روایتی سامی موسیقی، یہ ناروے سے ہے۔ میں ابھی تک لیپ لینڈ کو یاد کرتا ہوں جہاں سورج مہینوں تک افق سے نہیں ابھرتا۔ ایسے میں اس طرح کا میوزک حقیقتاۢ سانسیں تھما دیتا ہے :) اگر میری طرح آپ کا تخیل بھی کافی طاقتور ہے تو ایسی جگہ کا تصور کیجئے جہاں تاحد نگاہ کوئی درخت دکھائی نہ دے، ہر طرف سفید برف کی چادر تنی ہو، ملگجا سا اندھیرا کہ یہ معلوم نہ ہو کہ یہ اندھیرا اگر سیاہی ہوتا ہے تو یہاں سفیدی کیوں اور اگر یہ اجالا ہے تو کچھ صاف کیوں نہیں دکھائی دیتا؟ کبھی کبھار پس منظر میں بھیڑیئے کی تان سنائی دے یا رینڈیئر کے گلے کی گھنٹی بج اٹھے، درجہ حرارت منفی 40 ڈگری سے نیچے ہو، ہر چیز درحقیقت جمی ہوئی ہو اور ایسے میں یہ موسیقی آپ کے کانوں سے ہوتی ہوئی آپ کے دل تک کو پگھلا دے، تب جا کر آپ کو اندازہ ہوگا کہ موسیقی کی کوئی زبان نہیں ہوتی لیکن پھر بھی یہ ایک زبان ہوتی ہے :)
Posted on: Thu, 24 Apr 2014 21:26:57 +0000
Trending Topics
Recently Viewed Topics
© 2015