" موضوع رائع طرحه الشاب محمد ياسين من اجتهاده الشخصي Muhammad Yassin بسم الله.. أما بعد، الموضوع يا جماعة الخير، إنّي مقهور، مقهور ع أمتنا الاسلامية والعربية. أمّة فقدت مجدها، فقدت حضارتها والأهمّ فقدت علمها والمنهجيّة العلميّة، بعد ما كنا الريادة في العلوم.. اليوم ههههه هبل لأبو موزة، الجهل ماكلنا أكل، قسم بتلاقي عايش ومسلّم أمرو بس للغيبيّات .. صحيح في اركان ايمانا جزء غيبي مش من أبعاد هاذ العالم. بس مين قال لازم يكون تغييب للعقل؟ ولكو احنا امّة اقرأ.. ما بتقرأ. وين العلوم اللي كانت عنّا وين راحت؟! الخلافة راحت وعرفنا كيف، الدين راح وعرفنا كيف .. بس العلم ؟!! حدا يفهّمني كيف راح؟! من انو الناس كانت تتباهى بقديه عدد الكتب اللي عندها والانتاج الفكري.. لنتباهى بشغلات دنيوية وضيعة، قبلّية، ماديّة ومش راح اوسّع بنقدي لانو مش هاذ موضوع البوست. موضوع هالبوست يا جماعة الخير شبهة اخر فترة بعرفش ليش عم بلاقيها ضدّ الاسلام، اللي هي الاعجاز العلمي بالقرآن، ملاحظة مهمّة: أنا مش عالم ولا عالم ديني ولا شحار، خلّينا نقول بحبّ العلم؟! ومستواي جدا جدا بسيط :) بالنسبة لهالموضوع يثار حواليه عدة شبهات، رأيي الشخصي بالموضوع بعد دراسة، هناك التباس، الاعجاز العلمي بالقرآن والسنّة موجود، محاولة واجتهاد في تأويل الآيات القرآنية واظهار الجانب العلمي منها، يعني أمر جداً مهم بنظري ورائع، ولكن نقطة جداً مهمّة، في احتمال للوقوع بالخطأ، ونقطة اخرى ان الاعجاز العلمي في القرآن هو من أجل التأمّل - في رأيي- وهو ليس مرجع اعلى للعلوم، يعني القرآن الكريم فيه من كل شيء لكن ليس كل شيء ويستدل بعدة امور، فهذه النظرة انو القرآن فيه كل العلم فهي نظرة ساذجة، وهذا رأيي الشخصي واذا احد العارفين في أمور الدنيا ممكن يصلّحني فش مشكلة بما انّو تبحّر في العلوم الدينية متواضع جدا :) وأنا اصلا ضد الحال اللي وصلنالو .. ننتظر الغرب لينتج وبعدها ننتبه انو الايشي مذكور بالقرآن وانا بهذا لا ادعو انو نروح نثبت الاشياء اللي بالدين بطريقة علمية لانو ولا مرّة كان دافع العلماء المسلمين اثبات الدين والاحاديث بالعلم، بالعكس الحضارة الشرقية اول من بدأ بمنهجة البحث العلمي من مجرّد كونه فلسفة (بديش حدا ينطّلي يقولي اليونانيين، انا قلت منهجة البحث العلمي بشكله الحالي)، كمان مرة الاعجاز العلمي مفيد للتأمل. وبقهرني بشكل كبير انو صرنا نركض نلقّط ورا الاجانب شو بنتجو... المهم بعد مقدمة ابن خلدون، ندخل بالموضوع، اخر فترة بعرفش ليش عم بشوف شبهة تثار وعم تنعاد قدّامي، من قبل المشككين والملحدين (وجماعة الكوول واحنا غير D: )، وفيها بستهزءوا بالمسلمين، وشفت انو خلص لازم ينردّ عليها، الشبهة هي شرب بول الابل، الحديث: hadith.al-islam/Page.aspx?pageid=192&BookID=24&TOCID=3180 عنجد يؤلمني كيف بستهزءو بالواحد، وشفت الادعاءات الللي حطّوها قسم من المعارضين، وانا متفهّمهن 100%، انو الدكتور زغلول النجار ذكر بعدة مواضع انو العلم اثبت .. وما كان يحط فعلا مرجع علمي واحد، بالرغم انو عندي عتاب عليه، وانا شخصيا حضرت كل الفيديوهات اللي خصّها بالموضوع وصحيح لم اجد اي مرجع علمي يذكر. وهون برأيي خطأ كبير، لانو يضعف من اهميّة الادعاء، وبصير محلّ للشكّ، وانا بتفهّم هيك تشكيك من قبل المتذاكين.. youtube/watch?v=k5_U5_97H5s هون كمان بجادلو ع الموضوع، والايشي بخزي .. وكمان نقد ذاتي، بُعد علماء الدين عن علماء الطبيعة، أمر لم تعهده الحضارة الاسلامية في الماضي بهذا الشكل. نبدا: الاطباء اول الفيديو بذكرو انو بول الابل في كمية عالية من الامونيا (النيتروجين سمّاها) واليوريا، هل هذا صحيح؟ بما انو اللي قال الموضوع دكتور متخصّص وبدو مصلحة الناس.. طيب بما اني مش الملحدين بفكّر حالي فهمان بكل ايشي.. دوّرت ع الموضوع ما لقيت كثير ابحاث عن مركّبات بول الابل، بس في مقال واحد مهم نعمل سنة 1925 Read (اكيد مش عربي) عن مركّبات بول الابل jbc.org/content/64/3/615.full.pdf المقال بقلنا 3 شغلات: 1. The urine had a dark, smoky, yellow color and smelt like sweet hay. 2. The camel excretes no ammonia and only the very slightest trace of urea was found present in the urine. يعني ادعاء الدكتور المتخصص مش صحيح :) لا في امونيا ولا يوريا .. مع انو اليوريا حتى نفسها مش سامّة، كترتها طبعا بتضرّ .. وكل ايشي زاد عن حدو نقص. 3. The large amount of hippuric acid is similar, relative t,o the weight of the animal,to that found in the urine of cows and horses. يعني نوع الحامض الهيبييوريا موجود في بول الابل مثل الخيل والبقر متلائم مع وزن الكائن، وطبعا الحامض معروف اذا زاد عن حد معيّن فبضرّ. وكذلبك غالبية البول هي creatinine وهو غير سام. 4. من مقالات اخرى يتضح انو في كثير املاح وفيتامينات (وطبعا استعمال ملائم لمريض ملائم) 5. بول الابل قاعديّ !! pH>7.8 والجماعة اللي بتعلمو طبّ بعرفو انو بول الانسان والكائنات بشكل عام فيهن يوريا وامونيا (والامونيا بالذات بالحيوانات الصحراوية عشان ما تفقد مياة ومع هيك هو ما بفرزها! ) وبكون حامضي 6. فيو نسبة عالية من البروتينات مش متل عنّا.. وطبعا الاجساد المضادة المميزة عند الجمل والقرش .. نانو انتي بوديز nanoABs طيب، عمليا الخطر المزعوم ببول الابل هو بكثير اقل نسبة لباقي انواع بول.. لانو اصلا تركيبتو غريبة من نوعها. والضرر اللي فيه هو ضمن "كل ايشي زاد عن حدو نقص"، طيب بس شو الفائدة الطبية؟ الابحاث الطبية مالك غير عمّك Pubmed, دخلنا الموقع، وبحثنا، للاسف ما في ابحاث كثيرة عن الموضوع. ومش لله المشكّكين كثار. فبعد تمعّن شفت انو في 4 مقالات تستحق القراءة وانا راح اركّز فقط ع واحد، لانو ما بدي اطوّل البوست اكثر من اللازم. 1. ncbi.nlm.nih.gov/pubmed/22922085 2. ncbi.nlm.nih.gov/pubmed/21854200 3. ncbi.nlm.nih.gov/pubmed/20883769 4. ncbi.nlm.nih.gov/pubmed/8771453 للعلم 3 مقالات من ال4 تابعين لمجلة Journal of Ethnopharmacology التابعة لمجموعة ساينس دايركت ومجموعة النشر ELSEVIER (شركة نشر مرموقة، كل طالب طبّ بعرفها لانو غالبا الكتب والاطالس اللي بستعملهن من هالشركة)، المجلّة من اهم المجلّات في مجال الابحاث في علاجات من حضارات مختلفة (واضح من الاسم). بالنسبة للمقال الاول راح اتعمّق فيو لانو مهمّ ويتكلم عن موضوع قريب ع