شيوعى وفلول ..! صعبان على يوسف الحسينى أوى ، هو واللى زيه ، كل ماافضح السيسى فى حاجة جديدة يخرجو من تحت البيادة يشتمونى ويرجعو بسرعة تحتها تانى ، آخر حاجة اتحديت السيسى فيها ان السجن الحربى مليان معتقلين عسكريين معارضين للانقلاب ، خرج بسرعة المتحدث العسكرى وقال مفيش ، والسيسى اعد يحلف بالله تلات مرات ان الجيش على قلب رجل واحد ، بس حظه الوحش ان شهود كتير كذبوه ، آخرهم الشاعر مصطفى السبيلى على تويتر.. ودايما يوسف الحسينى بالذات يشتم ويجرى وهو مرعوب منى ، واهم حاجة يكون لواحده فى البرنامج بتاعه وهو بيشتمنى مع ان الونس حلو .. آخر حاجة جابوهالى الشباب انه حاطط مستند منسوب لى وقال يعنى انا امن دولة ، بس مشكلته ان الشباب طلعو توقيعه متطابق تماما مع التوقيع فى المستند ، حتى التزوير مش فالح فيه يايوسف .. كان ممكن لو شغلت مخك ، وانا عارف ان ده صعب عليك ، كنت حطيت المستندات اللى كان حاططها شفيق قبلك من سنة بالضبط ، وبالمناسبة كلها على النت ، واتعاقب عليها بحكم نهائى بات من محكمة جنح مستأنف من شهرين ، وساعتها ممكن لما تتقفش تقول أنا مليش دعوة يابيه أنا واخد المستندات من شفيق .. ممكن مشكلتك تتحل لو كنت شيوعى بس لانك احتمال تفهم فى يوم من الايام ، وممكن مشكلتك بردو تتحل لو كنت فلول بس لانك احتمال تتوب وترجع اللى انت سرقته ونهبته ، بس صعب اوى اوى انك تبقى شيوعى وفلول .. عموما انا باطمنك ، خد راحتك عالآخر ، انا على ١٢ ضبط واحضار و٢٨ تهمة ، أقل واحدة فيهم القنص من أعلى سطح نادى الحرس الجمهورى للمعتصمين الساجدين ، فأنا مش هكون فى محيط مدينة الانتاج الاعلامى خالص ، أنا إما فى رابعة أو فى السجن ، ودى فرصة تعالج فيها نفسك من الخوف منى .. بس لو انا مش فى رابعة ولا فى السجن ، تفتكر انت هتبقى فين .. انت والسيسى .. ؟ ربنا يسهل وتعرف الاجابة النهردة
Posted on: Fri, 26 Jul 2013 10:48:03 +0000
Trending Topics
Recently Viewed Topics
© 2015