ويا ريتها كانت ثورة ... كنا قلنا ماشي - TopicsExpress

ويا ريتها كانت ثورة ... كنا قلنا ماشي يا جدعان جولة وخسرناها نيجي على نفسنا ونسكت ونبدأ نشتغل من جديد ... بس للأسف كان انقلاب من حيث نوعية الناس اللي خرجت والـ "ساعتين" اللي قعدوهم والمية والعصير والجيش والشرطة والاعلام والقضاء اللي معاك والقلوب اللي في السما ... الثورات لمّت فعلا ويا ريته انقلب وسكت .... ده كمم الافواه وقفل القنوات وقفل الجزيرة "بتاعة الثورة للي مش فاكر" وسحب تراخيص صحفيين و قتل بعضهم "رصد والاهرام وسكاي نيوز امثلة " وسجن مصورين ومراسلين فـ #رصد و فـ #الجزيرة وغيره ! يا ريته انقلب وسكت ... لأ ده قبض على الرئيس في ساعتها وعلى رئيس اكبر حزب فـ البلد ونوابه ومرشد اكبر جماعة فـ البلد وقبض على كل القيادات المعارضة "كل بمعنى كل" ... تخيل .. ثورة يتم القبض فيها على كل مخالفينك فـ الرأي .... ونعم الثورات ياريته انقلب وسكت ... لأ ... ده قتل اكتر من 3000 بني ادم و روح ربنا خلقها فـ يوم واحد ... 3000 روح يا مسلم ... يعني 3000 ام واب وابن و زوجة وصاحب مكلوم على صاحبه اللي مات !! ... قتلهم زي الفراخ بـ جيش وشرطة وطيارات وقناصة ... ويا ريته قتلهم وسكت ... ده حرقهم وداس عليهم بجرافاته عشان يخليهم تراب ورفض يدخلهم عربيات اسعاف تنقلهم ورفض يطلعلهم تصاريح دفن بتقول انهم اتقتلوا لغاية ما الجثث ريحتها طلعت !! ياريته انقلب وسكت .... دا اعتقل 20 الف واحد فـ شهرين وعذب الناس فـ السجون وقتل 36 واحد فـ عربية ترحيلات و حاكم الناس محاكمات عسكرية ناس اخدت مٶبد وناس اخدت 4 سنين وغيره ... تخيل تاخد مٶبد عشان مشيت في مسيرة ومن حظك الوحش ان انت اللي اتمسكت مش اللي جنبك ... تروح واخد مٶبد ... فعلا هي دي الثورات ولا بلاش ويا ريته انقلب واتنيل سكت .... دا أمن الدولة رجع راكب تاكس والناس بقت بتتقفش من بيوتها الفجر كل يوم ومعدوش بيخبطوا زي زمان او يكحوا عشان فيه حريم ... لأ دا الحريم بقت بتتاخد مع الرجالة وبيتصوروا كمان بهدوم البيت عشان تبقى تذكار لحضرة الظابط وكده ويا ريته بعد ده كله حقق اهداف "الثورة " المجيدة ... البلد كلها بقت بتنام من الساعة 7 قبل ما يعطف علينا ويخليها 9 وبعدين 11 ... الاقتصاد بقى تحت الأرض بشوية وبيسحب من فلوس الناس اللي محوشينها فـ البنوك وكيلو البطاطس بقى بسبعة جنيه ... هد الانفاق مع غزة وقفل المعبر ورجعها اوسخ من مبارك ... الكهربا رجعت تقطع والبنزين بيختفي .... السياحة بقت محطوطة على Ventilator واشغال الفنادق بقى نص فـ المية ومعبد ابو سمبل مدخل يوم السبت اللي فات اربعة جنيه ونص لخزينة الدولة ... ماهي Egypt Fighting Terrorism بقى وكده ... متقلقوش يا جماعة متقلقوش دي كلها اجراءات استثنائية هتروح لحالها نستحمل بعض شوية وبعد كده البلد هتنطلق زي الصاروخ ... فعلا عندك حق وبعد دا كله يطلع علي الحجار ويقولنا انتوا شعب واحنا شعب لينا رب وليكو رب !! هي ناقصاك ياعم علي ! #منك_لله_يا_كل_واحد_نزل_30يونيو_يتفسح_وضيع_البلد

Clique no seu Cantor/Banda Favorita! # Anitta ,# Jorge e

This is a great tribute to a great man. Hate to see him being

Funny Video Friday! If you dont pay much attention to the

Are you in the middle of a divorce or separation? I see families,

== Why Online Video? == Overall, the findings demonstrate that

One of my all time favorite albums. All star line up with Eric

A religion is an organized collection of beliefs, cultural

En su momento os confirmamos que BlackBerry Messenger llegaría a

OLD OBAMA-NEWS, BUT EVIDENCE OF OBAMAS FRAUDULENT-ACTIVITY IS

FAN UPDATE:: i went to dr today for an ultrasound and they said

Antonio Conte Kembali Sanjung Carlos Tevez Hasil gemilang

#Sing2Lines for #SavingEliza Please help me make this challenge go

Medical Medium Grapes have been called the “queen of

WICKIE WACKIE and 8 MILES MUSIC presents WICKIE WACKIE and 8

Antonio Conte Kembali Sanjung Carlos Tevez Hasil gemilang

I have read this, and shared this on a few different occasions,

Cyber Monday $ Mesh Desk Organizer Desk Supplies Combination Pen

Real Trinidad & Tobago Family, Food, Falklore. Cheesy Chicken &

Ok.... the likelihood of me dying from liver failure in the next 3

Black Friday & Cyber Monday Sale 2014 : HQRP AC Power Adapter