شديد الاعتذار عن التغيب طوال اليوم وادخل في المفيد : الفريق أول عبد الفتاح السيسي اليوم اثلج الصدور بما قاله .. من الاخر دكر !! ... ايه ده يا أدمن ايه الدخلة العجيبة دي ؟ شوفوا يا حضرات عشان نخلص من الهري واللغط اللي حصلوا النهاردة بعد التصريح الناري من السيسي .. أولا الجيش المصري هو ملك للشعب ولا يأتمر الا من قائده الاعلى .. الشعب المصري .. الجيش المصري ملك للشعب ولا احد الا الشعب .. ثانيا السيسي قال تفويض الشعب في التصدي للارهاب ولم يقل الاخوان واللي واخد الكلمة بمعنى تاني يبقى اللي على راسه بطحة :) .. ثالثا لمن يتساءلون هل الجيش في حاجة لاذن من الشعب للقيام بواجبه فيا سادة الموضوع اكبر بكثير مما تتخيلون : - امريكا قررت تأجيل تسليم صفقة الاف-16 ومن قبلها بريطانيا التي قامت بأمر مماثل ايضا منذ ايام وهي معدات ومكونات الكترونية ويأتي هذا ضمن الضغوط التي تمارس على الجيش المصري سياسيا - الناس طفح بها الكيل مما يحدث من اعتداء على المتظاهرين في السرايات والجيزة والمنيل والتحرير وماسبيرو وسيدي جابر بخلاف الاعتداء على افراد الجيش والشرطة وسحل بعضهم وصلب احدهم بخلاف حادث المنصورة بالامس - الجيش لو تصرف من تلقاء نفسه سيقولون الخونة قتلة الساجدين وحقوق الانسان والمجتمع الغربي سيمارس ضغوطا عديدة وسيتباكى الاخوان ويصرخون امام العالم بأنهم يقتلون ويذبحون على يد الجيش ... صحيح نفسي اجيب فيديو للقطة قناة الجزيرة لامرأة من المؤيدين تصرخ بأن الجيش قتل طفلتها وفجأة الطفلة تتحرك وتنهض من رقدتها متسببة في فضيحة لقناة العهر .. ان شاء الله يكون حد سجله ورفعه ياسادة تصريح السيسي موجه للمجتمع الغربي والقوى الدولية بأن الشعب المصري وقف ويقف وسيقف مع جيشه والجيش المصري يستمد قوته من الشعب .. وان الشرعية للشعب ولا احد غير الشعب وحينما يتصرف الجيش يكون مدعوما بالارادة الشعبية ياسادة الموضوع لا يتعلق بسيناء فالعمليات العسكرية مستمرة والضربة الكبرى ستكون قريبا وقريبا جدا واقرب مما تتخيلون ... الموضوع يتعلق بما يحدث في المحافظات وما حدث اليومين الماضيين ياسادة الجيش يتعرص لضغوط خارجية شديدة العنف وهو صامد امامها كالجبال ويصبر صبر ايوب على الداخل ولكن طفح الكيل وماحدث بالامس وماقبله كان القشة التي قصمت ظهر البعير وآن الاوان ان ينهض العملاق ولكنه لن يكون عملاقا الا بكم انتم فالشعب مصدر القوة والشرعية واسمحولي باقتباس هذه الجزئية الرائعة الكافية الوافية : عزيزي المتناقض .. مرحبا بك مرة أخري : - مرسي يطلع يقولك سأفعل و ها أنا أفعل و أحمي الشرعية بدمي .. تكبير و أضرب يا ريس من حديد ! - السيسي يطلع يقول هنحارب " الأرهاب و المسلحين " يقولك فرعون و غطاء للدم ! - منصات و مؤتمرات الأخوان مش بتخلص من طلب الدعم و الأستجداء بالخارج .. أعمل عبيط ! السيسي يطلب تفويض و دعم من مصدر السلطات الأول " الشعب " .. خيانة ! - الارهاب و العنف شغال في البلد يقولك هو الجيش و الشرطة فين و مش ده دورهم ! - يطلع السيسي يقول أدعموني علشان أقضي علي الارهاب ده يقولك لا و ديه حرب أهلية ! - مرسي يطلع في أعلانات دستورية و ينزل مؤيدين في الشارع لقراراته عشان يديها شرعية محدش سمع صوتكم ! - السيسي يقول عاوز تفويض من الشعب يقولك أزاي ينزل الناس و هو محتاج تفويض ! - مؤيدي رابعة لما ينزلوا يقطعوا في الشوارع و يتخانقوا مع أهالي المناطق و تحصل وفيات و أصابات عادي و ده مش عنف ولا حرب أهلية ! - لما السيسي يقول الناس تنزل تتظاهر عشان يأكد للمغيبين أن الشعب معاه يقولوا دي كدا حرب أهلية ! - يقولك اللي هيخرج الجمعة عشان يفوض السيسي فهو شريك في الدم ! - و الناس اللي ماتت "من الطرفين" بسبب تحريض قيادات الأخوان و مؤيدي مرسي في بين السرايات و المنيل و سيدي جابر و المنصورة و سيناء و رمسيس و التحرير و غيرهم كتير .. ده عادي و دول مش شركاء في الدم و أيه المشكلة لما الشعب يلعب صلح مع بعض !! تحياتي ... أدمن 4
Posted on: Wed, 24 Jul 2013 22:31:26 +0000
Trending Topics
Recently Viewed Topics
© 2015