Bhrashtachar Ke Khilaaf aghori baba Sabse pehle to sabhi bhaktjano ko hamara aashirwad.. Bhrashtachar apni saari hadein paar kar chuka hai bhakton. Hamare aashram mein bhi humne 4 dhokebaaz sishyaon ko range haathon dhandhla karte pakda hai. Is amavashya ko un charon dushton ko sareaam faasi par latkakar hum Bhrashtachar ke khilaaf apni jang ka elaan karenge. Desh bhrashtachar ke dal dal mein fas chuka hai. Hume hamare china mobile mein laakhon sms praapt hue hain, jismein bhakton ne kaha hai ki “baba aaj ke zamane mein bina paisa khilaye koi kaam nahi ho raha”. Ab jab aap bhakt musibat mein ho to bhala hum kaise chain se shaant reh sakte hain. Isiliye apne pyaare desh ko aur apne priya bhakton ko bhrshtachar se mukti dilane ke liye humne bhi apne tareeke se in bhrashtachariyon ko saza dene ka nirnay liya hai. Humne ek list banayi hai jismein 3525 bhrasht logon ke naam humne nikale hain. Hum ye maang karenge ki in sabhi 3525 bhrasht logon ko hamare hawaale kiya jaaye taanki hum inhe kholte hue tail mein tal sakein, aur inhe machliyon ko khila sakein.
Posted on: Wed, 19 Jun 2013 17:32:59 +0000
Trending Topics
Recently Viewed Topics
© 2015