قلبي ألا وهو السرطان وهو مقال جديد من اكتوبر 2012.. باقي المقالات رائعة جداً وتفرجي جوانب اخرى ومقارنة مع انواع بول اخرى مثل البقر والانسان. sciencedirect/science/article/pii/S0378874112005235 بما انو مش الكل عندو الامكانية يشوف المحتوى بتغدرو تنزلو المقال من هون: upload.3ode.net/files/60892.pdf المقال يتحدث باختصار عن تجربة فيها جرّبو تأثير بول الابل ع خلايا سرطانية بعد ما لاحظو انو في خواص Anti-cancer بتجارب سابقة. فبدأو باستعمال عدة انواع من cell lines (خلايا)، مثلا: MCF10A نوع خلايا طلائية epithelial عادية غير سرطانية موجودة بقنوات في الثدي وبالمقابل استعملو النوع السرطاني من نفس الخلايا يدعى MDA-MB-231، وكذلك بالنسبة لخلايا ورم السرطاني من نوع medulloblastoma - نوع سرطان في المخ. وانواع من من السرطانات منها العظم. باختصار في المرحلة الاولى قاموا بوضع انواع الخلايا وقامو بوضع عليها بول الابل بتراكيز مدروسة وتصاعدية.. ولاقوا تأثير مثير للاهتمام، في قسم من cell lines، وجدوا ان الخلايا الغير سرطانية لم تتأثر ببول الابل بينما الخلايا السرطانية بدأت تموت بعملية الموت الخلوي المبرمج apoptosis, تصل بالمعدّل 80% من الخلايا. هذه الظاهرة قريت عنها في عدة مقالات علمية وهي تتحدث عن انواع قليلة من المواد الفرمكولوجية اللي بالصدفة اكتشفو هالظاهرة فيها، انها تؤثر فقط على الخلايا السرطانية ومش العادية .. مش مثل الخيموترابيا اللي تضرّ بالسرطان وبالخلايا العادية. وقد تم تفسير هالظاهرة في بعض الاورام على ان هذه المواد تؤثر بالاساس على خلايا في الورم السرطاني تدعى cancer stem cells-CSCs وهي خلايا حديثة الاكتشاف يُعتقد انها تشكّل 1-2% من الورم السرطاني وهي المسؤولة عن قوّة الورم واستمراريته، والابحاث في اخر سنتين تركّز على هذه المجموعة من الخلايا وتبحثها. اللي بدّو يتوسّع بموضوع الCSCs خلايا الجذع السرطانية بغدر يتواصل معي. فحسب رأيي المتواضع، الظاهر ان بول الابل له نفس التأثير المميّز، يؤثر بالاساس على CSCs. ومع انه لم يؤثر على كل الانواع من السرطانات، وذلك لانو الانواع المستعملة ظاهرة ال CSCs غير بارزة في هذه الاورام ومع ذلك ففي كل الاورام كان هناك تأثير سُمّي على الاورام لو بقدر بسيط. هون منوخد استراحة ومنسأل حالنا، شو عرّف النبي عليه الصلاة والسلام بهيك تأثير؟ هل عرف شو هني الCSCs؟ قسم راح يقولي ما انت قلت انو في انواع ثانية الها نفس التأثير الanti cancer يعني مش اشي خاص بس ببول الابل.. وانا معكو 100% بس من بين كل الانواع الاخرى المعروفة الها نفس تأثير anti cancer، اعتقد الوحيد المتواجد بصحراء الحجاز هو بول الابل، واضف على ذلك ليش ما قال بول المواشي (بقر، غنم)، ليش الابل ،اضافة طبعا انو مش مفهوم ضمناً تشرب بول كائن آخر؟! نكمل.. في القسم الآخر من البحث العلمي فحصو تأثير البول "السام" حسب ادعاء الدكاترة المصريين بالفيديو، ففحصو التأثير على الخلايا الدموية peripheral blood mononuclear cells-PBMC، فوجود انو البول غير ضار، لكن في تراكيز عالية جداً فهو يضرّ الخلايا .. قلنا الزايد اخو الناقص :) ولكن المثير للاهتمام انو كل