قريبا .. تنعس معـا لـعشرة ولا لحدااش وفرمشت عين تلقاها السبعة و تكره حياتك ونهار لي تزاديت فيه وتبغي تنعس غا 3 دقايق وضربك لفيقة وتلقاها 07:45 و ماتعرف واش تلبس ولا تغسل سنانك ولا وجهك ولا تفطر و فلخر ماكادير تا حاجة من هادو كاتحشي رجليك فسبردلية وتهز الكارطاب كاتمشي وفيك البكية .. كاتوصل تلقا لحارس سد لباب كاتدخل من لباب ديال الأساتذة كادخل وماعارفش تا لقاعة لي قاري فيها كاتبدا تسول فين مقري سي فلان ودوك الحراس واقفين بحال البوطوات شي مكايديهاش فيك شي كايكٌولك مانعرف فلخر كاتعرف القاعة وكاتبقى متردد واش ندخل ولا نرجع بحالي كاتزعم ودق كايشوف فيك الأستاد بنص وعين و يجاوبك بـإشارة غير مفهومة ماكاتعرف واش كٌالك دخل ولا رجع كاتبقى مسمر شوية كاتشوفو ماداهاش فيك وكاتمشي تجيب ورقة الدخوول كاتبقي تسنى يدوزو لي قبل منك ونتا فيك رجفة ماعارفش تا سمو تكٌوليهوم كاتوصل نوبتك .. الحارس العام : آشنو واقع آسي ؟! .. نتا : مممهممهعمجقخ (كلام غير مفهوم) .. لحارس العام : وا كانهضرو معاك لاش تغيبتي ؟! .. نتا : مشا عليا الحال آ أستاذ .. وكايتفركٌع عليك بلهضرة و نتا غا حاني راسك و بلعمى واش سامع شنو راه يكٌول شويا و كاتسمع ' هادي آخر ورقة عندك لمرا جايا جيب باك' كاتعاونو باش يعمر الإسم والقسم .. كاتشد الورقة وتجي خارج بكل فخر قدام دوك لي مازال ماوصلاتهومش النوبة كاتمشي تشرب وتقضي حاجة فلمرحاض بشووية عليـك وتمشي لقاعة و دق وتجي داخل وتمشي قاصد الأستاذ ها لورقة كايكٌولك كٌلس .. كاتمسح داك القسم بشوفان 'آآو لبلايص توالا كلهم عامرين كاتبدا تشوق تشوف ونتا متردد كاتكٌلس فالطاولة لولة قدام البيرو ديال الأستاذ وكايبداو يشوفو فيك دوك "المجتهدات" بنص عين و ماحاملينكش ماكاتسوقش وكاتحل الكارطاب و كااتصدم لكتوية مازال مامبدلينش نتا عند التاريخ والفلسفة وجايب الماط و التربية الإسلامية كاتلف والأستاذ غا على سبا كاطيح عليك فكرة و كاتبغي دير فيها ذكي كاتجبد التربية الإسلامية وديرها تاريخ زعما وتبدا دركٌ بيديك هههههههه كايعيق بيك ويخرجك وتهز لورقة من فوق البيرو ودخل بيها فلعشية .. وتمضي الأيــام وكايسالي لعام وكاتنجح و كاتكون كٌالس معا الدراري فدرب و كاتفكرو هادشي وكاطرحوه موضوع نقاش ونتا كاتعاود ويزيد فيخرات .. وهاحنا عايشين .. By Oussama
Posted on: Sun, 08 Sep 2013 11:39:06 +0000
Trending Topics
Recently Viewed Topics
© 2015