ཚེ་རིང་རྣམ་དྲུག六长寿Six Symbols of Longevity 2013-06-22 才旺群培 ཚེ་རིང་རྣམ་དྲུག 六长寿 Six Symbols of Longevity བྲག་ཚེ་རིང་། longevous cliff 岩长寿 ཆུ་ཚེ་རིང་། longevous water 水长寿 ཤིང་ཚེ་རིང་། longevous tree 树长寿 མི་ཚེ་རིང་། longevous old man 人长寿 བྱ་ཚེ་རིང་། longevous bird鸟长寿 རི་དྭགས་ཚེ་རིང་།longevous animal 兽长寿 ཉག་སྨད་ཆོས་འཕེལ་གྱིས་བསྒྱུར། ཚེ་རིང་རྣམ་དྲུག ཚེ་རིང་རྣམ་དྲུག་སྐོར་གྱི་རི་མོའི་གཟུགས་བརྙན་དེ་ནི་བོད་པའི་ཁྱིམ་ཚང་མང་ཆེ་བའི་ནང་རྟག་ཏུ་མཐོང་རྒྱུ་མང་བའི་རི་མོ་ངོ་མཚར་ཅན་ཞིག་རེད། དེའི་བྱུང་སྟངས་སྐོར་དམངས་ཁྲོད་ཀྱི་བཤད་སྲོལ་ལྟར་ན། འདི་ལྟར་སྟེ། རྡོ་རྗེའི་ཆོས་སུ་གྲུབ་པའི་བྲག་རི་དེའི་ངོགས་ནས།འཆི་མེད་བདུད་རྩིའི་རྒྱུན་མཆོག་ལྷུང་ལྷུང་སྙན་པའི་སྒྲ་དང་བཅས།འཛད་མེད་འབབ་པའི་བརླན་བཤེར་ལས།རོ་མཆོག་བརྒྱད་ལྡན་འབྲས་བུ་གཡུར་ཟ་བའི་ཚེ་རིང་ལྗོན་ཤིང་བྱུང་།དེ་ཡི་དྲུང་དུ་ཚེ་དང་ཡེ་ཤེས་དཔག་མེད་མགོན་པོའི་བྱིན་རླབས་སྙིང་ལ་ཞུགས་པའི་ཡེ་ཤེས་ཏིང་འཛིན་མངོན་འགྱུར་གྱི་དྲང་སྲོང་སྟེ། མི་ཚེ་རིང་བྱུང་། དྲང་སྲོང་དེ་ཡིས་ཆབ་གཏོར་རིལ་བུའི་ཚོགས་ལོངས་སུ་སྤྱད་པས། རི་དྭགས་ཚེ་རིང་བྱུང་། ཚེ་རིང་ལྗོན་ཤིང་གི་འབྲས་བུ་དང་འཆི་མེད་བཏུང་བའི་རྒྱུན་ལ་ལོངས་སུ་སྤྱད་པ་ལས། བྱ་ཚེ་རིང་བྱུང་བར་གྲགས། གང་ལྟར་ཡང་དེ་ནི་རྟེན་འབྲེལ་ཕུན་ཚོགས་མི་བསླུ་བ་བདེན་པའི་མཐུ་ལས་བྱུང་བ་ཞིག་ཡིན་པས།བསྟན་བྱ་གཙོ་བོ་ནི་མི་དང་རི་དྭགས་སེམས་ཅན་ཀུན་ལ་ཚེ་ཡི་འཇིགས་པ་མི་ཡོང་བ་བྱ་རྒྱུ་དེ་ཡིན་པར་བསམས། སྔོན་དུ་བྱུང་བའི་བྲག་ཚེ་རིང་།ཆུ་ཚེ་རིང་།ཤིང་ཚེ་རིང་།མི་ཚེ་རིང་།བྱ་ཚེ་རིང་།རི་དྭགས་ཚེ་རིང་བཅས་དྲུག་ལས་ཀུན་གཟིགས་པཎ་ཆེན་སྐུ་ཕྲེང་དགུ་པ་ཆོས་ཀྱི་ཉི་མས། སྔོན་ཚེ་མ་ཧཱ་ཙི་ནའི་ཡུལ་གྲུ་འདིར།། དུས་གསུམ་སྲས་བཅས་རྒྱལ་བས་བྱིན་བརླབས་པས།། མི་འགྱུར་མི་ཞིགས་ཁྱད་ཆོས་བདུན་ལྡན་པའི།། གཞུམ་བྲལ་རྡོ་རྗེའི་རང་བཞིན་བྲག་རི་བསྐྲུན།། དེ་ཡི་ངོགས་ལས་འཆི་མེད་བདུད་རྩིའི་རྒྱུན།། ལྷུང་ལྷུང་རྒྱུན་མར་འབབ་པའི་བརླན་བཤེར་ལས།། རོ་མཆོག་བརྒྱད་ལྡན་འབྲས་བུས་ཡོངས་བདུད་པའི།། ཚེ་རིང་ལྗོན་ཤིང་རྒྱས་ཤིང་དེ་ཡི་དྲུང་།། ཚེ་སྣང་དཔག་མེད་མགོན་གྱི་གཟི་བྱིན་སྟོབས།། སྙིང་ལ་ཞུགས་པ་བདེ་གསལ་མི་རྟོག་པའི།། ཡེ་ཤེས་ཏིང་འཛིན་མངོན་གྱུར་དྲང་སྲོང་ཆེ།། ཚེ་རིང་གྲགས་སྙན་འབར་བ་འགྱེས་བཞིན་བཞུགས།། དྲང་སྲོང་ཆེན་པོའི་ཆབ་གཏོར་རིལ་བུའི་ཚོགས།། ལོངས་སུ་སྤྱད་པས་རི་དྭགས་ཚེ་རིང་ཐོབ།། ལྗོན་འབྲས་འཆི་མེད་བཏུང་བའི་རྒྱུན་བཟང་པོར།། འབད་མེད་སྤྱད་པས་ཚེ་རིང་འདབ་ཆགས་བྱུང་།། དེ་ལྟར་རྟེན་འབྲེལ་ཕུན་ཚོགས་མི་བསླུའི་སྟོབས།། བདེན་པའི་མཐུ་ལས་དྲུག་ལྡན་ཚེ་རིང་གཟུགས།། གང་དུ་མཆིས་འདིར་མ་ཤེས་རྒུད་པའི་ཚོགས།། སྤྱི་དང་ཁྱད་པར་དུས་མིན་འཆི་བ་ཡི།། འཇིགས་པ་ཀུན་བཅོམ་བདེ་སྐྱིད་དཔལ་འབྱོར་སྟོབས།། ཚེ་དང་བསོད་ནམས་མཁོ་རྒུའི་ནོར་ལོངས་སྤྱོད།། གོང་ནས་གོང་དུ་འཕེལ་ཞེས་དྲང་སྲོང་གི། བདེན་ཚིག་དེ་བཞིན་གནས་འདིར་ལྷུན་གྲུབ་ཤོག། ཅེས་གསུངས་སོ།། 微信公众平台号：TibetanChopel གཞན་ལ་ཕན་གྱུར་ཅིག
Posted on: Sat, 03 Aug 2013 11:56:01 +0000
Trending Topics
Recently Viewed Topics
© 2015