BUNG 20 LAWM AKIM An awmna lai chu athengthaw nuamin khaw hawina tur azau hle mai a. An thrutna piah lawkah chuan Mawitea car chu ading a. Sava hram lauh2 mai lo chu thawm dang hriat tur a awmlo. Maria chu Mawitea koki ngheng in athru awn diai a. Mawitea chuan asam tle siau mai chu a chul heuh2 a. An thrutna chu adai nuam hle mai a. Thlifim chuan an nghen chhan thingkung hnah chu a chhem ri seng2 a. Maria, tun lai hi i ngui thei riau mai. Enge thil awmzia ni a? Ka ngui em ni? Ka hlim luat vang mai2 aniang. Hlim hmel leh ngui hmel hre hranglo rualah min ngai ami? Dik chiah chuan thil namailo tak vei inei tih ka hria asin. Sawi duh ngat la chuan, ka rin chu adik em2 ang. Nge, hrilh tlakah min ngailo deuh anih chuan thuhran. Maria chuan Mawitea chu ahan ena, amitmeng zaidam leh nelawm tak mai ahmuh chuan athla amuang sawng2 a. U Mawi, vawi tam tak hrilh che ka tum thrin a, mahse ka sawi chuan min hmuhsit phah dawnin ka hria a. Ka hrilh ngamlo che ani. Chu, min ring tawk lo hle mai maw? Ilakah rintlak leh rinawm hmel pu khawpin ka la langlo tihna em ni, kei chuan i nihna ang2 hian ka pawm che a, eng harsatna pawh tawk la, chu2 ka harsatna ah ka ngai bawk a, min ring sual. . . . . . . Nilo, chutiang lam anilo. Keima nikhua lo leh rintlak loh luat vang zawk ania, ka ring tawk che a, tin, hrilh che chu ka tum hrim2 alawm, ati a. Anih leh han sawi teh le, hei beng ka nei a, ka lo chhi kar ange. . . Maria chuan anau chanchin chu zep awm lovin ahrilh ta veka. A beidawnzia leh anau nikhua loh avanga a insitziate chu asawi a, Chuvangin, U Mawi, kei mai2 hi chuan in chhunkaw hming ka tichhe lek fang dawnin ka hria a. Nang chuan keini mai2 aia thra leh fel tam tak i hmu ang tih ka ring a. . . Maria, i ngaihtuahna mai2 anih chu. Nang aia thra hi an awm ngailo ang. Inau sual chu i sual ani hleinem. Ka hrechiang che a, ichanchin engkim ka hria a, ka duh che ani, chu2 kan sawinawn leh hram ange, Maria ka hmangaih che ka tih hian engkimah ka hmangaih che a, engkim takzet a huap tih i hrelo em ni? An inneih ni chu ahnai tawh hle a palaiin engkim an sawifel vek tawh a. Chhantea chuan pa ber chan a chang a, engkimah thu atitlu a chhungkhat vek an ni bawk a, engkim mai chu awlsamtein an tifel thei a. Man ei tur leh engkim mai chu an rel ho vek a, ahlimawm dan adang hle a. Chhiat an tawhna pawh kum khat dawn ani ta a, inneihna atan phur takin an chhungkua chu an inbuatsaih mup2 a. Maria, khua atlai dawn, kan inneih hunah chuan hun hian awmzia anei tlem hle tawh anga, inkhamlo taka inthren hi atrul fotawh lo ang. Ibula ka awm hian hun hi atlanin atlan a, i hmel hmuh tur a awm loh erawh chuan hun hi kebai kal aipawn amuang zawk hialin ka hre thrin, kan haw tawh dawn em ni ang. Enteh, khua atlai leh fu tawh ania, ati a. Maria chuan nui chungin,I hmanhmawh hle mai. A nih, haw vat ang, kan leng rei si a, Kapa chuan min ngaihtuah