August 27, 2013 - RU BALITA SA BUNTAG SA police report! GIPANGHIMAKAK sa usa ka inahan nga iyang gisulayan og labay ang bag-ong himugso niyang anak sa dalang Capistrano, ning siyudad. Sa pakighinabi sa Radyo Ultra kang alyas Maricel, dili kuno niya mahimo ang pag-abandona sa iyang anak. Nagpahulay lamang kuno sila sa iyang anak atubangan sa usa ka fastfood chain samtang naghulat sa iyang bana nga namasura niadtong higayona. (Maricel 1) Ang pamahayag sa inahan nga giingong lango sa ilimnong makahubog sa pakighinabi sa Radyo Ultra. Kahibaloan, temporaryong gikustodiya sa kapolisan ang maong inahan human makit-an ang bata nga giputos sa lampin nga layo matod pa sa iyang distansiya nga gitulgan. Sa inisyal nga imbestigasyon sa Divisoria police, gibutyag ni PO1 Jessa Neri Lauro nga ila lamang gikustodiya ang inahan ug ilang gi-inom sa gatas ang bata nga nagpunay og hilak. (Lauro 1) Ang pamahayag ni PO1 Lauro sa Divisoria police station 1. -o0o-
Posted on: Mon, 26 Aug 2013 22:24:27 +0000
Trending Topics
Recently Viewed Topics
© 2015