صباح الخير ... B| اليوم الحلقة السادسة من البرنامج متاعنا (يوميات لوزية داخل الكلية) و عنوان الحلقة اليوم هو (أمل جديد) . . (طبعا الكل عارف قصتي في بداية سنة الإعداد و كيف كنت نسحاب روحي دكتور و حاجات عبيطة يعني و كلكم عرفتوا جدي الله يرحمه كيف مات :/ ، و كلكم عرفتوا أني قعدت بزناس كبير و ناخذ في فلوس من الوالد الله يحفظة على الكشوفات الوهمية اللي ندير فيها ^_^ ، و طبعا بعد هذا كله و فجأة طلعتلي حاجة داخل تقولي عيب اللي تدير فيه و ما يصيرش O:) ، سألت عليها قالولي هذا يسموا فيه الضمير !! :/ ، عموما تشرفت بمعرفتك يا أخ ضمير و ليك فترة معاش درتلنا زيارة الله الله بيش تجي تبات حدانا يومين و تطلع الصبح بدري ، لأن التست الأول عالأبواب و الدعوة عامة لجميع الضماير اللي نعرفها -_- ، المهم بدى عمكم الضمير يأنب فيا و يقولي لازم تصارح بوك بالحقيقة و سادك من الكذب ، و بعد قررت نصارح بويا بالحقيقة ، شفت الجدول لقيت عندنا محاضرة أحياء ، قلت شدت و لله الحمد و هذي محاضرة أحياء ^_^ ، يعني جسم إنسان ، يعني مرض يعني مستشفى و معاها صيحة قووووووية ووووووووه :v و الحمد لله بنبدا نحس بأني دكتور :D و قررت أني ما نصارحش الوالد توا ، لعله و عسى نتعلم و نبدا نكشف على أساس علمي ، و توكلت على ربي و طرحت بهديك الطرحة و ليست أحسن دبش عندي و حددت البالطوا و درت عطر :D قصدي العطر قبل نسمع بيه في التانوي :/ ، و شريت قلم حبر بجني و ربع :/ و صاحب القرطاسيه مازال يبي مني الربع لليوم :D ، و نمشي لمحاضرة الأحياء وكلي أمل فيها ، و شوية يجي عمك عمر أبوكريشة زي عوايدة القهوة و الدخان في ايديه و يقول يلا أنت و إياه امشي للقاعة السفلية ، أني قاعة شن قتلي سفلية يا عن بو الطب و ايامة وطووووط (طوط كلمه لاتينيه تطلع في البرامج لما يكون في عركه بين اتنين نتيجه خلل فني ) :/ ، و خشيت القاعة السفلية و أني متنرفز للمليون -_- ، حتى بالأمارة و أني خاش ناشتني ورقة من شجر الكلية ، شديتها و قعدت نقطع فيها تقول هي اللي قاتلة جدي مش أني ، و نخشوا للقاعة و نلقوا دكتور أصلع و لابس بالطو !! ، ركزوا آآه لابس بالطوووو ، معناها فيه حالات و مرضى و جو شين :D ، هكي ظنيت في الأول و لكن طلع يلبس في البالطو لأن ما عنده ما يلبس ، و بدا الدكتور يعرف بروحه ، أنا دكتور ممدوح الصاوي بروفسور علم حيوان جامة الأزهر ، عندي اثنين بنات و ولد ربنا يخليهملي ، دكتوراه في الأحياء الدقيقة و برفيسور نفاق و ماجستير في الكذب 8) ، طبعا الزوز تخصصات الأخيرة أغلب الدكاترة المصريين عندهم ، و بعدين بدى الدكتور يشرح في المادة ، الحق كان يفهم و محاضرته حلوة ، و كاين يدير في جو راه دمه خفيف و كل شي -_- ، طبعا الدكتور هذا يعتبر عنده FT syndrome طبعا المرض هذا عبارة عن ميول شديدة للبنات و إهمال للأولاد و يعاني منه أغلب الدكاترة الا ما ندر و هي إختصار لي Femal tendency syndrome و كان مكتشف هذا المرض هو معمل الأبحاث العلمية التابع لصفحة ابتسم فأنت طالب طب و برئاسة دكتور لوز B| ، نسيت نقوللكم أن أول محاضرة ليا في المادة هذي كانت ورا بنت طرف ;) ، ما خلتنيش نفهم حتى حاجة و أني نبي نركز عشان نقدر نعالج الناس و لكن بدون أي فايدة :/ ، و قبيل انتهاء المحاضرة طيحت البيرو متاع الجني و ربع و قلت للبنت لو سمحتى أعطيني البيرو O:) ، المهم تعطيهلي و يشوفني الدكتور يقولي أنت جاي تحب هنا و لا إيه و لزني من المحاضرة o.O .... و هكي كانت أول محاضرات ليا في كلية الطب عبارة عن وهم و بعدين كذب على الأهل و بعدين طرد من المحاضرة مش عارف لعند توا كيف كملت مشوراي أصلا -_- ) ... يا ريت عجبتكم الحلقة و الحلقة القادمة بإذن الله حتكون تكملة للحلقة هذي و هي عبارة عن حوار مع الدكتور ممدوح و سبب طرده لي من المحاضرة ,,, لو القصه طويله او قصيره او في اي ملاحظه احتفظو بيها :D شيرووووووو ^^ #Dr.Looz
Posted on: Thu, 21 Nov 2013 18:18:31 +0000
Trending Topics
Recently Viewed Topics
© 2015