ما ارتفع التركيز حتى في تراكيز عالية جداً نوع الخلايا T لم يتأثّر!! واضافة على ذلك لاحظو ان عدد الخلايا المفعّلة من خلايا T وNK ارتفع (حسب الرسمة) حوالي 12-15 ضعف... واو! هاذ النوع من الخلايا هو المفتاح الاساسي بجهاز المناعة عنا لمحاربة السرطان والالتهابات الفيروسيّة، بول الابل يقوم بتفعيلها (يعني بفيّقها من النوم وبقولها روحي دوري ع سرطان حاربي او فيروس)، اللي بدو كمان معلومات عن هالخلايا بغدر يتوجهلي. واخيراً .. فحصو تأثير بول الابل على نوع الcytokines - مواد كيماوية بتفرزها خلايا المناعة وخلايا غير مناعية وهالمواد بتحدد استجابة الجسم لنوع الالتهاب وبتساعدو يتغلب على مسبب المرض - فبعد فحص وجدو انو بول الابل يخفّض نسبة IL-6 ب5 مرات وهو سيتوكين مسؤول عن ارتفاع درجة حرارة الجسم والوجع وموجّه اكثر نحو الالتهاب اللي بتعملو البكتيريا مش الفيروس.. وباختصار بعمل كثير من عوارض المرض. بينما وجدو انو برفع ب 25 مرّة سيتوكين باسم INFg، انترفيرون جاما، وهو أهم مادة في الجسم يفرزها ليساعد خلايا المناعة ع مواجهة الفيروسات والخلايا السرطانية.. وعشان هيك يا متعلّمين يا بتوع المدارس، تم وصف بول الابل في الحديث للناس اللي عندها التهاب كبدي وبائي (وكيف شفنا مش بس لالتهاب الكبد) اللي، لأنو اصلا طلّاب الطب والاطباء بعرفو انو خط الدفاع الاخير مثلا ضد hepatitis C -فيروس يسبب التهاب وبائي كبدي- هو اعطاء المريض INFg، وبعطو كمان بأنواع اخرى من الفيروسات. محطة استراحة اخيرة وتساؤلات- يعني سبحان الله، كمان الرسول عليه السلام عارف لليش مستعمل البول، للفيروسات؟! شو عرّفو بكل هالتأثيرات؟! كمان مرّة تم وصف البول فقط في حالة المرض.. يعني دواء اللي بوخدو وقت المرض .. مش وقائي .. يعني طالع نازل بشرب بول ابل. وعشان هيك لازم يصير منهجة علمية للعلاج. ومش مستغرب ليه دكتور زغلول ما كان يعطي مراجع، لانو فقط حديثاً جدا بلّشو يعملو الابحاث، احنا غاطسين بالجهل ومش عارفين شو بدنا نساوي، وانا كيف قلت الاعجاز العلمي هو للتأمل، وكيف ما قال ابن الهيثم: "سعيت دومًا نحو المعرفة والحقيقة، وآمنت بأني لكي أتقرب إلى الله، ليس هناك طريقة أفضل من ذلك من البحث عن المعرفة والحقيقة". فجماعة "احنا غير والكوول"، طنيب عليكو، مع اني بعرفكو بتفهمو بكل ايشي، دين فيزيا كيميا فلسفة رياضيات، اللهم لا حسد .. بس نصيحة فتّحو عينكو وعقلكو منيح. وبعرف اسا قسم منكو بدو يصير يقول انو الرسول حدا دلّو ع هيك علاج.. ههههه والله عارف حركاتكو.. ومش هاذ جدالنا اسا.. ع كل هاد اجتهاد شخصي، واي شخص شايف انو في مكان للتصليح يقولي، وانا شخصيا ما شرحت كل المقال لانو ما في حاجة، باقي المقالات مرفقة وأي استفسار عن اي مصطلح او اي شغلة انا موجود. بالنهاية سبحان الله :) upload.3ode.net/files/60893.pdf upload.3ode.net/files/60894.pdf upload.3ode.net/files/60895.pdf لا تخرج قبل ان تضع لايك او شير ، فان لم تفعل اعلم ان دوكنز قد منعك. " منقول عن محمد ياسين https://facebook/muhammad.yassin/posts/10151671969246201
Posted on: Fri, 21 Jun 2013 06:52:47 +0000
Trending Topics
Recently Viewed Topics
© 2015