leh hman tawh ngei ang, Ka sawisa vek alawm, chu lamah chuan angaihtuah lo ang che, ati a. An thrutna atrang chuan an tho a, car ah chuan an thru lut a, Mawia chuan Maria hmuiah chuan zawite hian an fawp leh zauh a, an in en a, (an hlim dun ani tih chu nang a chhiar mektu pawn i hrethiam ang) Maria chu athaw aveng hawk mai a, Antau avang hian a rilru ahah thrin hle mai a, hman zana an inhmuh bak kha chu an la inhmu leh talo reng2 a. Anau avang chuan a insit ru hle thrin a. Mawia te ang chhungkaw hlun leh zahawm tan chuan tling zoin a inhre lo a, mahse Mawia chuan ahmangaih zia ahre tlat bawk a. Mipa lam chhungte chuan, Maria chu thra an tiin an duhpui em2 vek a, a hnial zawng emaw a trawng chhin eih pawh an awmlo . Fel anti in Mo atan an it vek zawk a. Chhantea pawh a phur turh2 hle mai a. Maria chu Mapuii nena an fa ah a chan tlat a. Buaipui pawh nuam atiin atha atho zak2 hle bawk a. A ni leh darkar tinin inneih ni chu ahnai ta zel a. Vanlaldika(Dika) chu Maria leh Mawia inneih tur thu ahriat tirh atrangin ala muhil mumal thei lo a. Maria chu a hmangaih ve tlat si a, midang ta ahan nimai tur chu aphal thei ngang bik lo. Thil tam tak angaihtuah kual a, kha lehchen alo rim pawh a arim tluk theih loh kha Mawitea chuan awlsamte in anei bik dawn anisi a, thikna namenlo tak mai chu bengdaih atum hram2 thrin a. Angaihtuahna thralo tak maite chu dah bo tumin a bei ngial a, mahse athikna chuan engkim a buk zo vek a, athil tum chu thrulh atum chuang lo. Man inhlan zan chuan Chhantea te inah chuan threnrual thra, man eitute leh chhungkhat ho chu an kim vek a, Dika leh Remi pawh an awmve a. Mo thrianah Remi chu atran dawn avangin Maria te inah chuan ariak dawn a, pindanah chuan incheina velte chu enin an hlim dun ve hle a. Dika leh Remi hi eng emaw chen atrang khan an inzui zing hle tih Maria chuan ahria a. Remi hian engmah ahrilh ngailo thung a. Chutih lai chuan Dika chu Maria room ah chuan alut a, Maria chu sittingroom ah an be duh ani tih asawi chuan akal nghal thuai a. A pindanah ahan lut leh tur chu kawngkhar phenah chuan ahan ding khaw muanga. Kawngkhar kar atrang chuan Remi leh Dika infawp lai tak chu ahmu ta a. A nui var2 a. Aw a han thian kharh2 a. Ka lo lut dawn ania, in laklawh em? Lo lut rawh Nui deuh tat2 chungin ahan lut a,Hmelchhepa, tuman min ko chai silo, mahse ka hrethiam tho e, nui ar2 chungin a ti a. Remi chu alo zak ru ve hle a. Maria, haw mai ka duh tawh. Iduh ber inei dawn bawk a,keini te mai2 chu. . . . . Khawi i nulat chhungin vawikhat chauh chu ka lo fawp ve ang che chu,Dika chuan fiamthu deuh hian ahan ti a. Maria chuan Dika chu zak lo atiin angei rilru kher mai a. Maria chuan,Khai, kei lo pawh fawh tur i hmuh zawh khawp mai hi maw. . . Ngatinge haw iva tum hma ve a. . . ati daih a. Dika chuan,Mangthra phawt mai, hlim takin aw. . tiin a chhuak ta a. Mawia chu inthiar turin pawnah chuan