August 28, 2013 – RU BALITA SA UDTO NAGMALAMPUSON ang gipahigayong prusisyon kaganihang buntag sa pangilin ni Senyor San Agustin sa dakbayan. Sa pakighinabi sa Radyo Ultra kang Chief Inspector Lemuel Gonda, hepe sa operations, plans branch sa Cagayan de Oro City Police Office, ilang gisiguro ang kaluwasan sa katawhan nga magpunsisok sa Cathedral ni San Agustin ug ilang gi-inspeksiyon ang mga mosulod sa simbahan. Sa pagbana-bana sa kapolisan, moabot sa singko mil ang laomang modalikyat sa simbahan karong adlawa. (Gonda 1) Ang pamahayag ni Chief Inspector Gonda. Nabulabog usab ang kalinaw sa dakbayan human usa ka edarang lalaki ang nakuhaan sa kapolisan sa tulo ka mahait nga hinagiban. Hinuon nasabtan kuno sa kapolisan nga wala masayod ang wala hinganling lalaki nga gidili ang pagdala-dala og mahait nga hinagiban karong panahona, busa ila lamang gisakmit ang maong butang ug gipapa-uli ang maong lalaki. Alayon niini, nagpahigayon sa body search ang kapolisan sa tanang mosulod sa simbahan. -o0o-
Posted on: Wed, 28 Aug 2013 04:18:14 +0000
Trending Topics
Recently Viewed Topics
© 2015