ATESHON: Tuma bon nota: Outoridatnan di salú di Sint Maarten a informá ku nan a detektá un kaso di infekshon na man, pia i boka. E infekshon ta un enfermedat ku ta afektá muchanan 10 aña òf mas abou. Tin biaha hende grandi tambe ta hañ’é. No tin un bakuna ku ta protehá kontra e malesa aki. Outoridatnan a pidi tur hende pa tuma medidanan di prekoushon. Un di e medidanan ta pa komuniká mesora ku dòkter di kas. Síntomanan ta inkluí kondishon di kalafriu, herida na boka, ménos apetit, tosamentu i grawatamentu di kueru. Tin biaha ta forma blar na man i pia i nan por desaroyá den blarnan doloroso i krea hasta úlsera masha doloroso den boka. E malesa ta pasa di hende pa hende via di loke ta sali for di nanishi i garganta, manera skupi, nanishi ku ta kore i nistermentu. Tambe e por pasa via di líkido i sushi di hendenan infektá. Medidanan ku ta rekomendá ta pa laba man konstantemente ku awa i habon, prinsipalmente despues di kambia bruki òf pampers òf uso di tualèt. Mester desinfektá tur área, inkluyendo ko’i hunga di e muchanan. E infekshon aki no ta e mesun enfermedat ku ta afektá animalnan manera karné, kabritu i porko i ku ta konosí komo mond en klauwzeer. E dos infekshonnan no ta relatá ku otro i bo no por haña infekshon di man, pia i boka via di animalnan
Posted on: Fri, 05 Jul 2013 08:12:46 +0000
Trending Topics
Recently Viewed Topics
© 2015