ahan chhuak a. A motor phen atrang chuan tu emaw hi arawnchhuak a. E. . Dika,nang ini maw? Enge itih a? Ka chabi ka thlauh alawm mawle. Mahse ka hmu tawh e, haw ka tum a. Iva hmanhmawh ve. Chabi chu i hmu leh maw? Aw hmu e. Mangthra le. Dika chuan Bike atinunga. Chak deuhin atlan nghal a. Mawitea chuan athlirzui a. Mak ati deuh hlek a. A car hnuaiah khan enge atih? Chabi azawng maw kha. . . .ani tak e. A hmuh nghe2 kha. A zung zo a. Inchhungah alut lehnghal a. Engkim an tihfel hnu chuan haw zai an rel ta hlawm a. Mawia chu ala awm khaw fual a. Midang zawng haw hnu chuan Maria nen chuan thingpui anla in a. reilote ah chuan haw zai arelve ta aNaktuk zan atrang chuan ka ta ini tawh dawn a. Mangtha aw. . Maria. Tunah pawh ita ka ni reng alawm. Fimkhur deuh khan khalh rawh aw. Maria, lo kun leh lawk teh. . A han kun a, Mawia chuan a hrilh rua an nui dun hawk2 a. Anih, mangtha tak2 le. Inchhuangah a luta. Athriannu Remi chu alo muhil tawh a. Mawia chuan a Motor chu dik lohna nei tlat hian ahria a. Endik thra a ahriat avangin tih din ahan tum a. Mahse a brake chuan hma athawk ta hauhlo mai. A han bei ngial a, mahse atlai ltk ta. . Motor tlan ri chu Darthlalang keh ri leh thawm bengchheng tak maiin azui a. Mawia chuan a hma thim mup mai chu enge anih chian tum in ahan meng dawn a, mahse athil hriat afiah theilo. *Venan P.U.(Sc) a pass* Alo inbeisei lawk ang ngeiin PU(Sc) result ahan chhuah chuan First Division ah a pass ta ngei a. Sangtei erawh chu Third Division ah apass thung. Vena chuan Mizoram Quota a MBBS seat chu ahmu tawh bawk a. Alawm kher mai. Sangtei erawh chuan Pachhunga University College ah B.Sc zawm tumin Admission ati fel vek tawh a. Atuk mai chu Vena kal hun anitawh a. Restaurant ah inhmatawhin an thru a. Vena chuan Sangtei kut vuan chungin,Hunte hi a inher zung2 anga, aral thuai mai ang. Mahse ka ngai dawn che anih hi, ahan ti a. I kal chak tawh hmel em mai, min ngai tawp lovang. Ti daih ila, nizan khan kan chhungkhat, vawina nupui nei tur hi a accident a, a na ang reng khawpmai. Amah chu Doctor ani nghe2 a, an inneih sawmna pawh kan dawng ve asin mawle, ahanti a. Tunge anupui tur chu? Ava khawngaihthlak ve, Maria Malsawmkimi niin ka hria, ka la hmu bik lo a, ka chhungte chuan hmelthra anti khawpmai. An fak ltk mah2 in ka hria, mahse ka la hmu miau lo a, a tih chuan Vena chu aphu zawka. Angawi vang2 a. A va pawive aw. . . . . Kan chhuak thei em? Yes. . . Engzat tur nge ni? Ka pe dawn, keiman, Khawnge ka wallet hi a awm? Ka ak. Ka lo ah thratsak hrih ang che. Ei man te anpek hnu chuan an inzui chhuak a, pawn an thlen hnu chuan Restaurant a thawk pakhak chuan arawn umzui a. Minlo hrethiam lawk teh u. Nichin khan Maria kha adamlo ni awm khan insawi kha ka hria a, inhrechiang em le? Vena chuan chupa chu ahan en chiang a. E khai, Tluangpui, nang inimaw? Khatah khan ilo thawk reng animaw? Ni e. Ka