زوادة اليوم: في متل بيقول: الكذب ملح الرجال و عيب عاللي بيصدق! يمكن تقولولي ليش مين ما بكذب يعني؟ و رح جاوبكن يلي ما بدو يكذب ما بيكذب! ليش هلقد في استخفاف بقدرة الإنسان انو يكون صادق و قدرتو يوصل لحقوقو بلا لف و دوران! الإنسان الصادق مع ذاتو بيكون صادق مع كل الناس. مظبوط انو الصدق اصعب من الكذب بس الصدق هوي ملح الرجال و الكذب منو الا سم الرجال و سم المجتمعات و سم الأرض! اللي بيكذب بيكون ضعيف مخبا ورا الكذب، القوي هوي اللي ما عندو شي يخبي بغض النظر ان كان رجال او مرا عم نحكي اجمالا. نحنا منحترم يلي كلمتو متل افعالو و يلي منصدقو قبل ما يحكي حتى و منهرب من الناس اللي اذا قالولنا مرحبا منقول عم يكذبو! فكرو منيح بالأمتال الغلط اللي منعملا عالتكرار حقيقة عامة و هيي منا الا حكي!
Posted on: Thu, 22 Aug 2013 04:41:33 +0000
Trending Topics
Recently Viewed Topics
© 2015