يا جماعه انا عايز اسال شويه اسئله للناس اللى هتنزل يوم 30 و شويه اسئله للناس اللى مش عايزة تنزل و رافضه الفكرة؟ مشكله البنزين انا بشوف ناس كتير جدا واقفه بتروسيكلات و مليانه جراكن بنزين انا شوفت الصورة ديه بعينى فى اكتر من بنزينه و شوفت خنافات كتير بسبب الموضوع ده . طيب مشكله المياه انا شوفت منظر بتكرر كل يوم من ناس كتير جدا واحد ماسك خرطوم و مغرق الشارع مياه مش ده تبزير فى المياه كلنا بنفرط فى استخدام المياه بنستخدم اكتر من حاجتنا بكتير جدا بالنسبه للكهرباء ناس كتير بتشغل كل حاجه فى وقت واحد ومش بتستخدم على قد الحاجه بس و ديه حقيقها بشوفها فى كل حته بالنسبه للزباله اغلب الناس ترمى زباله فى الشارع بعد لما الراجل يمشى ناس كتير بترمى زباله فى اى مكان بحجه ان المكان اصلا مش نظيف و بنرجع نقول ايه الحل بالنسبه للاعلام كل واحد بيقول وجه نظرة و اللى فى مصلحته كل واحد بيعرض الخقيقه اللى هو عايزاها مش بيعرضوا حقيقه سواء كان اعلام خاص او عام من م>يعين وصحفيين و كتاب و شعراء بالنسبه للدين كام واحد بيراعى ربنا فى شغله كام واخد ماقلش ما الناس كلها بتعمل كده جت علينا انا كام واحد ما شتمش كام واحد ما استخفش و اتريق على كتير من الناس رغم ان دينا مش قال كده انت قولت كام مرة ان حقك علشان تاخده لازم يكون ليك واسطه انت دفعت رشوة كام مرة تحت مسميات تانيه دخان -حاجه ساقعه -تاكسى طيب ما احنا روحنا مدارس و ملقناش مدرسين و قولنا لا الغش حلال طالما ان كله بيعمل كده طيب ما انا وانت بنتخرج اللى بيطلع دكتور فاشل و محامى فاسد و محاسب مش حافظ جدول الضرب حتى و غيره من الفاشلين طيب بتشتكى من الصحة انها مفيش رعايه انت عارف الاكل اللى بتشتريه من الشارع ده شكله عامل ايه طيب انت بتروح تشترى اكل ومش بتغسله و لو غسلته بتغسله اى كلام كام واحد بيحسب الاكل اللى بكله هيفدنى قد ايه و هيضرنى قد ايه انت بتشرب سجاير و انتى بتحطى مكياج كيمياء على وشك و فى الاخر بدورى على الصحة طيب انت لما بتشوف زحمة و جاتلك الفرصه انك تقضى حاجتك من غير طابور بتعمل ايه بتروح تقف فى الطبور و تقولى حرام طيب لو انت واقف فى طبور و لقيت واحد صاحبك واقف و خلاص قرب يوصل ازيك يا برنس هاتلى معاك كذا و كذا مش بيحصل ! طيب انا واقسم بالله العظيم شوفت ولد ما يكملش 5 او 6 ابتدائى موقف ولدين من سنه و بيقولهم مين عايز الماطوه ديه الواد قله خد الفلوس ديه و ابقى جبله واحد انا محتاجها انهارده ضرورى قاله لا ياعم انا محتاجها اكتر منك فالولد اللى بيبع قالهم خلاص نلعب رفا بالفلوس اللى يكسب هو اللى هيشترى الماطوه فين اهلهم العيال ديه جابت العشرين و لا التلاتين جنيه دول منين طيب لما الطفل يعمل كده ابوه بقى بيعمل ايه ؟؟؟ كفايه كده و لا عايزين تانى معلش بقى لما تغيرلى نفوس الناس ديه ساعتها قولى هغير نظام معلش ماتقوليش لما اجيب رئيس كويس الناس ديه هتتغير اإن الله لا يغير ما بقوم حتى يغيروا ما بأنفسهم. لو اتشال مرسى هيجى الاسوا و لو كافحت لاخر واحد فى الشعب ده و جبته يمسك رئيس هيفضل فاسد لما نغير نفوسنا و نبطل تخوين و نبطل غش و خداع و تكفير و تحقير و سب و لعب ساعتها ربنا هيجبلنا رئيس كويس
Posted on: Wed, 19 Jun 2013 12:29:55 +0000
Trending Topics
Recently Viewed Topics
© 2015