Apreciable Hermano Danki pa e reacion di e ruman cu a papia riba mi. Mi no ta gusta señalá algo sin duna aserca solushon. Mi ta propone esaki. Ora bo tende tipo di kosnan asina, no di mi so, sino di tur hende, hasi lo siguiente: • Bisa e ruman di biaha pa hasi orashon pa e ruman cu el a mira su caída den pasado. • Bisé cu e ruman aki ya pa gloria di Dios ta restaurá y Stritura ta siñanos cu e kosnan bieu a pasa, ata tur kos a bira nobo. 2-Cor.5:17 • Bisé cu no ta bon pa papia riba rumannan, en bes di kana papia riba otronan y vooral kos di pasado, bisé bin yudanos evangelisa den nos Bario pa yuda e obra nobo di Dios avansa. • Bisé pa tene cuidou pa e no tuma puesto di Cristo, laga esei pa Dios, paso hasiendo esaki e ta bezig ta despreciá su ruman den Cristo. Prov.11:12 • Y por ultimo puntra e ruman kon Cristo lo a atendé e caso aki? Esaki nan ta posibel rekisitonan pa bo medita ariba nan pa otro biaha. Sabí cu semper ora ta trata di un obra nobo pa Señor, tin oposishon, y den mi caso nos ta bai wordu instalá oficialmente como pareha pastoral, pesei enemigo ta rabiá y e ta bezig ta usando cristiannan mes pa destruí na lugar di anima y restaurá. Nos a hañanos cu hopi lucha y kosnan di pasado di e diablo e ultimo dianan aki, pero e ta derotá den e nomber di Jesus. Esaki ta bon pa bo cresemento spiritual. Un bon siman y cu Dios sea cu abo y bo famia.
Posted on: Mon, 11 Nov 2013 17:04:16 +0000
Trending Topics
Recently Viewed Topics
© 2015