60, Hijri) (SAALABIYA Aur WAHAB BIN ABDULLAH KALABAI ki IMAM HUSSAIN as ki ziyarat karna IMAM as. ka qafla muqam e SAALABIYA py pohncha hai. MAKAH sy KOOFA jatey huey ye manzil rastey main parti hai. SAALAB nam ky aik admi ny kisi zamaney main yahan aik kunwan (well) khudwaya tha jis ki waja sy is jagha ko SAALABIYA kaha jta hai. Kisi zamaney main yahan aik basti aabad thi jo baad main khatam ho gai (As per Geography of 60 Hijri). QABEELA BANI ASAD ky chand afrad btatey hian ky hum safar kar rahey thy to maalom hua ky IMAM as. bhi hum sy aagey safar kar rahey hain, hum ny un tak pohanchney ky liye apni raftar tez kar di. ZUROOD tak hum ny un ky qafley ko ja liya lekin mulaqat na ho saki. Isi doran gard ka aik bagola utha aur us main sy aik admi namudar hua. Hum ny us sy poocha ky tum kon ho aur kahan sy aa rahey ho. Us ny batay ky woh bhi BANI ASAD ka hai aur KOOFA sy aa raha hai. Us ny hamain wahan ky halaat btaye aur JANAB E MUSLIM IBN E AQEEL as. ki shahadat ki khabar sunai. IMAM as. us wqt tak ZUROOD sy rawana ho chukey thy. Hum ny phir un ky qafley ka peecha kiya aur SAALIBIYA py un sy ja miley. Yeh raat ka aik pehar hai. IMAM as. apney khaimey main tashreef farma hain aur khandan ky mard aur ashaab un ky pas bethey huey hain. BANI ASAD ky ye log ijazat ky baad khaimey main dakhil hotey hain aur salam ky baad kehtey hain ky YA IBN E RASOOL ALLAH (S), HUM AAP KO AIK KHABAR DENA CHAHTEY HAIN, AAP HUKUM KARAIN TO SUB KY SAMNEY BTA DAIN YA ELEHDGI MAIN BYAN KARAIN ?. IMAM as. ny irshad farmaya MAIN KOI BAT APNEY LOGON SY NAHI CHUPATA. Yeh sun kar wo log IMAM as. ko JANAB E MUSLIM as. aur HAANI BIN URWAH (ra) ki shahadat ki khabar detey hain. IMAM as. aur sub log girya karney lagey aur be,had roye. IMAM as. ny JANAB E MUSLIM as. ky beton ki taraf dekha aur farmaya AB TUM LOGON KI MARZI KYA HAI ?. JANAB E MUSLIM ky betey farma rahey hain HUM WAPIS NAHI JAIN GY. HUM WALID KA QASAS LAIN GY YA SHAHEED HO JAIN GY . IMAM as. uthtey hain aur khawateen ky khayam ki taraf jatey hian. JANAB E MUSLIM as. ky ghar ki khawateen ky khaimey main dakhil hotey hian to JANAB E MUSLIM as. ki choti beti HAMEEDA (sa) jo 7 saal ki hain, apney mamoo (IMAM HUSSAIN as) sy bohat muhabbat karti hain. IMAM as. beti ko pas bula kar bohat zyada shafqat farma rahey hain. Yeh beti IMAM HUSSAIN as. sy kehti hain CHACHA JAN ( Allama kintori aur alama Tareehi bayan kartey hain ky BETI us wqt MAMOO ko CHACHA Kehna ab aainda IMAM as. ki kifalat ki taraf ishara hai) AAJ AAP MUJH SY US TARHA SHAFQAT KAR RAHEY HAIN JESEY KOI KISI YATEEM SY KRTA HAI. HMAREY BABA KHERIYAT SY TO HAIN? IMAM sa. tarap ky farmatey hain BETI KYA MAIN TUMHAREY WALID KI TARHA AUR TUMHARI PHUPHI ZAINAB (sa) TUMHARI WALIDA NAHI HAIN ?. KYA MEREY BETEY, BETIYAN TUMHAREY BEHAN BHAI NAHI HAIN ? Yeh suntey hi khawateen ky khayam main kohraam mach gya. Sub khawateen JANAB E MUSLIM as. ky ehl e khana sy tazeeyat kar ky rotey rahey. Kafi dair JANAB E MUSLIM as. ky khaimey main rehney ky baad IMAM as. apney khaimey main wapis tashreef ly aaye hain. JANAB E MUSLIM as. ki shahadat ny IMAM as. ko nidhal aur afsurda kar diya hai. Ashaab e HUSSAIN as. ka mashwara bhi yehi hai ky hum safar jari rakhain gy aur koofa zaroor jain gy. SAALABIYA ki manzil py aik eesai (christian) apni walida ky sath tehra hua hai jis ny IMAM as. ki zyarat kartey hi islam qubool kar liya hai. Ye nou muslim nowjawan WAHAB BIN WAHAB BIN ABDULLAH KALABAI hain. Ab ye bhi qafley ky hamrah jain gy. ASLAM O ALAIKA YA ASHAAB AL HUSSAIN as....Fatima Islam jaffri
Posted on: Sun, 03 Nov 2013 13:21:50 +0000