.دي اول مرة أكتب مشكلة ليا و مش عارفة هتنزل ولا لأ ...و خايفة إسلوبي في الكلام يبقي استفزازي او رغي و عك كتير و اللي بنعمله في الناس في ردودنا يطلع علينا :-D:-D ....المهم بقي : أنا مريت بظروف وفاة والدتي و انا في الجامعة في سنة تانية و اخو اتي كلهم أكبر مني و متزوجين و كل واحد في دنيته جداا و و والدي تزوج بعد وفاة امي الله يرحمها بفترة و عيشت الطالعة لوحدي معاه و هو طيب الصراحة بس مراته كانت سخيفة حبة و حاليا هي مش متواجدة و عيشت برده حوارات طلاقهم لوحدي أه كان محبب علي قلبي بس برده كانت معناه مش عارفة إزاي بس الطلاق حصل بعد التخرج أصلا الحمد لله ...المهم طبعا كان وارد جدا اني اتعلق بسهولة بحد يقول انه بيحبني و حب الجامعة و قصص المذاكرة و المحاضرات و السكاشن سوا دي معروف و جو الشلة و الصحاب و الجروب ة و طبعا علشان كنت انا اللي بحب ادح و اذاكر فكنت شايلاه و شيلاني...و هووووب طبعا بعد الجامعة اخدت حتة دين قفا و بدل القفا اتنين منه و قفا منهم طلع خيانة و عارف واحدة عليا و مفهمها ان انا اللي بجري وراه هههههههه و طلع الحوار انانية و استغلال حقير مش اكتر...بقالي تلات سنين متخرجة...المهم بقي طبعا الحوار بالنسبة ليا مهم جدا و جد جدا. و انك تعيش خمس سنيييين بمقاييس و معايير و ترتيبات و افكار و مبادئ و فجأة تكتشف ان كل ده كدب في كدب في هلس في قلش ....و انك مجرد كائن متخلف...و تعيش تلات سنين في الطالع و النازل عارف تنصح حلو اوي بس مش عارف الصح من الغلط لنفسك...مش عارف ترسم افكارك مش قادر تفهم مشاعرك...مش محدد ولا عارف تحدد انت عاوز ايه....بقابل ساعات عرسان...و مش كتير علشان معيش في الدور...طبعا محصلش نصيب و بعد كل موضوع من اول او تاني قعدة بقعد افكر ليه محصلش نصيب و ليه الحمد لله انه محصلش....إتأكدت و زاد احساسي ان ارتباطي مش هيجي عن طريق الحب من اول كلمة و نظرة تاني (و راضية بي ده) بس عاوزة اعرف هل ممكن يبقي فيه حب بعد الخطوبة و بعد الجواز الرسمي ...و ازاي افكر في انسان قاعدين قاعدة رسمية اني انفعه و مناسبة و هو كمان كدة...ايه دالافكار المهمة اللي اركز عليها و ايه الافكار اللي لازم اتخلي عنها و مفكرش فيها..خايفة ابقي بعد كدة بقارن...او اطلع اصلا انسانة تافهة و طلعت من قصة حب فاشلة....الشكل و المظهر الي اي حد ميفقرش معايا او يفرق؟؟؟ ممكن تعتبره مفيش مشكلة و ممكن تعتبروها فضفضة...بس بجد حابة اسمع تعليقاتكوا
Posted on: Wed, 23 Oct 2013 23:05:07 +0000
Trending Topics
Recently Viewed Topics
© 2015