#جعلوه_فانجعل وانا صغير, دخلت المدرسة .. وبقيت ف ابتدائي .. عشان كله بيخش المدرسة وبيبقى في ابتدائي وهو صغير .. كبرت شوية, دخلت مدرسة اعدادي, عشان كله بعد ابتدائي بيخش اعدادي .. كبرت شوية, دخلت ثانوي, عشان كله بيخش ثانوي يعني دا الطبيعي .. اه في ثانوي عام وصنايع بس المهم انت تحدد هدفك وهتوصله .. كبرت شوية, دخلت كلية, لإن طبيعي انا بذاكر ف ثانوية عامة, زي ما كل الناس بتذاكر ف ثانوية عامة عشان تجيب مجموع, وجبت مجموع, ودخلت هندسة , زي اي حد مشى نفس السير بتاعي .. وبعدين هتخرج عادي زي اي حد , في جيش, وبعدين شغل, وبعدين جواز .......... إخرس! (لأ , مش انت ياللي بتقرا البوست :D) بقول لنفسي ... أنا مش هفضل : جعلوه فانجعل! مش هفضل في دوامة الحياة أو كما أحب أن أطلق عليه: Egyptian Life Cycle مش هخلص كليه واجري ورا جيش وشغل (فلوس) عشان اتجوز! واجيب مليون جنيه اتجوز بيهم! وبعد ما اتجوز , اخلف عيلين, واصحى الصبح انزل الشغل, ارجع الساعه 5 , اتغدا وانام, وانزل اقعد ع القهوة! وارجع انام اصحى ع الشغل! اروح الشغل, اخش اقعد ع المكتب (أو أيًا كان الشغل الروتيني الممل)! عشان اجيب فلوس اصرفها على الأسرة ياكلوا ويشربوا وأكل واشرب وانام! ونعجز ونموت ونتنسى .. انا مش شايف ان ربنا خلقنا عشان نعيش بالمنظر ده! فيها إيه لما أخلص كلية, أقدم على دراسات عليا! مثلًا .. أشتغل مش عشان انا عاوز ابقى ف ساقية اجيب فلوس وخلاص عشان الحق سن الجواز! طز في المادة! .. اشتغل عشان مجرد إن الفلوس دي تكفيني اعيش, تكفي أكلي وشُربي, ودراستي .. فيها إيه يعني طالما بحب حاجات معينه ومهتم بيها طب ما أكمل فيها! عاوز مثلًا أختم القرآن بالقراءات واخد إجازة! وماله! أدرس فقه, أو سيرة دراسة متعمقة! وماله برضه! طالما بحب الخط العربي, طب ما آخد دبلومة فيه! فيها إيه طالما, بحب الـ Theoretical Physics أدرسها! فيها إيه طالما مهتم بالأدب واللغة! , آخد ماجيستير في دار علوم! فيها إيه طالما بحب الـ Astronomy مثلا , أدرسه أو أقرأ فيه! ليه متعلمش موسيقى, وأحاول اخش كلية طب , لو حابب المجال , واخد شهادتها واتعلمها عن حب! الموضوع ساهل إحنا ال بنصعبه على نفسنا! , - هتفضل عازب مش هتتجوز , يالهوي :O مش عارف انا يعني ال اتجوزوا عملوا ايه!! -المجتمع هيفضل يقول عليك شاذ وبتاع ويطلع عليك كلام -_- وانا من إمته بهتم بالناس :D يومي وأنا أعزب بألفٍ مما تعدون! أنام الساعة 10 بليل, اصحا الفجر, أنزل أجري على البحر(أو ألعب رياضة) .. أرجع أخد دش واكون بحضر الفطار , أفطر وانا بشوف فيديو علمي .. الساعه بقت 8 .. أنزل ع الشغل, باستمتاع ونشاط! .. واستحاله هتعمل اللي فات دا ومش هتحس باستمتاع ونشاط! .. اخلص الشغل, اتغدا, أقرأ كتاب من على الليسته .. أشوف فيلم محضره بعنايه فائقة, أدرس اللي بدرسه! أيام الأجازات أروح أتفسح بفلوسي :D , ف أي حته انا عمري ما كنت هعرف اروحها لو متواجد في أسرة .. لضيق الوقت, أو الفلوس , أو عدم الإمكانية! أيًا كان .. ببساطه, كله بالحب!, هعيش حياتي باستمتاع في كل حاجه انا بعملها! - طب في اوقات هتحتاج حد جنبك! ربنا موجود .. وصحابي كتير والحمد لله :) - طب هتحتاج حد يطبخلك جيبلي أي بنت ف سني دلوقتي هتلاقيني بالنسبالها شيف :P وانت عارف اني بحب المطبخ اصلا وكده ف متقوليش يطبخلك :v :3 - العيشة لوحدك وحشه متعود! :3 - لازم يكون عندك ذرية تشيل إسمك! مش عاوز حد يشيل إسمي -_- :3 بصراحه .. أكتر حاجه هتخليني أضعف هي الأطفال .. ممكن ساعتها أبقى أروح أي ملجأ أيتام, أو أتبنى طفل, أو طفلة وأربيه .. لو حبيت أشبع عاطفة الأبوة :v بس اللي أكيد إني مش هتجوز عشان اجيب عيل وافضل اصرف عليه وملاقيش وقت اقعد معاه! عشان الفلوس! والشغل! بص ياعم! متوجعش دماغك معايا! أنا مش هبقى فاضي! :3 أنا شايف إن ربنا خلقنا عشان نعمل حاجه مفيدة ف حياتنا. وأكيد مش هي اننا نمشي ف الدايرة ال كله بيمشي فيها وف الآخر بيضيع دينه وصحته وفلوسه ويموت ويتنسا! إدعيلي انت بس اخش الجنة, مش عاوز من الدنيا غير الدعوة دي. سلام!
Posted on: Fri, 22 Nov 2013 13:47:42 +0000
Trending Topics
Recently Viewed Topics
© 2015