من جُملة الأغاني الي كانت تتكرر على التلفزيون الأردني وحتى السوري في العيد واحنا صغار أغنية ريم بندلي " أعطونا الطفولة " والي من ضمن كلماتها " بالعيد منسألكم ليش ما في عنا .. لا عياد ولا زينة .. ياعالم أرضي محروقة .. ارضي حرية مسروقة " ، كانت ريم وقتها تغني لأطفال الحرب في لبنان وأطفال فلسطين وكانت #فلسطين هي الأرض المحروقة وكانت #لبنان ..! واليوم أطفال #سوريا وأطفال #العراق ، و #مصر وليبيا ، وفلسطين ومعهم لبنان،، كلهم مع بعض ببيسألوا ليش مافي عنا عيد ولا عياد ولا زينة .. البشع بالموضوع لمن فتحت ع اليوتيوب لأسمع الأغنية القيت حوار من أتفه ما يكون ، وهو هل ريم بندلي مسيحيه او مسلمه او يهوديه مع ان عمرها بالفيديو يمكن خمس سنين ومر ع الأغنية اكثر من ثلاثين سنة !!؟ بس على الأكيد لطالما في عالم بتفكر بهذا المنطق راح نسمع هالاغنية وراح يتكرر نفس السؤال ليش ما في عنا زينة ولا أعياد !
Posted on: Fri, 09 Aug 2013 02:37:45 +0000
Trending Topics
Recently Viewed Topics
© 2015