thawhna areitawh alwm. Maria chanchin chu inhrechiang em? Sangtei chuan,Aw, ka hrechiang chiah biklo na a, amah ni lovin apasal tur zawk ania, ani chu athra ang. Nizan khan car accident a. Tunah chuan Civil damdawi inah a awm ang. I hmelhriat em ni? Aw ni e. Min hrilhchianga, ka lawm khawpmai. Anih, Vena, kal mai, Engtin nge khapa nen khan in2 hriat a? Kan khua ami alawm. Anu leh pa ten an thinsan a, tikhan midawrah a inhlawh kual mai2 anih kha. Ka khawngaih ngawt mai. Chutia isawi takah chuan Doctor, tuna tawhsual tawk ka tih nupui tur Maria pawh chu anu leh pan an boralsan tawh ani awm e Vena chuan ahre khawp mai. Mahse sawi trul ati hran lo. *MANGANNA KAR A LAWM NA CHU* A han meng siar2 a, alu chu arit luk mai. Ataksa hmun tin mai chu a rawl thrum vek mai niin ahria a. Apang leh ahan tuma mahse a che thei hauhlo mai a. A khum tlang vuanin Maria chu alo tawngtai mek a. A tawngtai zawh chuan akut arawn vuan a, biak tumin a ka ahan ang a, mahse a aw a chhuak thei si lo. Thim chhah tak hian arawn huala. Maria hmel chu a bo leh ta. A kut vuanin Maria chuan Mawia hmel chu a en chianga. Na tuar hmel ni lovin hlim hmel ahmu thei a. An awmna Cabin ah chuan tunah tak hian tumah dang an awmlo a. Mawia chuan Maria hming alam zin em avangin a chhungte chuan a enkawl chu thra anti tlang a, amah chuan a enkawl ta chawt mai ani. Chutih lai chuan an awmna pindanah chuan tleirawl pakhat hi arawnlut ve hlawl mai a. Alianin afai hle mai a. Maria, nangmah ini maw. . . Ka rawn risk ve ngawt a. Tluangpui. . An unau chuan an in en vawng2 a. Ka u, hman zana ka rawn tihbuai atrang che khan damdawi tih ka sim tawh asin. Vawikhatmah ka ti leh tawhlo. I awihlo mai thei, mahse thudik ani. Tluangpui, thil sawi tur tam tak a awm a, ilokal chu ka va lawm em. Engtin nge hetah lokal na chang ihriat? Tluangpuia chu a u bulah chuan athru a. A chanchin a hriat dan te chu ahrilh a, Restaurant a athawh thute chu a sawi a. Chutihlai chuan Mawia chu arawn trawng chhuak a. Maria. . .nangmah ini em? Lo hnai teh. Maria chu akun hnai a. Mawia chu arawn meng a, a nuiluh hram2 a. Mawia chuan,Maria, ka dam dawnin ka hria. Tunge awmve? Ahan ti a. Maria chuan phur fe hian,I dam ngei2 ang. Ka nau Tluangpuia khan min rawn tlawh a. U Mawi, i sawi kha a dik asinh athra leh mai ang itih kha adik tak2 asin, ati a. Ka tih reng kha. Khawvel hi a danglam zung2 thrin ka tih kha. Khawnge a awm? Ka lo chibai ange. Tluangpuia chuan arawn hnai a. E. Inva in ang ve. Mama, ruihlo mai2 tihbuai a i awm duh zel lo chu ivannei hle mai. Khawi inchibai ang hmiang. A ban chu ahan lek dawn ngial a, mahse athei lo. Maria chuan a kut chu alek kansak a, anau nen chuan a in chibai tir a. Mama, i u hi ka tan iphal em? Tluangpuia chuan alu a bu nghat a. *MARIA LEH VENA AN INTAWNG LEH* kum te alo liam ve zela An in chu Cement Concrete in ansa tawh a. Fa pawh mipa pakhat leh hmeichhe