سنـــه تانيــــه (القضايــــــــــــــا) :D بصوا بقى .. القضايا دى خاصه بدكتور ديهوم هما اربعه هو قالهم ف المدرج و كل الناس خايفه ليجيب منهم واحده انا محدش يسألنى هو هيجيب ولا لا عشان هو لسه مقلش شكل الامتحان القضايا هنزلها و هنزل طريقه اجابه و شرح مبسطه ليها عشان نحل اى قضيه بطريقه سهله و مضمونه لازم نعمل 4 خطوات دول و دكتور ديهوم قال عليهم 1/مقدمه.. (يعنى تكتب القضيه دى خاصه بأنهى جزء فى المنهج و تشرح الحزء ده على حسب شرح الدكتور ) 2/المسائل المثاره و (دى بتكتب عناصر الجزئيه اللى انت جبت منها المقدمه) 3/الشرح و ده اهم جزء و الدكتور بيركز عليه عشان يشوفك فاهم ولا لا وانت لازم تكتب شرح بطريقتك انت و تكون طريقه مبسطه ممكن يكون سطر او سطرين بس المهم تكتب فيهم الخلاصه اللى تعرف فيها دكتور ديهوم انك فاهم المنهج تمام 4/التطبيق يعنى تطبق كل كلامك ده على الاسئله اللى بتيجى تحت القضيه حلو ------------------------------------------------------------------------- (القضيه الاولى) نشب نزاع بين مصرى و الأداره الملكيه حول تقدير ضريبه عينيه فى العصر البطلمى فتوجه ألى محاكم اقتصاديه لحل النزاع ألا أن المحكمه قضت بعدم الاختصاص (بالبلدى حصل مشكله بين مصرى و اداره ملكيه ف مصر على ان المصرى مش عايز يدفع الضريبه المطلوبه و راح المصرى للمحاكم الاقتصاديه و المحاكم قالت انها ملهاش اختصاص انها تحكم ف القضيه دى تمام :D ) 1/بين مدى صحه هذا الحكم مبينآ اسانيدك القانونيه . 2/وما المحكمه المختصه فى النزاع . 3/و هل يختلف الحكم لو أن النزاع حول تهرب المصرى من الضريبه . طريقه الاجابه 1/اكتب مقدمه المحاكم لدى البطالمه (ودى هتلاقيها ف ص 148 و هما 5 محاكم وحاول تشغل دماغك و تدى دكتور ديهوم ملخص من تأليفك انت وحاول تعرفوا انك فاهم المنهج كويس مش بتحط اى حاجه و خلاص انشالله يكون الملخص ده سطر او سطرين تمام) 2/المسائل المثاره : يعنى هتكتبلوا القضيه دى بتكلم عن ايه ف المنهج و الجزء الخاص بيها و هو (اختصاص المحاكم الاداريه لدى الفراعنه و ده فى ص 151 شوفتوا انا مظبتكوا ازاى :D ) 3/الشرح . 4/التطبيق . ------------------------------------------------------------------- (القضيه الثانيه) قام مواطن مصرى على اخر اغريقى ف اثر نزاع على قطعه ارض عام 119ق.م فتوجه الاغريقى للمحاكم الاغريقيه لأقامه دعوى تأسيسآ على انها محكمة المجنى عليه فدفع المصرى بعدم اختصاص المحكمه (من الاخر يعنى واحد مصرى و واحد اغريقى كانوا بيتخانقوا على قطعه ارض من سنه 119ٌق.م و الاغريقى رفع دعوى على المصرى ف المحاكم الاغريقيه راح المصرى قال المحكمه دى ملهاش الحق انها تحكم عليهم تمام ) 1/ بين مدى صحه هذا النوع مبينآ اساليبك القانونيه . 2/ وهل يختلف الوضه لو ان النزاع ثار ف 120 ق.م ولماذا؟ الاجابه 1/ مقدمه ودى نفس مقدمه القضيه الاولى 2/المسائل المثاره : أختصاص المحاكم المختلطه و الاغريقيه و ده الجزء الخاص بالمحاكم المختلطه ص 151 3/الشرح . 4/التطبيق . --------------------------------------------------------------------------- (القضيه الثالثه) اعلنت دوله عن مزاد علنته لتحصيل الضريبه وتقدم (أ) وقد رسا عليه المزاد و اثناء تحصيل الضريبه اتسم ادأه بالتعسف مما دفع الافراد اللى دفع شكوى ضده ( اكيد فاهمين القضيه دى) 1/حدد المحكمه المختصه والقانون اولاجب التطبيق مبينآ اساليبك القانونيه الاجابه 1/مقدمه (هنا اوعى تفتكر ان دى خاصه بالفرع بتاع جبايه الضرائب) انما دى مختصه بتنازع القوانين و القانون الواجب التطبيق ودى ف الفرع الثالث ص 144 2/المسائل المثاره : حل مشكله تنازع القوانين و اختصاص المحاكم الاداريه ودى ف ص 144 و ص 151 3/ الشرح . 4/ التطبيق . -------------------------------------------------------------------- (القضيه الرابعه) شرع كل من أ ، ب ، جـ من الصعيد على أثاره الفوضى ضد سياسه البطالمه الأقتصاديه ودلك بهدف التهرب من سداد الضريبه ألا ان الوضع تطور و شهد محاوله السيطره على أقليم الصعيد ألا أن الامر بات بالفشل (يعنى فيه 3 اشخاص كانوا بيعملوا احتجاج على الحكم البطلمى عشان سياسه الاقتصاد اللى بياخدوها ف لم الضرايب ألا ان المحاولات دى فشلت) 1/ حدد المحكمه المختصه مبيآ سندك القانونى 2/ هل يختلف الأمر ولو اقتصر الاعتراض على التهرب من الضريبه و لماذا ؟ الاجابه 1/المقدمه ودى بتاعت تنوع المحاكم الخاصه لدى البطالمه ص 151 ص ص152 2/المسائل المثاره : اختصاص المحاكم الأداريه و الملكيه ف نفس الصفحات برضو 3/الشرح . 4/التطبيق . ---------------------------------------------------- دول الاربع قضايا اللى طلعتوا عينى عشانهـــم يارب تكونوا قدرتوا تفهمه حاجه من الشرح و مش عايز حد يطلب منى حاجه تانيه ل شهرين قدام ماشـــــــى :D oraby
Posted on: Mon, 11 Nov 2013 18:08:43 +0000
Trending Topics
Recently Viewed Topics
© 2015