A THAR TE LEH LO KAL HMASA TE Tunah hian Lalpan kan ramah hian thuhruk tam tak(rin aia tam) a nei mek a. Mahni zawn theuhah training a pe mek a ni. A then sakhuana lam chang turte, a then politics zawnga ram siamtha turte,etc. Lalpan a kohna dawng thar te hian thil hi an han hmuchiang thei mai mai khawp a, an buai a, tuna thleng nghal rum2 turah te an ngai thin. Hetah hian Lalpan a lo hruai hmasakte kan pawimawh hle. Mawhphurhna lian tak kan nei. Lalpa Thlarau Thianghlim finna nen anmahni kaihruai turin Lalpan min duh a, inrem taka inkawp turin min duh a ni. A kal hmasaten mahni experience atanga lo hrilh chiam chi a ni hauh lova. Hritlang theuh2 Doctorin damdawi min chawh pawh a danglam thin ang hian Lalpan mimal tin min buatsaih dan a in ang lo thin a ni. Tin, Lalpan a koh thar te pawhin Aia upate zahthiamin tih hi kan vawng tlat tur a ni. Setana hian a hmasa te leh a thar te inrem taka kan thawh ho hi a hlau hle a ni. Chumi ni lo tur chuan chanchin kan inhrilh tawn tam te a ngai hle a ni. Tin, rau leh lutuk hi a hlauhawm a, sualin min chuh nat thin zia chu kan hriat vek kha. Kan mihring finna (common sense) leh thlarau finna hi a inbuk tawk a ngai khawp a nia. Tanrual hi chakna a ni. Lalpaah i tangrual tlat ang u. Tun dinhmunah hian Lalpa mi theuh2 pawh kan tangrual theilo em em a. I inngaihtuah chiang i la. Hmangaihnain bul i tan thar theuh ang u. Chutah chuan inpumkhatna a awm si thin. Johana 17:22-23 Tin, nangin ropuina mi pek kha keiin anmahni ka pe ta; anni chu pumkhat an nihna turin, keini pumkhat kan ni ang bawk hian; kei anmahniah, nang keimahah, anni pumkhata an awm a, an famkim theihna turin; nangin kei mi tir tih leh, mi hmangaih angin anni hi i hmangaih tih, khawvelin an hriat theihna turin.
Posted on: Sat, 01 Nov 2014 06:14:56 +0000
Trending Topics
Recently Viewed Topics
© 2015