعر البيع المنطقى فى المتوسط 6 جنيهات اى ان صافى الارباح 3 جنيهات فى الزوج اى ان 500 زوج ارباحهم 1500 ج واذا قلنا ان الشخص مبتدى فان تكلفة الالف فرخ بصفة عامة من 1500 الى 2000 ج اى ان ارباحه من 1000 الى 1500 ج اسال الله ان يوفقنا الى ما يحبه ويرضاه وان يهديك وايانا لما فيه الخير والرشاد[/B][/B][/B][/SIZE] رد مع اقتباس رد مع اقتباس 2010-06-06 08:51 PM #14 م ياسر حنيدق م ياسر حنيدق غير متواجد حالياً الاعضاء تاريخ التسجيل Aug 2009 المشاركات 300 رد: الموضوع الكامل عن السمان لمحبي المشاريع الصغيرة موثق (( فيديو وصور )) الموسوعة الزراعية المعرض الزراعي الفديوهات الزراعية اخبار الزراعة اقتباس المشاركة الأصلية كتبت بواسطة محمدعيد مشاهدة المشاركة السلام عليكم ورحمة الله أرجو من السادة الأعضاء مراعاة الله فيما يكتبون فهناك ألاف الشباب يقراون مثل هذه الدراسات المشجعة للغاية ويتحمسون ولكن للأسف وعلى ارض الواقع لا يتحقق معظمها وهذا الموضوع به نقاط كثيرة خاطئة وان كان بعضها صحيحا وسوف يتم سردها أولاماكينة التفريخ المشار إليها سعرها الحالي 3500ده لو هي إلى إلى بطلع النسبة المشار إليها في الموضوع إما بقى لو حنجيب مكن يدوى ودي ب1200فا دي تطلع من ال1500بيضة 750كتكوت على الأكثر لان التقليب والرطوبة يدوى أما بالنسبة لسعر بيع الكتكوت فهو لم يتعدى ال3.5جنيه وليس كما هو مشار أليه بسعر4جنيهات وتكلفة الكتكوت حتى البيع حوالي 2جنيه مقسمة إلى 60قرش كتكوت و نصف كيلو علف سعر الطن حوالي 2400يعنى الكتكوت حياكل ب120قرش ده غير طبعا تكاليف التدفئة وغيرة من التكاليف النثرية والى في الأخر بتوصل الكتكوت ل2جنيه وسعر بيعه في المتوسط 3جنيهات يعنى الألف كتكوت يكسبوا حوالي 700جنيه في الدورة ده لو نسبة النفوق حوالي 10فى الميه ووده المتوسط بتاعها أما بالنسبة أن البداية تكون ب3الاف لمشروع أمهات ومكنه وتسمين فده صعب جدا لأسباب أولا ثمن ال200ام حوالي 500جنيه ده لو متربيين عندك وال100ذكر ب250وقطيع التسمين بحوالى إلفين جنيه كما تم الإشارة إليه والمكنة برده تم توضيح موقفها أما بالنسبة لسعر البيع إلى حضرتك بتقول انه 4جنيه وجملة الجملة 3.75 أنا مستعد أورد اى كمية على 3جنيه أنا دخل دفعة أول شهر 7ومستعد أديلك اى كمية الرجاء من السادة الأعضاءان نتشارك الآراء الله الموفق بسم الله الرحمن الرحيم الرد فى ايجاز اولا :- هنتكلم فى الاول على اسعار المفرخات سعر المفرخه النص اوتوماتيك حاليا ( 6/6/2010) 1800 جنيه بتشيل 1800 بيضه دجاج واكثر من 4 الف سمان طيب مميزاتها ايه تقليب الى بتظبطه وبيقلب لوحده طيب الرطوبه مش الى يعنى فى درج ماء وبتزود فيه ماء لحد نسبه معينه بيظبط الرطوبه للنسبه المطلوبه طبعا الحراره التحكم فيها الى طيب ايه الفرق بينها وبين المفرخه اللى بتعدى ال 4000 الف التحكم فى الحراره هنا عن طريق ثرموثتات ايطالى بنظبطه على درجه معينه وبيثبت عليها اما الاخرى غير كده ثرموثتات ديجيتال سعره لوحده حوالى 350 جنيه اما الايطالى ب 80 جنيه طيب مش ده الفرق بس فى وحدة