شفت 3 أفلام أنيميشن ورا بعض: The Croods وده أكتر واحد عجبني فيهم، كان غير متوقع تماماً، عالم جديد، ولقيت فيه الكوميديا والصورة الحلوة والإبتكار والمشاعر الجميلة اللي الواحد بيستناها عشان عينيه تدمع! monster university كان حلو، ومتهيأ لي ممكن نقول انه كان ممتاز كمان، أو جيد على الأقل لو معملناش مقارنه بينه وبين الجزء الأول، لكن أعتقد اننا هنُجبر على المقارنه برضة. الجزء ده معلّاش على الأول ولا كان في مستواه حتى. افتقدت البت الصغيره (بو)، رغم إني كنت متأكد اني مش هشوفها ولا هشوف أي بشري تاني ؛ لمعرفتي لقصة الفيلم قبل مشاهدته، وده يوصلنا لأن الشخصية دي كانت نقطة قوة كبيره في الأول. أتمنى يعملوا جزء ثالث يقابلوا فيه البنت وهي مراهقه مثلاً، وتؤدي الظروف لأنهم يتقابلوا تاني وكدا. despicable me 2 برضة ممكن نقول انه جيد، لكنه لم يتخطى الجزء الأول. حسيت اني متوقع كل نقله في الفيلم، والفيلم نفسه كان بيعتمد على الأطفال والكائنات الصفرا وكل الأيقونات (الكيوت) عشان يخلي المشاهد يقول أووووووه بصوت حريمي رفيع، من كثرة (الكيتته). الجزء الأول كان حاله خاصة جداً. بدور على أنيميشن تاني بقى!
Posted on: Mon, 02 Dec 2013 20:33:28 +0000
Trending Topics
Recently Viewed Topics
© 2015