pakhan an nei tawh bawk a. A naupang zawk chu khumah amu a, ala sen ang reng hle a. A u zawk erawh chu alianve tawh hle a. Tunah zet chuan nutling takzet alo ni ve ta. Tlai nitla tur chu a sen phut mai a. Apasal lo hawn hun a a intur thingpui a chhuan chu a sove chiah a. Gas a han off a. Chutih lai chuan tlangval lian thelh thawlh hi kawngkharah chuan arawn lut a. Marian chu pa ahmu thut chu a phu chiang hle a. Chu pa chuan a ban arawnphar chhuak a Maria, chibai Chibai le. Idam thrin maw, Vena? Damve trawk2 e. Minla hre ve maw? Hre dawn lawm ni A REI TA HLE MAI. Hei, inte chu inva sa ropui ve. Maria chuan,Kan pa hian Damdawi in lian vak lo, mi retheite tranpui nan din atum a. Chuvang chu alawm mawle. Thingpui kan siam ang che aw.. . . . a kut chu Vena chuan a la vuan ta reng a. Maria chuan laksawn pahin,In dam thra maw? In chhungte lam enge an an? a han ti a. An dam e. In thil tum chu aropui hle mai. Maria,nupui ka neive dawn a, rawh hrilh che ka tum a, ka rawn zawngchhuak vang2 che anih hi, ati a. Anih tak chu. Tunge ni a? Sangtei dawrpui ami ania. Thingpui chu tibuai duh suh. Atlai tawh a, ka kal leh nghal mai zawk ange, atia. Chhuah mai atuma,Anih leh mangtha aw, nakinah card te pawh kan la rawn pe ang che u, ati a, achhuak ta nghal a. Vena chhuah hnu chuan Maria chuan apasal thil tum chu angaihtuah neuh2 a. Mirethei pawisa neilote tranpui nana Damdawi in ni emlo, in entirna hmun leh khum pawh awm ve na din chu an nupa remruat ania, chumi atan chuan Maria chuan Bank a asum Rs 5,00,000/- athawh ve a. An nupa chuan chu hmun enkawl chu an thil chak ber ani. Anau Tluangpuia pawn Matric azo ve tawh a, tunah chuan phaiah lehkha zirin a awm a. Anunhchang chu hmana Tluangpuia chiah kha ani leh tawh ani. Mawia chhungte chuan fahrah rethei te emaw mo an neih dawn an intih laiin mi hausa tak mai mo anlo nei reng mai ani tih an hriat chuan mak an ti hle nghe2 a. Bank ah chuan Rs 2,00,000 zet ala nei ta tho a. Chu2 an fate lehkha zir nan an nupa chuan dah an remti a. Naute, iva ngui ve E, ilo haw tawh animaw. Nitla tur hi a mawi em a, ka nu leh pate ka lo ngaih viau a. Iva tlaive? vawin chu kan buai ltk alawm mawle. Taka Dika kha a Bike in a accident a, thichhawngin an rawn dah a, hmanhmawh deuhin ka zai chuk2 a. A serious viau lehnghal a, adam chhuah pawh ka beise lo khawp mai. Ithra maw nangmah kha? Aw . Ka thra e. Tak zet em? A chhan nan apasal awmah chuan a bei hle2 a. Apasal chuan duat takin alo kuah a. Nitin ka ngainatna che hi ala zual zel mai. Nangmah vang hian Damdawi inleh avelte hi aning deuh tlat thrin. Apasal mitmeng damthlup mai chu a en a. A nu, chaw eitawh ang. Ka ril atram tawh Mipa naupang te tak te hi kawngka atrangchuan arawn zuanglut thauh a.Apa enge minlo hawn? Mawia chuan a fapa chu a chawi nawlh a.
Posted on: Wed, 30 Oct 2013 16:12:04 +0000
Trending Topics
Recently Viewed Topics
© 2015