#لازم_تقرأ_البوست_ده بسم الله الرحمن الرحيم .. غداً يوم عرفة .. يوم مغفرة الذنوب و العتق من النار .. يوم يُباهي به الله ملائكته بعباده الصالحين .. يوم إكمال الدين و إتمام النعمة .. يوم صيامه يُكفر سنتين .. يعنى صيام حوالى 12 ساعة بيكفر ذنوب 24 شهر يعنى الساعة ب شهرين يعنى 60 دقيقة ب 60 يوم يعنى الدقيقة بيوم ..!! هدفي من الحسبة البسيطة ده إنك غداً بإذن الله متفوتش دقيقة .. فاكس تلفزيون أو فيس أو أي حاجة بتضيع وقت .. اخلوا بنفسك مع الله و إستمتع برحمته .. و عشان الدقيقة بيوم لازم يبقي لينا جدول و خطة نمشي عليها اليوم ده و ربنا يكرمنا و نقدر نمشي عليها طووول السنة .. و إليكم الخطة المقترحة و زبطوها بقي زي منتوا عايزين ... قبل الفجر : 1- السحور بنية الصيام للغد. 2- توضأ واستشعر أن ذنوبك تخرج مع آخر قطرة لكل عضو تتوضأه ولا تنسي دعاء ما بعد الوضوء ثم قُم الليل و لو بـ 4 ركعات + 4 صفحات قرآن + الدعاء. 3- اقض وقت في الإستغفار حتى تكتب من المستغفرين في الأسحار. صلاة الفجر : 1- حاول تلحق مكان في الصف الأول و ردد الآذان و صلي ركعتين السنة فهما خيرٌ من الدنيا و ما فيها + السواك. 2- الدعاء بين الآذان و الإقامة. 3- أذكار ما بعد الصلاة + الدعاء + أذكار الصباح. 4- إجلس في مصلاك حتى الساعه 6:20 .. تقرأ القرآن وتسبيح وتهليل و تحميد ولاتنس الإكثار من دعاء يوم عرفة ( لاإله الا الله وحده لاشريك له الملك وله الحمد وهو على كل شئ قدير ). الساعة 6:20 .. صلّ ركعتي الضحي لتكتب لك حجة وعمرة. ستنام بعض ساعات تنوي بها التقوي على طاعة الله ولا تنسي أذكار ما قبل النوم و ما بعد النوم ... صلاة الظهر : 1- حاول تلحق مكان في الصف الأول و ردد الآذان و صلي 4 ركعات السنة + السواك. 2- الدعاء بين الآذان و الإقامة. 3- أذكار ما بعد الصلاة + الدعاء + ركعتين السنة. متبقي ساعتين علي الأقل حتي صلاة العصر : إقتراحي ليك إنك تحاول تحفظ سورة الملك و تقرأ تفسيرها عشان السورة ده يومياً بتُقرأ قبل النوم فما أجمل أن تحفظها و تعي تفسيرها .. صلاة العصر : 1- حاول تلحق مكان في الصف الأول و ردد الآذان و صلي 4 ركعات + السواك. 2- الدعاء بين الآذان و الإقامة. 3- أذكار ما بعد الصلاة + الدعاء + أذكار المساء. من العصر إلي المغرب : 1- يُمكنك أن تُكمل ما لم يتم حفظه من سورة الملك و تقرأ جزء عم و تفسير سورة النبأ و النازعات و الفجر. 2- الإكثار من دعاء يوم عرفة / الدعاء لأصدقائك. ابدأ الدعاء بخشوع واذكر وقوفك أمام الله ولاتنس اخوانك المسلمين المستضعفين في كل مكان. ادع الله أن لا تغرب شمس عرفة الا وأنت من عتقائه. صلاة المغرب : 1- ابدأ الإفطار ولاتنسي أن للصائم دعوة لاترد وإياك والعُجب فإنه يُحبط العمل. 2- حاول تلحق مكان في الصف الأول و تستاك بالسواك و تقول أذكار ما بعد الصلاة و تصلي ركعتين السنة. صلاة العشاء : 1- حاول تلحق مكان في الصف الأول و ردد الآذان + السواك. 2- الدعاء بين الآذان و الإقامة. 3- أذكار ما بعد الصلاة + الدعاء. ملاحظات مُهمة ... 1- إستراحتك الوحيدة المسموح بها إنك تتفرج علي الحجيج في التلفزيون و ان تتمني ان تكون مكانهم و ان تنال من الخير مثلهم. ... 2- خليك تنين بقي و متضيعش مجهودك ده في خروجة ملهاش لازمة عمال تبص فيها علي البنات و تقف فيها علي الشارع مُتتبع الناس و هما حلوين و مزأططين ... 3- متنساش الدقيقة بتساوي يوم ... لك ان تتخيل قدر كرم الله لك و ( حــلّــي بُــقــك ) دايماً ... 3- إقرأها بتأنٍ مرة أخري و ياريت تنقلها بالورقة و القلم وتعدل فيها زي منتا عايز و تعملها شير لكل أصحابك .. 4- أسألكم الدعاء فعسي بدعوة منكم لا أشقي بعدها أبداً .. #وتعلو_أفضل_أيام_الله. #وتعلو_الأعمال_الصالحة. By محمود مرسي محمود مرسي
Posted on: Sun, 13 Oct 2013 21:53:50 +0000
Trending Topics
Recently Viewed Topics
© 2015