عزیز شاہد A simple tribute to Shaheed Rani Benazir Bhutto توں دل دی دھرتی دی دھی نمانی سگھڑ سیانی نگرنگر دی اساڈے جیون دے ون دی وسوں توں چلکدی چلکدی ہوی چیڑی تے لاڈلی ذوالفقار گھر دی اساں تاں سوچیا ہا تیڈے ریشم لباں دی رس توں اساڈے اندر دے زہر سارے دھویج گیئے ہن اساڈے حصے دے خواب ساکوں ونڈیج گیئے ہن مگر اجن چیت ریت بھریاں گھلیاں ہوایئں بلایئں وانگوں اوں ساڈےساہ دیاں سجاک سدھراں اڈار چھوڑین مکان مونجھاں وی مار چھوڑین اے کیجھی اندھی اندھار شام اے چودھار شعلے ولھیٹ گیئے ہن سدا سہاگن دلیں دی دھرتی اجڑدی پئی اے بدن تون خشبو نکھردی پئی اے نمانی چیڑی دے رنگ ریشم وی تڑک گیئے ہن نساہی تھی تھی کے سڑدی پئی اے ملوک جہیں جند کلہے سر تے کھلے محاذیں تے لڑدی پئی اے سجاک روحیں روحیں تونڑیں سنہیا کوئی پجاوے سوائیں پانون توں پہلے چیڑی کوں کوئی بچاوے کوئی ہے تاں اج ساڈے سر تیں آوے کوئی ہے تاں اج ساڈے سر تیں آوے مگر او کون اے او کوئی وی کئے نی جو اینجھیں بھاہیں دے سول وچ ساڈے سر تیں آوے اساں خود اپنی سواٗ توں ہک ڈینہہ خود ابھرسوں تیڈی گلی توں ولا گزرسوں
Posted on: Fri, 21 Jun 2013 12:08:01 +0000
Recently Viewed Topics
© 2015