مفهمتش علاش العرب فجميع المسلسلات كيبينو علاقة الزوج و الزوجة علاقة صراع و شد ليا نقطع ليك ، ديما كيبينو الراجل مابقاش حامل مرتو و غ كيعاير فيها بينما كيبينو المرا صابرة أو مابقاتش مسوقة ليه و مكيهمهاش أو كتكرهو ، واش زعمة حرام الحب فالعلاقة الزوجية عند العرب ؟ ديما علاقة الرجل بالمرأة عندنا خاصها تكون علاقة القوي و الضعيف أو علاقة صراع ميمكنش تكون علاقة تكامل و علاقة حب واحترام ؟ مشكلة هاد الناس اللي كيكتبو و يتصورو هاد التصور ، عند بالهم ملي كيعاير الرجل مراتو فظهرها فالمسلسل أو الفيلم ، راه شي حاجة فكاهية و كضحك بينما بقوة ما نفس الحاجة تكررات و نفس الطريقة و الهضرة عند جميع الرجال فهاد المسلسلات " الفكاهية" أو غير فكاهية ، ولا دكشي باسل و مبتذل بزاف ، كنطالب هاد الناس اللي كيكتبو هاد السيناريوهات الحامضة و المتكررة ، يكونو مبدعين شوية لأننا متخلقناش زوج دالأجناس باش نكونو بحال المش و الفار بل باش نتحابو و نتعاونو ، عكس ما تصوره الشاشة العربية.. ملاحظة جانبية : استثني من هاد الهضرة سلسلة " الكوبل " ههه كيعجبوني دوك لمساخط و الا لاحظتو كيبينو العلاقة بين المراة و زوجها علاقة زوينة خالية من الصراع ، دكشي لاش عجبني.
Posted on: Tue, 16 Jul 2013 20:59:31 +0000
Trending Topics
Recently Viewed Topics
© 2015