Alberto Vrolijk Gabinete Mike Eman: Green Gateway den pleno ehecucion Print E-mail Monday, 02 September 2013 02:11 20130901 green gateway eman economia E industria di turismo a sa di mustra su flexibilidad den e crecemento continuo durante e ultimo añanan a pesar di e retonan grandi cu a presenta a rais di e crisis, segun IMF. “Den cooperacion cu partnernan de Reino, Aruba ta desaroyando su di tres pilar economica den pleno forza”. E plan di recuperacion di Gabinete Mike Eman cu a inicia na fin di aña 2009 pa frena e crisis cu a azota nos, tin efecto. IMF ta premira un crecemento economico di mas di 3,5% pa e añanan 2013-2016. Cu esaki Aruba ta dunando e bon ehempel den region y pafo di dje. Cu un pakete amplio na cambio y renobacionnan infrastructural urbano y proyectonan di mehoracion di barionan, Gabinete Mike Eman a desplega riba modernisacion di Aruba y na mes momento stimula e economia. Den un futuro hopi cercano Aruba lo ta un gateway completo pa Latinoamerica. Parnernan strategico manera TNO, Gasunie, Carbon War Room, New America Foundation, Harvard, como tambe pioneronan den sostenibilidad manera Richard Branson y Wubbo Ockels, ta trahando cu Aruba den un espiritu di cooperacion, harmonia y bienestar pa yega na un desaroyo sostenibel den tur aspecto. Maneho di Gobierno di Aruba ta hibando Aruba den un porta di conexion den industrianan di conocemento, tecnologia y servicionan unda e sector di energia berde local lo sirbi como catalisador di tur e iniciativanan aki participando den e crecemento economico actual di Latinoamerica. Den un estudio haci recientemente pa Ernst & Young a pronostica cu e economia nobo aki lo genera 1800 cupo di trabou extra di awor pa aña 2020. Na mei ultimo Aruba a organiza e gran conferencia ‘Europe Meets the Americas’ cu mas di 2000 participante. E conference aki a concentra riba posibilidadnan den e mercado di sostenibilidad, logistica como tambe industria di servicionan profesional na empresanan.
Posted on: Mon, 02 Sep 2013 10:41:50 +0000
Trending Topics
Recently Viewed Topics
© 2015