محمد أسامة رسلان كل الناس اكتشفت فجأة إن الإخوان خطر على البلد (!!) الراجل الكبير اللي كان بيقول في يوم من الأيام نفسي أجوِّز بناتي لشباب من الإخوان اكتشف انهم وحشين بعد ما اتفرج على "لميس" صاحبي اللي قعد سنين يحفظ معايا القرآن ويتعلم التجويد ويسألني في التفسير اكتشف خلاص ان انا ارهابي بعد ما سمع "أديب" الست اللي قعدت سنين تزور أمي في البيت تستشيرها في كل أمورها الخاصة والعامة، "محمود سعد" فوَّقها وعرَّفها إن احنا ارهابيين الجيران اللي كانوا وقت حدوث أي مشكلة كبيرة في العمارة يلجأوا لأبويا باعتباره العقلية الحكيمة، عرفوا دلوقتي من "منى الشاذلي" إن هوَّا اللي خرب البلد أهل المنطقة اللي كانوا بيوَدُّوا ولادهم النشاط الصيفي في مساجد الإخوان على أساس إن هيا دي الثقة، خلاص "رولا خرسا" عرفتهم الحقيقة شباب المنطقة اللي كانوا بيحبوا يتجمعوا معانا على صيام وإفطار وسفر ورحلات وخروجات، صدَّقوا "خيري رمضان" وعرفوا اننا ارهابيين ومسلحين كمان زميلي في الشغل اللي كان دايماً يحكيلي عن دروس الشيخ "فلان" وعن الإسلام الوسطي اللي بيمثله، عرف النهاردة من "وائل الإبراشي" إنه رمز للتطرف وأخيراً :- "أحمد المسلماني" اللي ليه تصريح في الجمهورية النهاردة 3/9/2013 إن "الإخوان بيستخدموا العنف ويعملوا على انهيار البلد"، دي صورة ليه من 25 سنة (1988) وهو يسجل للحاج أحمد البس -عضو مكتب الإرشاد- روايته عن سجون عبد الناصر ولا تزال خالدة مقولة "جوبلز" -وزير إعلام هتلر-: "أعطني إعلامًا بلا ضمير، أُعطِيك شعبًا بلا وعي تابهنا هنا حديث شريف وهنا شباب اسكندريه
Posted on: Wed, 04 Sep 2013 19:10:54 +0000
Recently Viewed Topics
© 2015