حصلت خناقه بين امى و جوزى و هى غلطت فيه جامد بشتايم بالام و الاب و هو استحمل كتير و فى الاخر لما جاب اخره لسانه فلت و قال دى ست سافله قدامها فاتغاظت و كملت باقى الشتايم و هو ساكت مردش فهى قاطعتنى عشان انا بعامل جوزى كويس و كويسه معاه انا بجد مش عارفه اعمل ايه كل لما اروح لأمى ترصلى شتايم انا و هو و تدعى عليه فى غربته بالمرض و الموت و الفقر و الجديد بقه انها بتدعى عليا انا كمان دعاوى وحشة و بتقولى روحى منيش مسامحاكى لا دنيا ولا آخرة و انا اصلا ما عملتلهاش حاجه ولا غلطت فيها و اتخانقت مع جوزى لما زعلها و هو معندوش مانع يصالحها بس هى رافضة الصلح و بتهد دنى انه لو كلمها هتغلط فيه اكتر و هتخلى ابنها اللى مش راجل اصلا و عيل(لان تصرفاته كلها لا تمت للرجوله بصله طول حياته) انه يغلط فيه و انا مرضاش بقله الأدب و السوقيه دى فبطلت اكلم جوزى عن الصلح و مش عارفه هى عاوزة ايه و لما عرفت ان طفلى الرضيع تعبان قالتلى احسن و مش بعيد المرة الجايه تدعى عليه هو كمان انا مش طايقه اروحلها تانى بقيت احس بألم نفسي فى كل خطوة و انا رايحالها و خايفه من ربنا ف حكايه صله الرحم بس انا استحملت اللى محدش استحمله منها و اخواتى محدش معبرنى ده الى جانب انها مسوأة سمعة جوزى قدام كل الناس ف غيابه و مسوأة سمعتى اعمل ايه كل اللى بتقولهولى بقا انتى ما ردتليش كرامتى!! أردلها كرامتها دى ازاى تقولى معرفش اسألها طب اعمللك ايه يرضيكى تقوللى معرفش اقولها طب انا عملت لك ايه زعلك منى تقوللى معرفش طب اخلىه يتأسفلك و يصالحك تقولى لأ هزعله انا و اخوكى اكتر م الأول
Posted on: Sat, 07 Sep 2013 23:48:50 +0000
Trending Topics
Recently Viewed Topics
© 2015