Bomb ti puaktu, a puah tukah Home Minister in man anih ngei dawn thu a sawi thei.. MPCC leh HPC’D’ thawhdunna: Mizoram State General Election 2008 puan a nih hma thla hnih vel la awmah khan Lal Thanhawlla kaihhruai Congress (MPCCI) leh HPC’D’ te hian Manipur khawpui Imphal-ah thawhona thuthlung an siam a. An inbiakna hmun hi Nirmala Hotel, Thangal Bazar-ah a ni. Congress lam aiawhin Lalthanzara (Pate-a) leh JC Sengluaia an ni a, HPC’D’ aiawhin an President Lalhmingthang Sinate leh an General Secretary H.Zosangbera te an ni. He inremna an siamah chuan HPC ‘D’ Demand area chhung leh pawn Mizoram pumah HPC’D’ chuan Cong (I) Candidate te a pui vek ang a, Constituency pahnih Chalfilh A/C (Suangpuilawn bial ni thin), Tuivawl (Ratu bial ni thin)-ah te hian HPC’D’ in an miduh Candidate an thlang a nga, chung mite chu Congress (I) ticket-in an ding ang tih a ni. Chutiang ang chuan Chalfilh A/C ah Chawngtinthanga a ding a, Tuivawl A/C ah erawh chuan HPC’D’ mi duh P.K.Singson chu Congress party chhungkua-ah inlungruallohna avangin a ding tlang ta lo a. P.K.Singson hi Hmar a ni lova, Thado hnam a ni. Heti chung hian an inremna angin HPC’D’ demand area bial pahnihah hian Congress candidate te chu hneh takin an tling ta reng a ni. HPC ‘D’ an lungawi ta lo: An inremna anga Congress sorkarin HPCD te a ngaihsak tak loh avang hian kawng hrang hrangin hma an la a. Mizoram sorkarin chhuanlam eng eng emaw siam in, Central sorkarin direct-a hel biak a phal lo te tiin HPCD nena inbiakna lam kawngah hma a lak duh tak loh avangin hetiang hian ruahmanna an siam ta a ni:-HPCD Demand area chhungah All Political Party Committee din nise, he committee hian remna kawng zawngin Mizoram sorkar leh Home Ministry dawr rawhse, an ti a. Union Home Ministry hi Delhi-ah tumhnih ngawt an dawr nghe nghe a ni.All Political Party aiawhte chu:- President : Lalneihthanga (Sakawrdai) HPCSecretary : Zoliana (Zohmun) CongressTreasurer : Darsailova (Sakawrdai) ZNPMembers : Zosiamliana Sakawrdai) MPCZaipuia (Sakawrdai) MNFHe Committee aiawh hian Lalneihthanga chuan Dt.24.5.2012 khan Chief Minister Lal Thanhawla a hmu a. Chief Minister leh Lalneihthanga te hian HPCD Chairman H.Zosangbera chu Phone hmanga biain remna atana inbiakna tur hmun leh hunte an ruat ta a ni. Congress sorkar Nghakuai ah HPCD an awk: Mizoram sorkar aiawh leh HPCD te chuan inbiakna kalpui an tum ta a. June ni 10, 2012 ahLalropuia (Army Chief) leh Biaknunga (Dy. Army Chief) te chuan Imphal chhuahsanin Silchar an thleng a, boruak tha lo awm lo tur leh a awm a nih pawha siam rem turin an kal hmasa a ni. June ni 12, 2012 ah HPCD Chairman H.Zosangbera leh mithenkhat Imphal-Silchar an kal ve leh ang a, Kangring dawr-ah Lalropuia (Army Chief) in Mizoram sorkar palaite nen a lo hmuak ang. June ni 14, 2012 an inbiakna hmun tur Tiau-lian thlenkim nise tiin an rel a ni.Mizoram sorkar hian remna kawng zawnga inbiakpui tura thlem chhuak a ni a, HPCD hotute hi an vaiin hup barh a tum a, mahse an kal rual tak loh avangin an hotu pahnih, Lalropuia (Army Chief) leh Biaknunga (Dy.Army Chief) te chu June ni 10, 2012 khan Silchar-ah an man a, a hnuah HPCD Chairman H.Zosangbera chu Delhi Airport-ah man a ni leh ta a ni. Hemi chungchangah hian HPCD lam chuan Mizoram sorkar chu a thutiam a ding lo leh rinawm lo, khawvel hmun danga thleng ngai lo, an hotute remna zawnga feh chhuak buma an lo man chu hriatthiam har an ti. Chuan, Mizoram hi a ralmuang ta lo chhunzawm zel a ni thei ang em??
Posted on: Sun, 03 Aug 2014 14:07:24 +0000
Trending Topics
Recently Viewed Topics
© 2015