واااه يا ناس براكنا حتال موت وشحال غادي نتوحشكم وا حق الرب العزيز :/ :/ :/ نطلب منكم كولشي أخوتي تقراو هادشي جزاكم الله خيراً :) أخوكم عبد ربه الأدمين : • محمد أمين • للأسف ماغاديش نبقا ندخل للصفحة وغادي نبقا نغيب بزاف إن لم أقل كلياً حتا نقضي الغرض تاعي باش ربي يسهل عليا ونهرب لبلجيكا عند واحد عمتي تموت عليا وتحسبني بحال ولدها واخا كبرنا ولكن تعاملني بحال شي مومُّـو ههه، وان شاء الله إلى بغا مولانا غادي نتوظف تما هادشي مانتمنَّى من كل قلبي لاحقاش مابقا مايعجب فهاد الماروك الناس عندها ديبلوماتها ودوكتوراتها وإجازاتها وڭالسين لاخدمة لا عبو الريح، الواحد هو لي يهرب ويبني مستقبلو ويعيش بيخير بعيد عل الصداعات رغم أننا نموتو على هاد البلاد المغرب من ڭدام رجلينا حتال قلقولت راسنا وكل واحد فينا ماكرهش يعيش فيها معزز مكرم ولكن الله غالب القضية صعابت فبلادنا، وبلا مانهدر على صحاب الباك المساكن لي كاين لي عندو المعدل تاعو ولكن ماصخرش الله وراه معا خوتو فالجامعة والدحاس تما وماضامانش الوظيفة من مورا الجامعة، الناس بمعدلاتها الصحيحة والكبيرة ومادارو والو، والناس لي عندها معدلات ضعيفة جداً ونجحو غي بالصطارطير يمشيو يحطو 7 د الملاين ولا يكونو معريفَـة ويتوظفو ديريكت، الزَّبونية والمحسوبية خرجت على هاد البلاد من طاق طاق تا للسلام عليكم...، المهم خوتي أنا لي نتمنى هو دعيو معانا بالتيـسير ويسهل علينا الله ويسهل عليكم تا نتوما أخوتي ولي بغا شي حاجة وراه يتمناها تحققلو وتكونو هانيين مرتاحين بيخيرين معا ريوسكم بإذن الله... راه مافوْتْش معاكم القليل في هاد الصفحة أخوتي وسبحان الله شي ناس عزاز عليا غير بمجرد أنني نشوف تعاليقهم يشجعوني ويستقبلوني مرحبا خويا أمين وكدا وهادي والله العضيم شي مرات الواحد يكونو عندو اصدقاء فالفايسبوك أحسن من أصدقاء الحياة، الله يحفضكم خوتي ولاد وبنات وراكم كاملين عزاز لي نعرفو ولي مانعرفوش ولي سبحان الله غلط فحقو فشي تعليق يسمحلي رانا ڭاع خوت وبراكنة ومغاربة...والحمد لله مانخافش على هاد الصفحة مادام فيها ليزادمين بحال خوتي فريد و وسيم ومحمد وأحمد واخا ماكايبانش وكذلك الأخت الفاضلة الأدمينة البركانية الجديدة شهرزاد لي عندها ماتقول ومتمكنَـة وغادي تبرعكم فالمنشورات ان شاء الله..... ^^ أخوكم وصديقكم الأدمين : • محمد أمين •
Posted on: Thu, 05 Sep 2013 00:14:29 +0000
Trending Topics
Recently Viewed Topics
© 2015