Bismillaah..findi pop datang lagi Sebelumnya saya sampaikan buat member yang kada suka kisah panjang, ada kisah pendek yang kami ulah,ada cerita yang panjang sesuai permintaan member yang menyukai kisah disambung,jadi silakan pilih,semua semata mata buat memanjakan member Utuh,amat wan udin kamunas Ini sambungan kisah utuh,udin wan amat di ibukota..part III Dalam hutel sambil makanaan bapandiran buahan trio jaring nih.. Utuh:manurut ikam mat, salah kitakah tadi salah buahan tvkah.. Amat:muha kita ni muha kada badusa tuhhai, jalas salah buahan tv,kita umpat dikamira haja sarik (manyuap nasi) Udin:bujur mattai jadi amun kita caburakan ratna tadi wajar haja,untung kada kita tilanjangi.(Mangucup haliling) Utuh:hahaha..bujur dinnai,amat nang untung kawa mangibit dagunya,tapi pas maangkat awaknya tadi sampat pang aku mamusut pahanya..( Himung) Udin:isuk pang jadilah kita kamunas mancuntan amasnya.. Utuh:jadi dinnai,tapi mun dapat amasnya, binian dijakarta yang cagar kita kawini bagi 3 lah..(Hungang) Amat:uki kaya itu baru adil.. (Singkat kisah esuknya tulakannai trio jaring ni betaxi ke munas, Pas dihalaman munas show rhoma irama) Amat:wuiiih rhoma tampil tuhhai.. Aku handak mainjam gitar,jugetan dulu kita (Hancap trio jAring ni bapacul baju bukah katangah panuntun bajugetan Rhoma:(benyanyi) pantas untuk urang lain ,belum tentu untuk kita..(Lagu pembaharuan) (Amat,utuh wan udin mangujat buyyiit, Musik laju pulang,maayak banar bahangkupan buyyiit batatiga sambil maulai baju,tatawaan mangakak) Utuh:kujaaaaaak taruuuuus( maayak banar ka buyyiiiit) Amat: (bakuciak) rhomaaaa aku penggemar ikaaaam..(Maju mundur gaya malincai banih bajuget) Udi:awas gepsok gepsok ,gepak sodok gepak sodok.. (tangan gaya mancaluk ka dalam salawar padahal bagaru sangkadi) Tahambur panuntun kada yang waninya baparak, juget buahannya harat banar juget kaya malincay banih Udin: ayak taruuus tuh.. ( baguyang ngecor kaya uut, idola banar pang udin wan uut permata sari) Pas tuntung lagu, Hancap amat naik ka panggung Amat:(basalaman) pa haji rhoma ulun penggemar pian..mainjam gitarlah (hancap maambil gitar rhoma) (Binguung buahan soneta) Amat:sebuah lagu untuk anda (mamatik gitar bahapal, banyanyi) cuk cuk bimbi bimbiku dalam sarunai, tacucuk takulibi muhanya nang kaya panai,sadincu riyu riyu sadincu riyu riyu.. (Panuntun basurak, turuuun turuuuun, hancap amat turun manjurung gitar pulang wadah pa haji) Rupanya show rhoma live di tv pas ada ratna bul bul jadi presenter wan kru Ratna: ai itu buahannya nang mancaburakan aku ka banyu(takajut) Utuh:ai ratna ada,apa habar nih(kisah kada bersalah) Ratna:beuh urang gila kisah akrab(sarik) Utuh:beuh ratna nih kisah jual mahal (mangibit kadagu) (Udin hancap baparak kada handak kalah) Udin:(mangacak kabuyyiit ratna) ai ayankku di sini jua.. Ratna:ai bunyulnya mangacak ka buyyitku,tampaar nih(sarik) (Pas lagu pulang banyanyi rhoma) Diangkat buahannya si ratna ni,bajugetan,maayak banar,ratna kuciak kuciak diatas Ratna:bunyul turunakan aku, tulung tulung.. Kru:ui bunyul turunakan kada mun kada ku tampiling.. (Diturunakannai ulih buahannya,maambil ka salup si ratna ditawakakannya) (Hancap amat,utuh,wan udin bukahan mancincing ampah kamunas,pas sampai bapandiran trio jaring) Amat:kaya apa caranya din kita maambil amas munas tuh Utuh:amun maambil tu nyata jalan luAr,ujar findi pop naik pakai lift jar nukar tiketnya masuknya jalan bawah tanah ada museum.. Udin:beuh di bunyulinya,kaya apA maambil amasnya mun jalan dalam.. Utuh:kita hadangi gugur haja gin mattai,amun ditiup angin daras gugurai inya..(Hungang) Amat:bujur tuhhai kaya kita manjatu buah kasturi bila kana tiup angin guguran..(Tambah hungang) Udin:mun kaya itu kita hadangiai..( Sama pada hungang) (Dudukannai buahan trio jaring mahadangi amas munas di tampur angin,nganga ngangaan muntung mancangangi kaatas,bahanu pina luncup bibir basiul mangiyau angin) Kada lawas datang ratna wan buahan kru takumpulan Ratna:tuh urang gilanya ayu tankap (bakuciak) Trio jaring pas malihat ratna wan buahan kru sing banyakan,hancap bukahan sing lajuan,babuat dalam bis Utuh:bunyul jua ratna tu bakiyauan sarik rupanya,maka angin bamula daras nyata gugur amasnya..(Sangkal) Amat: untung ada bis jaka kada pacangan ngilu pulang burutku kana sipak..harau kada jadi dapat amas.. Udin:iih palihatku pina baguyang amasnya handak gugur sudah..(padahal kapala saurang raum kalawasan cangang ka atas) Utuh:tapi ratna tu badusa jua buahannyaai, sualnya mamagat usaha kita nang handak babini dua urang jakarta amun kawa manjual amas munas tuh (ampun inya kada badusa) Udin:bujur tuhhai pacangan bulik kabanua kada mambawa bini ni Amat:paksaai aluh pulang nang kita rabutakan hahaha Supir bis:(batAkun) amas di mana pa nang handak gugur.. Utuh:amas diatas munas tu nah.. (Braak taranjah tihang listrik bis,takajut supir mandangar amas di munas handak gugur) Bulikannai ka hutil trionya taliur liur guringan.. Inggan situ dulu sanaklah,met puasa barataan, F.ramanda
Posted on: Sun, 21 Jul 2013 23:59:55 +0000
Trending Topics
Recently Viewed Topics
© 2015