رطوبه فى المفرخه اللى سعرها اعلى . كل ده بيرفع من سعرها بس نسبة الفقس كويسه كده فى المفرخه اللى سعرها 1800 جنيه طيب نقطه تانيه انا معنديش مصنع لتصنيع المفرخات يعنى مليش اى مصلحه ومكن فى ناس كتييير اتصلو وانا اديتهم العنوان فقط ومش عناون شركه معينه لا اكثر من 5 شركات وكل واحد يجيب على اده نقطه اخرى الاخ بيتكلم عن المفرخه اللى التقليب فيها يدوى والرطوبه يدوى وبيقول سعرها 1200 جنيه دى اسمها مفرخه بلديه والكلام ده ادرى منى بيه الاخ اسعد الفقى عضو متميز فى المنتدى سعرها طبعا مش 1200 لا سعرها 1500 جنيه وفى ناس بتصنعها فى المحله فى بيلا الحاج عيد وده رقمه 0106298329 واللى يتصل بيه يقله انا من طرف المهندس ياسر بتاع الاسماعيله وعاوز مفرخه وياريت يسئله بالمره على نسبتها طبعا مفيش حاجه اسمها 50% دى خااااالص مش هقول بتطلع كام ممكن الاخ اسعد يرد لان اهل خبره فى موضوع المفرخات البلديه او اتصلو بالرقم ده واسئلو الناس اللى لسه شغاله بيها حتى يومنا هذا نقطه كمان طيب المفرخه اللى سعرها 1800 جنيه دى موجوده عند شركه اسمها الصعيدى فى طنطا اللى عاوز يعرف العنوان ابعتهوله فى رساله على الخاص طيب عاوزين تتاكدو ده رقم دكتور بيطرى من المنصوره لسه شارى واحده ولسه كان عندى يوم السبت اللى فات واخد سمان بياض واخد اكتر من اربع سلالات واكثر من 200 ام واخد بيض ده رقمه 0164447169 طبعا اللى هيتصل بيه يسئله على المفرخه ويقله انت جبت السمان من فين . ************************************************** ************************************************** ******************************************** طيب هنعتبر الكلام اللى قلته كله غلط فى غلط وهناخد بكلام اللى كاتبه العضو المحترم اولا - طبعا اللى ايده فى الميه مش زى اللى ايده فى نار يعنى واحد شغال فى السوق مش زى واحد بيقرا من النت هو بقول ان تكلفة الكتكوت 2 جنيه وسعر بيعه 3 جنيه وده طبعا على كلمه هو يعنى الدوره هتكسب 700 جنيه كلام جميل وكلام معقول جدااااااااااااااااا حد سئل نفسه هنطلع كام دوره فى الشهر لو كل اسبوع دوره يعنى هنكسب 700 لا بلاش 700 خليهم 500 جنيه بس يعنى فى الشهر 2000 جنيه ونبى مين دلوقتى بياخد مرتب 1000 جنيه فى الشهر 2000 جنيه وحش ده لو الف جنيه فى البدايه رضا نقطه تانيه الاخ بيقول ال 3000 جنيه قليل على مشروع ما هو لو شاف الحوار كويس مكنشى قال كده انا قلت اجيب امهات ولا قلت الافضل بيض ياريت الاخ يبص للموضوع تانى هيلاقى انا كاتب ان الافضل ان البدايه تكون بيض علشان يوفر على نفسه طيب طيب علشان الشباب والظروف الى انا وناس كلها بتمر بيها هنحسب الحسبه تانى مفرخه ب 1800 + 350 جنيه بيض + 6 سقيات+6 علفات ( ممكن يتعملو يدوى )+ انبوبه وشعله وخرطوم وافيز ومفك علشان نربط الافيز ) الساقيه سعرها 5 جنيه العلافه جبها جهزه مش هتعدى 6 جنيه الانبوبه اخر مره جبتها كانت ب 240 جنيه والاخرطوم والافيز والشعله والطبق 50 جنيه 20 جنيه تبن 1800+350+30+30+240+50+20 = 2520 جنيه الفان وخمسمائه وعشرون جنيه هيفضل