في 2005 تقريبا كانت اول مرة أسمع عن - TopicsExpress

في 2005 تقريبا كانت اول مرة أسمع عن أختباء Dr.Death او Aribert Heim في مصر و عيشة فيها بسلام لمدة 40 سنة.دكتور النازي الشهير و عضو الSS الي قتل مئات المرضي من اليهود و الاوروبيين الشرقيين و الغجر اثناء تجاربة المخبولة في مستشفيات المانيا و التشيك و بولندا(التفاصيل ما تحبس تسمعها,ابسطها عمليات لمرضي بدون بنج).البيرت كان في مصر تحت أسم "دكتور طارق" او "أونكل طارق" حسب تسمية شباب العتبة الي كان عايش في واحد من فنادقها الرخيصة.طبعا الناس كلها حبتةبسبب تحولة للأسلام(حتي لو صوريا) و عاش وسطهم بسلام لحد ما مات بالسرطان عام 1992.الروايات كتير قوي عنة,منها صداقتة بأصحاب ورش المهن اليدوية في القاهرة القديمة و دفنة في قبر صغير في حوش واحدمن مصانع القزاز قرب باب الفتوح (و الي حاولت الوصول لة و فشلت)..عبر الوقت,راكمت معلومات قليلة من المصادر الشحيحة عن الموضوع.لفتت نظري جملة قالها ابنة في دوكيمينتر عنة""بابا كان يعرف ان فية 1000 او 2000 نازي تانيين في مصر,بس فضل يفضل بعيد عنهم"(محدش عارف لهواجس امنية انة يتكشف من صيادي النازي و خاصة الأسرائليين ولا بسبب انة غير معتقداتة بعد الحرب زي ما شفتة حصل في حالات عديدة)....من ساعتها وانا قاعد انقنق كل ما يجيلي وقت,و اكتشفت فعلا قوايم طويلة من النازيين الي عاشوا في مصر و لبنان و الأردن و سورية و "فلسطين" و اشتغلوا في المخابرات و البوليس و الميديا و هيئات تانية (بعضها منظمات نضالية يسارية فلسطينية) ك"مستشارين".طبعا المعلومات كلها مش مؤكدة,لأن احيانا بتنشرها مواقع مش موضوعية عاوزة تثبت ان النازيين دول كلهم اعتنقوا الأسلام عن اقتناع و ان النازية و الأسلام وجهان لعملة واحدة(معلومة انهم اسلموا ممكن تكون حقيقةكجزء من الكاموفلاج).بس العدد المرعب دة من النازيين الي دخل مصر و عاش في امان بين اهلها بيخليني دايما اسأل نفسي عن دور الدولة الناصرية في دة.و هل فعلا كانوا عارفين و مغمضين عينيهم كنوع من النكاية في اليهود او لأشتغلال مهاراتهم الأستخباراتية و في الكدب الممنهج ال"جوبلزي" ولا المخابرات المصرية في دي كمان كانت "اسد علي و في الحروب نعامة" و الناس دي كانت خارباها و محدش عارف(و دة برضة احتمال وارد-النظام الي يفضل نايم علي ودانة لحد ما النكسة تحصل ممكن يبقي فعلا بهيم و مش داري).....في كل الأحوال فية حقيقة بتجيب للواحد مرارة في فمة.الشرق الأوسط و مصر تحديد كانت جنة من جنات اختباء النازيين,زيها زي البرازيل و البارجواي.و عمر ما ها يتفتح تحقيق عادل حوالين الجريمة الأنسانية دي,اذا كان اساسا ما اتفتحش تحقيق عادل عن الناس الي ماتت في الثورة.....

O Coordenador do Curso Superior em Redes de Computadores Fatec

Weather Channel Forecast for Gilman, IL.. Monday: The

How many qubits would it take to crack RSA in a reasonable amount

FREQUENT FLIER MILES NEEDED: Does anyone have frequent flier

=> MARI BERGABUNG UTK DAPATKAN PASSIVE INCOME. => INI DIA, 2

My boy is unwell and has slept most of the day. I was so worried I

Let me be the one who calls you baby All the time Surely you can

Tafseer of the Quran Rasul Allah (sal Allahu alaihi wa sallam)

You don’t hear the president talking about Detroit. Maybe the

I can not quit laughing about how Google perfectly translated:

Ribbed Non-Roll Elastic 1/2X30 Yards-White Ribbed Non-Roll Elastic

I want to bring to your attention the EXTRAJUDICIAL killings that

WHAT A SET !! Trance for Infinity Pres. #MAmonth with James

Have you seen this months Cooklaong? Create your Creepy Cookies

monstermmorpg/MonsterDex It evolved into an Umbreon some

The History of Modern Mathematics, Third Edition: Images, Ideas,

December 28-Upper Body-Lower Body-6:42 A.M-11:16 A.M-1300 Jump

¿Lo escucha, verdad? —pregunté sonriente, mientras veía la

Plot To Impeach Al-Makura : Lawmakers Flee Nasarawa .Some Set to