22 August: NA 177 Zimni Election say pehlay Akhri Paigam: Merey dosto behno bhaio aur Bazurgo. Main apko kisi Andhairay ya khush fehmi main nahi rakhna chahta. Sari soorat i haal daikhnay aur samaghnay kay bad main is nateejay per pohancha hoon kay ham kam az kam 5000 votes say election haar rahay hain aur Rabbani khar jaisa makrooh aur zalim insan jeet raha hay. Alamdar Qureshi MPA aur Dr.Sajid Mahmood Ashraf kay bhai Ch khalid Mahmmod bayakwaqt 2 candidates yani Mian Saud Gurmani aur Iqbal Pitafi ko support kar rahay hain takay Mazdoor ittihad group ka vote taqseem ho aur Rabbani Khar jeet jai warna agar Ch Khalid aur Alamdar Qureshi mil kar kisi bhi candidate ko support kartay to wo jeet jata chahay wo Iqbal Pitafi ho ya Mian Saud. Lakin jaisa kay main nay pehlay kaha inka maqsad Mian saud ya Iqbal pitafi ko jitwana bhi nahi balkay sirf mughay harana hay. Mera 177 ki seat chorna itna bara jurm to nahi hay kay uski saza aap log khud ko day lain aur kharon ko dubara khud per musallat kar lain. Abhi bhi waqt hay Agar aap chahtay hain kay NA177 dubara kharon ki ghulami main na jai to meri galtion ko bhula dain. Mian Saud ya Iqbal Pitafi ko diya gaya her vote Rabbani Khar ki jeet ka sabab banay ga kiunkay yay dono sahibaan muqablay main hain hi nahi balkay Dr sahab ki mughay haranay sazish ka shikaar huay hain. Hamara group sirf usi soorat jeetay ga agar aap kal kay din ziada say ziada vote cast karwa sakain gay. Mazoor ittihad group ka voter naraz aur mayous hay aur shayed vote dainay ghar say hi na niklay. Agar aap usay samgha kar ghar say poling both tak lanay main kamyab rahay to apka group jeet jai ga warna jaisay taqseem ki gai hay ham haar jaiyain gay. Main ab busy ho jaon ga. mera paigam sab tak pohancha dain aur sab say kahain kay Group kay mayoos aur naraz arkan ko razi kar kay poling station laiyain. ik bar wo aa gaya to uska zameer usay kharon ya gurmanion ko vote nahi dainay ga. Ap sab ka shukriya. Parson tak kay liay Allah Hafiz
Posted on: Wed, 21 Aug 2013 06:02:56 +0000