معنا كام 500 جنيه يمكن اكون نسيت حاجه الله اعلم ال 500 جنيه كلاتى 27 جنيه فيتامين + 18 جنيه مضاد حيوى+ 7 جنيه غاز للانبوبه الانبوبه تستمر لمدة 4 ايام لو الغرفه محكمه الغلق يتم تغيير الانبوبه 7 مرات اذن 50 جنيه غاز يعنى كله 100 جنيه هيفضل معانا 400 جنيه اخيرا الباب مفتوح الى اى شخص يشرفنى ويجى المزرعه والعنوان بسيط جداااااااااااا مزرعة كلية الزراعه جامعة قناة السويس ونحن لا نتكلم بل نعمل شركة خير بلدنا للتوريدات كتكوت ( ابيض - ساسو جيل اول - سمان - ط مولار ومسكوفى ) بيض مخصب 01008385995 https://facebook/groups/404883662964640/ رد مع اقتباس رد مع اقتباس 2010-06-06 09:02 PM #15 البحر البحر غير متواجد حالياً الاعضاء تاريخ التسجيل May 2010 المشاركات 4 رد: الموضوع الكامل عن السمان لمحبي المشاريع الصغيرة موثق (( فيديو وصور )) الموسوعة الزراعية المعرض الزراعي الفديوهات الزراعية اخبار الزراعة alkherat/vb/showthread.php?t=12639 لا تعليق رد مع اقتباس رد مع اقتباس + الرد على الموضوع صفحة 1 من 7 1 2 3 ... التالي الأخيرةالأخيرة « تحصين الدواجن | مزرعة دواجن للايجار مدينة المنصورة » المواضيع المتشابهه دراسة جدوي المشاريع السمكية بواسطة خالد محمد كمون في المنتدى منتدي الاستزراع السمكي - اعلاف الاسماك - مزارع الاسماك - امراض الاسماك - زريعة اسماك -بلطي - ربيان - مشاركات: 13 آخر مشاركة: 2009-02-14, 10:51 PM سبحان من أبدع وصور بواسطة د/إيمان حرفوش في المنتدى عام - حوار -نقاش - ثقافة - مصر - الاهرام - البوابة العربية للثقافة والعلوم مشاركات: 4 آخر مشاركة: 2008-11-13, 05:41 AM التهاب الضرع الكامن بواسطة totti_gabony في المنتدى تربية الدواجن - تربية الارانب -تسمين العجول-تربية الاغنام -تربية الماعز -تربية حمام - اسماك مشاركات: 1 آخر مشاركة: 2007-11-28, 11:20 AM لمحبي الكعب العالي احذروا!!! بواسطة wafae في المنتدى مملكة المرأة - عالم حواء - المطبخ - ديكورت المنزل - صحة الاسرة -صحة الطفل - الاسرة مشاركات: 2 آخر مشاركة: 2007-11-11, 02:31 PM لمحبى الارانب بواسطة م ز/ محمود سعيد في المنتدى تربية الارانب - رعاية الارانب - تغذية الارانب -امراض الارانب - بطاريات الارانب -اعلاف الارانب -سلالة مشاركات: 0 آخر مشاركة: 2007-07-02, 05:11 PM الكلمات الدلالية لهذا الموضوع لمحبى موثق المشاريع الموضوع الزمان الصغيرة الكامل فيديو وصور عرض سحابة الكلمة الدلالية مواقع النشر (المفضلة) Digg del.icio.us StumbleUpon Google ضوابط المشاركة لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك أكواد المنتدى متاحة الابتسامات متاحة كود [IMG]متاحة كود HTML معطلة قوانين المنتدى الاتصال بنا موقع الخيرات الزراعية الأرشيف الأعلى الساعة الآن 05:25 PM Powered by vBulletin™ Version 4.1.2 Copyright © 2013 vBulletin Solutions, Inc. All rights reserved. Translate By Almuhajir
Posted on: Fri, 13 Sep 2013 17:28:22 +0000
Trending Topics
Recently Viewed Topics
© 2015